الى من يهمه الامر ... مبنعثات بدون محرم

يامعشر المبتعثات :

ترا أي عضو يخالفكن الرأي بموضوع السفر بدون المحرم , والله مايقوله إلا لحرصه عليكن .
وكما يقال " من رأى ليس كمن سمع " .

ورجاء ,

لحد يسوي مقارنة بين الشباب والبنات
ويقول : أنا شفت شباب صايعين ويحتاجون ولي أمر .. إلخ .

والسبب لأن الشباب يختلفووووووووووووووون عن البنات .

والشاب مهما " صاع ودج " ماهو زي البنت , لأسباب -----------> لاتخفى عليكم .

لكن عسى الله يحفظنا بحفظه ويبعد عنا كل مكروه .

وكلن على نيته يلقى توافيقه .

اسأل الله العظيم رب العرش الكريم أن يحفظك يــ " الجوهرة " وأن يحفظ جميع المبتعثين والمبتعثات في شتى بقاع العالم .

كفاية مواضيع عن المحرم وبقائة او عدم بقائه مع المبتعثة..وكفاية معارضة الجميع على بقاء الفتاة في بلد الابتعاث وحدها!!
اولا انا لو سافرت والدي هوا محرمي وحيكون معايا وبرضو ماعندو لغة يعني انا تقريبا حدبر معظم الامور ..ابويا حيتطمن عليا ويجي معايا كل الطرق اللي احتاج امشي فيها ومكان المعهد وجميع الاماكن
ابويا يعرف اخلاااقي مزبوووط فلا حد يقول ابوها بايعها ترى والله عيب تقولو هدا الكلام مافي اب يبيع بنتو ..بدل ماتقولو ابوها داعمها ومخليها تعتمد على نفسها وتحقق طموحها!!!
انا ماعندي اخوان انا بنت وحيدة ماعندي رجال قرايب كتير ..اغلبهم متوفيين..طيب ابويا لو ماعودني اني اعتمد على نفسي واوصل مراكز واوصل لطموحي واؤمن نفسي مين حيؤمني؟؟؟ الزوج!!! كفى تفكيرا بالزوج والرجال وتعليق كل معاملات وحياة الفتاة برجل!! ترى الدين انتو فاهمينو غلط..انتو خليتو الدين قمع وتاخيييير ..
يعني ايش الهدف من الابتعاث؟؟ اذا حسبتو وصفيتو كل البنات اللي ابوها قادر انه يقعد معاها طول فترة البعثة..حتلاقي يمكن مرة عدد قليل يعني ممكن 10 % من المبتعثين..والبقية شباب..
يعني لو فكرتو حتكون التنمية الاقتتصادية والعملية في البلد مقتصرة فقط على الشباب ..وترى يد واحدة ماتصفق يعني نحن بحاجة الى النساء في كثير من مجالات العمل كالطب والتمريض وكافة المجالات يعني يد المرأة في المجتمع تعمل تطور كبير وتاثير كبير في التنمية ..يعني مثلا الطبيبات والممرضات مرغوبات جدا ومستقبلا فيه فكرة عن انشاء مستشفيات خاصة ومنفصلة للنساء لتعمل بها فقط طبيبات وممرضات الا ترغبون بذلك الم تفكرو ببعد نظر؟؟ ..بس مشكلتكم انك تلصقو كل شي بالدين وماعرفتو انه الدين اهدافه بعيدة النظر وليس امثال اللي يحورو الدين ليجعلوه قمعا وتاخيرا للمجتمع!!
كثثيييرة هي الفتاوي التي اجازت وجود الفتاة وحدها للدراسة ولكن بشرط سفر المحرم معها والاطمئنان عليها ونحن اكيد مارح نقصر في هدا الشي ..وغير كدة اي اب مارح يترك بنته وخلاص ماعاد يشوفها الا بعد تلاتة سنين ..يعني اكيد كل فترة شهر شهرين بيرجع يتطمن عليها!!! على الاقل ما بيعطل حياته عشان هيا تدرس لانه وراه التزامات وعائلة اخرى بانتظاره...ومن الخطأ التعطيل فالدين حث على العمل ..
بليزززز لا عاد اسمع احد يقول والله اذا مالقيتي محرم يجي معاكي كنسلي البعثة.. الدين ماهو كدة..
ان شاءالله يكون كلامي اثر في احد ولو شوية..
موفقين جميعا

والله يابنات ماعندي قلب اخلي بنتي او زوجتي او اختي لوحدها في بلاد الغربه وارجع السعودية والله العظيم ما اقدر انام بالسعودية
وبنتي او اختي او زوجتي هناك والله ما ادري كيف يرتاح الرجال واهله هناك لوحدهم !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!

