February 2nd, 2012, 09:39 AM
بسم الله الرحمن الرحيم
إخواني وأخواتي السلام عليكم ورحمة الله وبركاته ..
يسر الله أموري وأموركم ووفقنا لما يحب ويرضى ..
يوم الأربعاء كان موعدي .. نعم والساعة سبعة ونص كمان ..
جيت بدري .. أصلا صليت في مسجد جنب القنصلية بس لقعني العسكري وقال لي لا تجي إلا سبعة وربع لأن السيكيورتي بيتأخر ..
بس الحمد لله كنت قريب من البوابه لما شفت الناس دخلوا زرافات ووحدانا ..
دخلنا تقريبا سبعة وخمس دقايق أو ثلاث دقايق زي كذا ..
وقفنا طابور عند حارس الأمن السوداني - على ما أظن - سأل كل واحد عن وقته وإش معاه ودخلنا واحد واحد وتفتيش زي طريقة المطارات ..
ورحنا بعدين للمكتب وراسمين لنا جادة زي الثعبان ..
أخذ كل واحد رقم وجلسنا في الصالة كل واحد يستنى دوره ..
جا رقمي عالشاشة ومغصني بطني شوية .. ( على فكرة دائما بطني يمغصني في الحالات الشبيهة ) !!!
المهم قال لي الأخ ( سعودي كان ) : ليش رايح أمريكا ..؟
وبعدين قال : أديني الجواز وورقة التأكيد حقت الـ ds 160 وإيصال سامبا وإيصال السيفيس وبس ..
أديته وبصمني وقال استنى شويه ..
استنيت وشويه بدو ينادو بالأسماء لين جاء اسمي ورحت وكانت أمريكيه ..
كلمتني انجليزي خفت أتورط قلت لها أي دونت سبيك انجلش ..
كملت عربي ..
سألتني 6 أسئلة وعلى الطاير .. وسؤالين أحسها كانت مو معايه لأن وراها عجوزة تكلمها ..
الأسئلة ..
1- اش تخصصك ؟
2- اش الجامعة اللي تخرجت منها ..؟
3- فين رايح .؟
4- اش درجتك ماجستير ..؟
5- هل لديك ( أكارب ) في أمريكا ..؟ أحسبها تقول عقارب ..
6- نسيته ..
( تذكرته : قالت معاك سجل أكاديمي ..؟ )
قالت حتجيك الفيزا مع الجواز السبت ( إن شاء الله ) ..
روح ادفع رسوم الفيدكس ..
* نسيت أذكر حاجة .. ما طلبت مني الصور .. ما أدري ليه .. ولا السعودي اللي قبلها كمان ..!
دفعت الفيدكس .. وطلعت الساعة تسعة ونص تقريبا على ما أذكر ..
وأفطرت قدام البحر وكان جو قمة وطبعا أفطرت ( مع نفسي ) ...
وقفة ..
هنا كلمتين لازم أقولها من باب ( وتعاونوا على البر والتقوى ) و لأجل أن نكن ممن قال عنهم سبحانه ( إلا الذين ءامنوا وعملوا الصالحات وتواصوا بالحق وتواصوا بالصبر ) ولعل فيها تذكير لمن نسي وغفل والإنسان ينسى بطبعه .. ( وذكر فإن الذكرى تنفع المؤمنين ) .. ويقول المصطفى صلى الله عليه وسلم : ( لا يؤمن أحدكم حتى يحب لأخيه ما يحب لنفسه ) ..
أقول ..
في القنصليه حسيت بهم لا يعلمه إلا الله وجاني غم لا يعلم قوته إلا الله .. ليش ..
من المنظر اللي شفته و الله شوي وأحس إني برا السعودية يا إخوان من أول كنا نتكلم في داخل دائرة الخلاف الفقهي ذحين الخلاف ورا ظهورنا ولا نطالع فيه ..
أنا ما أقول أنا أحسن واحد ولا الإنسان مولازم يخطي لا هذي سفسطة لاتودي ولا تجيب ( كل ابن آدم خطاء ) طيب .. ( وخير الخطائين التوابون ) ..
