مساعدة ترشحت لمرحلة الدكتوراه وبعدها توظفت معلم فاحترت ( لا تحرمنا مشاركتك )

لو أنا مكانك بمسك فوظيفتي
مو كل من رجع من برى لقى وظيفه
(وهالشي يعتمد على تخصصك هل هو مطلوب أولا )
وتقدر تكمل دراستك هنا أو تاخذ اجازه استثنائيه وتسافر
انت مااصدرت قرار الابتعاث معناتها انت لازلت مرشح فقط
ولست مبتعث
عالسنه الجايه او اللي بعدها قدّم على الابتعاث مره ثانيه وراح تقبل
ان شالله
( عصفور فاليد ولاعشره عالشجره )

اولا واخيرا استخير والله يكتب لك الخير

يا إخوان الله يجزاكم خير على نصائحكم

إخواني أخوكم تخصصه صحة نفسية وعلى المستوى السادس يعني تعديليه السنوي 600 ريال وراتبه الحالي 9200 وباب وظيفة الإرشاد مفتوح أمامي ..


مشكلتي أني ما أكمل هو أن البكالوريوس عربي والماستر صحة نفسية ومرشح دكتوراه تسويق يعني كوكتيل !!!

لو البكالوريوس والماستر امتداد وطالع على دكتوراه أيضاً امتداد كان ما فكرت

اولا اخوي انت قلتها بنفسك كوكتيل يعني مستحيل تصير اكاديمي اقبل بالوظيفه معروف الدكتوراه قوتها اكاديما فقط
الوظائف الاداريه والشركات يبون اصحاب البكالوريوس والثانوي فقط حتى الماجستير يعانون الحين في الوظائف غير الاكاديميه ياكثرهم اللي رجعوا ماجستير
وعاطلين فمابالك بالدكتوراه
انا كموظف شركه وكلمني واحد يبي اتوسط لاخوه خريج ثانوي اوبكالوريوس سهل اني اوظفه بعلاقاتي وصاحب الماجستير صعب توظيفه لانه يبي راتب عالي ومنصب وعمله بيقوم به اصحاب الثاوي والبك الوريوس
وممكن بواسطه قويه توظفه
لكن خريج الدكتوراه من يقدر يوظفه بالشركه خصوصا مامعه خبره مااحد يقدر حتى مجلس الاداره

ثانيا تعيينك معلم بالبكالوريوس وليس الماجستير معروف وزاره التربيه تعين بالبكالوريوس فقط
اذا خريج كليه معلمين بيعطونك المستوى الخامس تبداء 8200
واذا كليات جامعيه المستوى الرابع تبداء ب 7500والتعديل 510
الماجستير ينفع في تحسين الوضع بعد التعيين يرقونك المستوى السادس لكن انت ماينطبق عليك النظام لان البكالوريوس عربي وعلى اساسه تم تعيينك والماجستير صحه نفسيه
ممكن يفيدك الماجستير انك تكون مرشد فقط
بالتوفيق

مفروض وضحت مؤهلاتك و تخصصاتك من أول ما كتبت الموضوع .. على العموم انت أبخص الناس بوضعك .. حاس إن راتبك زين و إنك محتاج للوظيفة الحين الحين ؟
هل دكتوراة التسويق بتفتحلك مجالات أكثر ؟ .. انت بنفسك ابحث و قرر

وضعك مشربك!
بس توكل على ربك!!
أستمر في الثنتين وربك يعين!!!
اطلع البعثة وخلص اللغة الي تؤهلك للتوفل اوالآيلتس المطلوب للجامعة!!!
بعد اجتياز اللغة وضمان القبول الأكاديمي خله يكون متأخر قدر المستطاع أو أطلب تأجيل البعثة او تمديدها قدر المستطاع!!!!
واصل عملك بالتربية وحاول أخذ إجازة إستثنائية تكفي لمواصلة الدكتوراه على نفس بعثتك الي من وزارة التعليم العالي بتخصص التسويق او حاول تغييره نفس امتداد الماجستير من الملحقية!!!!!
المهم وظيفة التعليم لاتفرط فيها حاليا ولكن حاول استثمار الفرصتين الى أقصى حد ممكن وفي أسوأ الأحوال إذا صادوك هنا بالوزارة أو هناك بالملحقية تقدر تنسحب من البعثة او تستمر فيها وأقل فائدة منها اللغة!!!!!
وفقك الله لما فيه الخير لمستقبلك العلمي والعملي،، تحياتي.

