هل أستطيع الدخول إلى أمريكا بعد بدء الدراسة؟

وعليكم السلام ورحمة الله وبركاته
في الايتوني عزيزي تحصل تاريخين الاول بدء الدراسه وفي تاريخ ثاني لفصل بعده ، يعتمد على المعهد اللي بتدرس فيه هل يعتمد نظام الفصول ام المستويات.
على حد علمي انه ماحد يقدر يدخل بعد التاريخين الموجودين في الايتوني على حسب نظام الهجره والجمارك بامريكا
لكن في شخص بالمنتدى كتب انه الواحد يقدر يدخل بعد تاريخ الانتهاء بمدة ١٥ يوم هذا الكلام تقريبا قبل كم يوم ٣ او ٤ ايام مضت
وبالنسبه للحجز اخوي لاتخاف تقدر تحصل اقرب موعد عادي يوم ولا يومين واطلع على اي خطوط قريبه
بالنسبه للفيزا ، هل انت سويت المقابله ولا لسا؟
اذا لسا تقدر لما تحجز موعد بالسفاره تروح على حجز موعد طارئ وترسل لهم انه دراستك قريبه ولاتقدر تأجل ٤ او ٣ شهور من الان اذا كان نظام فصول.
أتمنى اني افدتك، وبالتوفيق عزيزي.

اخي مع احترامي للجميع مافيه احد في هذا المنتدى راح يفيدك بشكل اكيد

اللي راح يفيدك في هذا الموضوع هو معهدك خلك على تواصل مع المعهد وبلغهم وماذا تعمل في حال تاخر الفيزا وتاخر السفر

وهم اللي بيدهم الامر بعد الله سبحانه ممكن يسمحوا لك بالتاخير وممكن ياجلوا دراستك للكورس اللي بعده


الامر الاخر بعد صدور الفيزا ممكن تسافر من اليوم اللي بعده فخلك جاهز ومستعد للسفر

انا كان لي تجريه مع السفاره وهي ان جواز بنتي تاخر عندهم وبقى اسبوع فقط على بدء الدراسه

وسافرت للرياض يوم الاربعاء والدراسه الاربعاء اللي بعده وتوجهت مباشرة للسفاره وكلمتهم وشرحت لهم الوضع وقالوا اليوم الساعه 5 تستلم الجواز

وبعدها توجهت للوزاره وطلعت قرار الابتعاث والخميس الصباح بعد ما استلمت جواز بنتي توجهت لمكتب الطيار بالوزاره وحجزت على يوم الاحد

وكنت اقدر اسافر بنفس اليوم او من بكرا بس لم استعد للسفر

بالتوفيق

تقدر تدخل متاخر اذا راسلت المعهد وسمحلك لانه يوم توصل لادارة الهجرة بيتصل على المعهد ويساله اذا بيقبلك مع هـ التاخير ولا لا

اذا المعهد سمحلك تتاخر اطبع الايميل منهم للاحتياط

بس نصيحتي طبعا اجل دراستك

أشكركم جميعا والله يوفقكم في الدنيا والآخرة

وسأحرص على تطبيق توجيهاتكم

طيب يا شباب انا الفيزا بطلع بكره ( 7 يناير ) ..

ودراستي تبدا 10 يناير ..

تنصحوني اروح الرياض عشان اطلع قرار الابتعاث والتذاكر اذا انها اسرع ؟

اكيد روح للرياض عشان تخلص بالتوفيق