أوضح أكثر والله مافي شاب واحد لابس ثوب - برضه ما أقول البنطلون حرام وووو - أنا قصدي أنت لك هويه .. لك قيم إذا ما عشتها وطبقتها على أرضك كيف بتكون خارج بلدك ..!
وكمان مافي ولا بنت متحجبه صح إلا ثنتين بس ..
برضه خارج دائرة الخلاف الفقهي .. كيف ..؟ يعني مكياج زواج ونص الشعر باين وألأدهى فيه اللي مو لابسه حتى طرحه ..
لا أحد يقول ذول عرب أو ما أدري أيش .. اللي عايش في مدينة كبيرة يعرف إن أهلها مشكلين وهذا شي عادي وطبيعي وأجدادنا عايشوه ووضعهم مشي تمام ..
وإحنا كلنا مسلمين وكلنا لنا قيم وأخلاق زي بعض بالزبط .. أو إلى حد كبير ..
ياناس إحنا مسلمين .. مسلمين .. فين أخلاقنا فين قيمنا فين اللي أمرنا فيه ديننا ..
إحنا عرب .. عرب .. فين أخلاق العرب وشيمهم ..
أنا ما أبغى أحد يزعل عليا ولا شي .. وأنا زيكم وكلنا مقصرين ولا أحد كامل .. بس الواحد يجاهد نفسه حبتين ..
أتمنى التوفيق لنا ولكم جميعا .. ومن الخير نبدأ وعليه نسير وإليه ننتهي ...
إضافة ( اليوم الأحد 13 / 3 / 1433 )
استلمت فيزتي من فيدكس .. وسألتهم متى جات اليوم ولا أمس قال لي اليوم بس ما أدري التأخير منهم ولا القنصلية لأني سألته وما فهم عليا ..
أسأل الله أن ييسر لكم جميعا حصولكم على الفيزا .. وأن ييسر مابقي لنا جميعا ... 
LinkBack URL
About LinkBacks
February 2nd, 2012, 09:39 AM
إخواني وأخواتي السلام عليكم ورحمة الله وبركاته ..
يسر الله أموري وأموركم ووفقنا لما يحب ويرضى ..
يوم الأربعاء كان موعدي .. نعم والساعة سبعة ونص كمان ..
جيت بدري .. أصلا صليت في مسجد جنب القنصلية بس لقعني العسكري وقال لي لا تجي إلا سبعة وربع لأن السيكيورتي بيتأخر ..
بس الحمد لله كنت قريب من البوابه لما شفت الناس دخلوا زرافات ووحدانا ..
دخلنا تقريبا سبعة وخمس دقايق أو ثلاث دقايق زي كذا ..
وقفنا طابور عند حارس الأمن السوداني - على ما أظن - سأل كل واحد عن وقته وإش معاه ودخلنا واحد واحد وتفتيش زي طريقة المطارات ..
ورحنا بعدين للمكتب وراسمين لنا جادة زي الثعبان ..
أخذ كل واحد رقم وجلسنا في الصالة كل واحد يستنى دوره ..
جا رقمي عالشاشة ومغصني بطني شوية .. ( على فكرة دائما بطني يمغصني في الحالات الشبيهة ) !!!
المهم قال لي الأخ ( سعودي كان ) : ليش رايح أمريكا ..؟
وبعدين قال : أديني الجواز وورقة التأكيد حقت الـ ds 160 وإيصال سامبا وإيصال السيفيس وبس ..
أديته وبصمني وقال استنى شويه ..
استنيت وشويه بدو ينادو بالأسماء لين جاء اسمي ورحت وكانت أمريكيه ..
كلمتني انجليزي خفت أتورط قلت لها أي دونت سبيك انجلش ..
كملت عربي ..
سألتني 6 أسئلة وعلى الطاير .. وسؤالين أحسها كانت مو معايه لأن وراها عجوزة تكلمها ..
الأسئلة ..
