هل أتخلى عن بعثة الطب و أدرس ادارة اعمال ؟؟ الله يسلمكم ساعـدوني احتاج ردودكم :( !!

بولندا أسهل واسرع الدول المتاحة لتخصص الطب!
أيرلندا مدة الدراسة حوالي 8 سنوات تقريبا وكندا اتوقع كذلك!!
شتان بين التخصصان والجامعتان ولا أنصحك بالتردد مهما كان!!!!
لا وجه للمقارنة!!!!! وفقك الله الى مافيه الخير لمستقبلك العلمي والعملي،، تحياتي.

طبعا اذا طموحك الطب وبقوووة انصحك باكمال مسيرتك فيه..
بس دام انه حماسك بدا يخف تدريجيا والتردد وجد طريقه في قلبك ..انتبهي!
الطب يحتاج عزيمة قوية جدا وصبر كبييير لانه عدد سنين الدراسة طويلة ومتطلباته صعبة جدا ولازم تحسبي كل حساباتك يعني انتي لو تبغي تفكري في الطب فكري في نتايجه وفي حياتك وفكري في 20 سنة قدام..يعني انتي اكيد تبغي تتميزي في تخصصك فاذا مارح تكتفي بكونك طبيبة عامة سوف تطمحين الى الزمالة والتخصص ...الخ
اما ادارة الاعمال دراسة انا اسميها في كل وقت وكل زمان وزايطة وكثير يحملون الشهادة..انا مبدأي في التخصصات اختار النادر والمطلوب في سوق العمل لتبرز وتتميز فيه..
وشوفي انتي مرتاحة لاي تخصص واستخيري ..
اعتقد فيه طريقة انك تبداي طب وبعدين تكمليه تخصص اخر من التخصصات الطبية (بس ما ني متاكدة من الطريقة)
فكري مرررة كويس لانه هدا مستقبل..كل واحد اعرف بميوله وقدراته وصبره..
بالتوفيق

اني ما اقدر انصحش بشي
انتين فكري فيها في هالنواحي :_
1- الطموح وميولك
2- المستقبل الوظيفي
3- طريقة العمل هل هي مناسبة لش لو لا
4 - ويش تبغي تصيري بعد 10 سنين
اسألي اشخاص لديهم شهادة الطب اسألي اشخاص لديهم خبرات في اداؤة الاعمال
لاتسمعي كلمة احد يقولك ادخلي هذا لو هذا انتين حددي
يعني لو سمعتي كلمة احد يا بيكون خيارة تمام فانتين المستفيدة او الخيار ليس بالتمام انتين بتندمي ماحد غيرش

والله يوفقش ويسهل دربش ان شاء الله

حبيبتي كثير متخرجين من الادراه وجالسين بالبيت الا اذا كان بتدرسي اداره وبعدها بتكمل عليها ماجستير يكون اخف ليكي 3 سنوات اقل من 6 سنوات طب اذا كان مو عاجبكـ الغربه..
وانا عني بااقولكـ انه الطب افضل ودراستهم هناكـ حلووووهـ بس يااختي العزيييمه قبل كل شيئ انت بتجلسين هناكـ 6 سنين او اكثر مع اللغه يعني خلي ببالك اكثر من كذا وفكري بمستقبلكـ ..
واستخيري كمان واستشيري ..~
والله يوفقك يالغلا لكل الخير يارب ..~

اذكري الله و استخيري كثير
شوفي كثير ذحين خفت همتهم وكذا اذا على البعثة ،بس تدخلي بالمود حتحبين الدراسة ان شا الله
من اخت لأختها ،يا كثر طلاب إدارة الأعمال و المبتعثين اكثر بس الطب قليل
شوفي انتي ايش حابة ولا تهتمي برأي احد ،استخيري قد ماتقدرين الين ما تحسين قلبك ارتاح لقرار ،الله يوفقك ..

استخيري ثم استخيري ثم استخيري
وشوفي الي انت ميالة لة اكثر وحابتة اكثر
وربي يكتبلك الخير


ربي قربني اليك فماااااااااااااااااخااااااااااااااااااب من اختاااااااااااااااااار قربك