سورررررررررررري توفي لكـ حبيت اوقفك على هذي الكلمه ..
حتى الشباب المفروض يحافظون على دينهم ..
صح انتو غييير عننا اكيد انتو رجال وحنا بنات ..
بس برضه اشياء مثل ماهو حرام علينا حتى انتوا حراااام عليكم
كلنا سوا خلقنا للعباده وكلنا راح نتحاسب على كل عمل نعمله..
فالكل لازم يحاااااااااافظ على نفسه ..

وانا لا ااؤيد سفر البنت بدووووووووووون محرم
حتى الرجال ياليت لو يزوجهم اهلهم كلهم ويسفروهم كمان مااؤيد سفر الرجال وحده بدون حرمه

هذآ حالنآ عشآن مزآجيآت المحرم وظروفه
تعشمنآ وجهزنآ أمورنآ كلها
وآخرتها جلسنآ!!
عن نفسي مستحيل أرضى أروح بدون محرم أو محرم يروح وبعدها يرجع
نجلس سوى هنآ أو نروح سوى
لكن والله شي يحرق القلب إن بآخر لحظه يقول هونت مابروح
والمشكله ماتملكين إلا تعذرينه لأنك عآرفه أسبآبه
هذآ وضعي وأسأل الله يعوضني خير
موفقين جميعاً

بصراحة انا مو مع ابتعاث البنات بدون محرم ...؟؟
ماراح اتكلم من ناحية دينية لانو تعبناااااااااااااااااااااااا ..
راح اتكلم أن احنا هنا معتمدن عليهم في جميع مهام الحياة حتى اغراض من السوبر ماركت ..صح ؟؟
طيب بتروحي هناك انتي ومحرمك ورتبتو اموركم ورجع صح ؟؟
طيب كيف راح تتعاملي مع الناس كيف راح تجيبي طلباتك صغيرة كانت او كبيرة ؟؟لاقدر الله تعبتي بتروحي مستشفى ؟؟
خليني اقولها على بلاطة ...انتي معرضة لمشاكل لها اول مالها اخر وممكن ببساطة ماتمري فيها لكن انا اتكلم بشكل عام ..
هناك فيه ضعاف النفوس سوا من البلد او بعض المبتعثين اللي هناك البنت عاطفية وراح يأثر عليها الكلام ...
الله يخليكم لا اهاليكم وييسر لكم اولاد الحلال اللي يقدرونكم ...ويصيرون محارمكم بس نصيحة لصاحبة الموضوع خذي اخوك ممكن يطلعو لك حالة استثنائية ..مجرد رأي ووجهة نظر

الله يوفقك ويعطيكي على قد نيتك ..ويعوضك خير ..
صدقيني ياقلبي خيرة ..وعليكي بالدعاء ..
انا مثلك زوجي مرة ايه ومرة لا ...
لكن الله ييسرها ..تحياتي لكي

بصراحه يااخوان انا متزوجه واشوف انو عادي البنت تبغى لوحدها في بلد الابتعاث لان البنت صارت ارجل من الولد في عصرنا هذا وبصراحه شفت بعيني انو الشباب هم الي يبغى لهم محرم حفاظا لهم من الايدز الله يكفانا منه طبعا مو كل الشباب باالنسبه لشاب الي قال انو غلط البنت غير غلط الولد وانتو تعرفون السبب ومدري ايش حابه اقوله انت وين عايش ترى الرب واحد والمحاسب واحد والجنه والنار وضعت للمراءه والرجل لمتى وانتو تغفلون عن اغلاطكم لمتى ومجتمعنا بيكون مجتمع ذكوري يغفر لااخطاء الرجل ولا يرحم المراءه اصحو هالعقول المتنحه الله قال الزاني والزانيه ماقال الزانيه فقط والزاني يسوي الي يبغى ترى هو رجال وناقل عيبه اقسم بالله شي يقهر لو انك بعد قايل انو البنت يحرم جلوسها من غير محرم كان بلعناها وسكتنا ام انك تقول الولد غير غلط البنت ومدري ايش فتح عقلك ويش غير كلنا واحد عند رب العالمين يؤسقني انو الناس تتكلم من باب العرف والعادات والتقاليد لا من باب الشرع

فعلاً الموضوع أخذ منحى اخر .....


وصار النقاش حول قضايا دينية واضحه ... والي يبغا يلتزم فيها بكيفة والي مايبغا يلتزم برضو بكيفة


المهم اننا نبعد عن التجريح ومانسمع كلام يضايق او ماله معنى ....


انتو واجهة الوطن في الخارج ... والاسلوب الي باشوفه من البعض مايرتقي لمستوى طلاب مبتعثين يمثلون بلدهم ان شاء الله في الخارج .....