1- اش تخصصك ؟
2- اش الجامعة اللي تخرجت منها ..؟
3- فين رايح .؟
4- اش درجتك ماجستير ..؟
5- هل لديك ( أكارب ) في أمريكا ..؟ أحسبها تقول عقارب ..
6- نسيته .. ( تذكرته : قالت معاك سجل أكاديمي ..؟ )
قالت حتجيك الفيزا مع الجواز السبت ( إن شاء الله ) ..
روح ادفع رسوم الفيدكس ..
* نسيت أذكر حاجة .. ما طلبت مني الصور .. ما أدري ليه .. ولا السعودي اللي قبلها كمان ..!
دفعت الفيدكس .. وطلعت الساعة تسعة ونص تقريبا على ما أذكر ..
وأفطرت قدام البحر وكان جو قمة وطبعا أفطرت ( مع نفسي ) ...
وقفة ..
هنا كلمتين لازم أقولها من باب ( وتعاونوا على البر والتقوى ) و لأجل أن نكن ممن قال عنهم سبحانه ( إلا الذين ءامنوا وعملوا الصالحات وتواصوا بالحق وتواصوا بالصبر ) ولعل فيها تذكير لمن نسي وغفل والإنسان ينسى بطبعه .. ( وذكر فإن الذكرى تنفع المؤمنين ) .. ويقول المصطفى صلى الله عليه وسلم : ( لا يؤمن أحدكم حتى يحب لأخيه ما يحب لنفسه ) ..
أقول ..
في القنصليه حسيت بهم لا يعلمه إلا الله وجاني غم لا يعلم قوته إلا الله .. ليش ..
من المنظر اللي شفته و الله شوي وأحس إني برا السعودية يا إخوان من أول كنا نتكلم في داخل دائرة الخلاف الفقهي ذحين الخلاف ورا ظهورنا ولا نطالع فيه ..
أنا ما أقول أنا أحسن واحد ولا الإنسان مولازم يخطي لا هذي سفسطة لاتودي ولا تجيب ( كل ابن آدم خطاء ) طيب .. ( وخير الخطائين التوابون ) ..
أوضح أكثر والله مافي شاب واحد لابس ثوب - برضه ما أقول البنطلون حرام وووو - أنا قصدي أنت لك هويه .. لك قيم إذا ما عشتها وطبقتها على أرضك كيف بتكون خارج بلدك ..!
وكمان مافي ولا بنت متحجبه صح إلا ثنتين بس ..
برضه خارج دائرة الخلاف الفقهي .. كيف ..؟ يعني مكياج زواج ونص الشعر باين وألأدهى فيه اللي مو لابسه حتى طرحه ..
لا أحد يقول ذول عرب أو ما أدري أيش .. اللي عايش في مدينة كبيرة يعرف إن أهلها مشكلين وهذا شي عادي وطبيعي وأجدادنا عايشوه ووضعهم مشي تمام ..
وإحنا كلنا مسلمين وكلنا لنا قيم وأخلاق زي بعض بالزبط .. أو إلى حد كبير ..
ياناس إحنا مسلمين .. مسلمين .. فين أخلاقنا فين قيمنا فين اللي أمرنا فيه ديننا ..
إحنا عرب .. عرب .. فين أخلاق العرب وشيمهم ..
أنا ما أبغى أحد يزعل عليا ولا شي .. وأنا زيكم وكلنا مقصرين ولا أحد كامل .. بس الواحد يجاهد نفسه حبتين ..
أتمنى التوفيق لنا ولكم جميعا .. ومن الخير نبدأ وعليه نسير وإليه ننتهي ...
إضافة ( اليوم الأحد 13 / 3 / 1433 )
استلمت فيزتي من فيدكس .. وسألتهم متى جات اليوم ولا أمس قال لي اليوم بس ما أدري التأخير منهم ولا القنصلية لأني سألته وما فهم عليا ..
أسأل الله أن ييسر لكم جميعا حصولكم على الفيزا .. وأن ييسر مابقي لنا جميعا ...