مساعدة اللي يفهم بالفيزا يدخل .. وله دعوه من عجيز صوامه قوامه !!

تبي تدرس f1

من الاخر

بالتوفيق

F-1 في حال تبا تدرس دكتوراة وحركااات تجيب لنفسك قبول جامعة ولغة نفس المبتعث بس بشهادة بنكية وكشف حساب
F-2 مرافق مايبا درس

بل F1 بارك الله فيك , وهذا يستدعي أن تقدم على نفس معهد زوجتك وتحصل منهم على قبول طالب وليس قبول مرافق , بمعنى أخبرهم أنك بصدد التقديم على تأشيرة F1. تذكر هذه الجزئية جيّداً

صح ما افدتك والأخوان ما قصرو بس خليها تدعيلي اطمع واطمح لدعاء الجدات

اسمع وأنا اخوك

مبين ان علومك ماهي صاملة , هذا القرار لا تتخذه الا وانت مقرر ان تبدأ الدراسة حال وصولك لبلد الابتعاث ، لانهم سوف يحاسبونك على التأخير والغياب.

يعني تجيب قبول معهد لغة في حال رغبتك بدراسة اللغة اولاً ، طبعا من نفس معهد الجامعة التي تدرس بها زوجتك او نفس المدينة ، وتقدم على F1

لكن بما انك متزوج ربما يكون عندك أطفال ، فإذا احسست انك في بادئ الامر سيكون من الصعوبة عليكم الدراسة سوية ، خاصة واذا كان الاطفال صغار ، او لم تقوموا بعمل الترتيبات اللازمة لهم.

لذا من الافضل الحضور بفيزا مرافق F2 ، وتستطيع ان تبدأ دراسة اللغة بعد استقراركم في بلد الابتعاث ، ولكن بدوام جزئي ، وليس مكثف لأن برنامج اللغة المكثف خاص بفيزا F1.

ولابد من الانتباه الى ان بعض معاهد الجامعات لا تقدم برامج اللغة بدوام جزئي، وتستطيع ان تراسل المعهد للإستفسار عن هذه النقطة.

اذا تمت امورك على خير وأحسست انك جاهز لفيزا F1 ، تستطيع التقديم عليها من داخل امريكا ولكن ستأخذ بعض الوقت ، او التقديم على السفارة الامريكية في اول اجازة لكم الى السعودية.


الله ييسر لنا و لك الامور ، وخلي عمتك تدعي ان ربي يشفي لي بناتي.

اللهم رب الناس اذهب الباس اشفي انت الشافي لاشفاء الا شفائك شفاء لا يغادر سقما
كفى ووفى الاخ ما اقدر ازيد عليه اي شي ... نصيحتي خدها F1 من هنا اسهل واسرع لانه لو حتغيرها هناك حتطول... ربي يسهلك اللي فيه الخير

خذها من الآخر واطلع بفيزا F1 و اتكل على الله ..

شكرا للجميع .. وخاصه relax ياليت اعرف اسمك علشان ادعيلك بالاسم .. واوعدكم اوصيها تدعيلكم جميعا باخر الليل ..

بس نسيت اقولكم انا مدرس انجليزي والماستر في اساليب تدريس الانجليزي يعني ما راح اخذ فتره طويله في اللغه !! وخاصه اني متفرغ للغه .. فيصير صعب علي اني ارجع بعد اربع اوخمس اشهر وزوجتي لسه تدرس علشان اغير الفيزا !! وكمان اخاف اروح بفيزا دارس ابتلش في الولد الصغير لانهم مايسمحوا بالغياب ... سالفه تحتاج خبره وراي سديد ... قلت اللي عندي وش عندكم انتظر ردودكم ّ!!!!

F1 نصيحة من اخوك لا تاخذ غيرها ترى احسن لك انا توني واصل امريكا واشوف الناس اللي هنا على فيزه مرافق متبهذلين عشان يطلون فيزه دارس تتاخر الى شهرين او ثلاثه
نصحية لا تجي الا فيزه دارس تكفى هذا عقالي عندك >>>> ما خذ معه شماغ وطاقية وعقال >>> ما يقدر يستغني عنها
الله يوفقك وييسر امرك
الله يوفق الجميع