اخوي فرويد الله يوفقك .. لك حق تحتار لان الانظمه عندنا في السعوديه مطعوجه !! انا ما اعرف ايش تخصصك هل هو مطلوب او لا !! عموما اذا تبغى تروح التعليم بالماجستير راح يحطوك على المستوى السادس يعني الراتب 9 الاف ريال .. وممكن تاجل البعثه زي ماسوا كثير من المبتعثين قبلك .. وزارة التربيه تطلب خدمه سنتين بعدين تعطيك الحق في اجازة استثنائيه لتكميل الدراسه .. وايضا وزارة التربيه كل سنه عندها منح دراسيه للمعلمين لامريكا وبريطانيا واليابان واستراليا وغيره من الدول .. وشرطها خدمه سنتين وتجيب موافقه من جامعه خارجيه وكمان شهاده صغيره مرررره اسمها توفل !!! وانا محدثك قدمت على هذه البعثه بس ما صار نصيب والسبب عدم وجود موافقه والاخ توفل ما كان موجود .. لكن البعثات حقيقيه ..

انا اقول اقل شي تمسك وظيفه !!! واذا كنت في الرياض اوجده او احد المدن اللي فيها جامعات ممكن تدرس موازي بالمساء وتخلص الدكتوراه ..

لان في احتمال اذا كملت الدكتوراه في دوله اجنبيه ممكن ترجع وما تلقى وظيفه جامعيه الا بعد وقت طويل وذلك لكثرة الخريجين ...

وقبل كل شي .. استخير الله قدر ما تقدر .. وادعي الله ليلا نهارا .. فهو وحده من يعلم الغيب !! والرسول صلى الله عليه وسلم قال ( ما ندم من استخار وما خاب استشار )

ومره ثانيه الف توفيق لك ...

المعذره ردي الاول عليك كنت ما اعرف تخصصك ..

لكن الان اقولك انك تعينت معلم لغه عربيه صح !! اما بالنسبه لشهادة الماجستير فهي تؤهلك للمستوى السادس بغض النظر عن التخصص !!! واما ان تعمل في الارشاد فهذا له ضوابط تختلف في وزارة التربيه واهمها سنين الخبره ومدى الاحتياج .. اما شهادة الماجتير صحه نفسيه فما لها دخل .. وعموما المرشد الطلابي هي وظيفة من يريد الراحه !!! وليس هذا محور الحديث !!!

المشكله اضنها واضحه ابكالريوس عربي والماجستير صحه نفسيه والدكتوراه تسوييييييق .. جامعاتنا لاتقبل بهذا الكلام .. ولن تجد وظائف الا في القطاع الخاص !!!

لا اعرف اي وظيفه تحتاج دكتوراه في التسويق الا في الشركات !!! يعني العمل كاكاديمي صعب وانا اخوك ويمكن كلامي ما هو صحيح !!!

راي المتواضع مره ثانيه انك تروح التعليم ولا تتردد التعليم احلى وظيفه واعلى راتب وهي وظيفة الاستقرار وانا معلم واعلم جيد ما اقول !!! وبعد سنتين او ثلاثه قدم على بعثات وزارة التربيه والتعليم ..

وخلص الدكتوراه واذا لا سمح الله ما توفقت !!! بكل بساطه ارجع السعوديه وظيفتك بانتظارك ..

استخير ثم استخير ثم استخير ... والف مليون توفيق .. وترى ما تفاعلت مع موضوع مثل موضوعك !!!

الله يوفقك يا أبا يوسف وجميع الأخوة الي نصحوني ،،، مشكورررين

تعين وخذلك اجازة ...

تعين وخذلك اجازة استثنائية عشان باسوأ الاحوال تجي تلقى وظيفتك جاهزة،، مع انك 90% ماراح تستمر عندهم

انا مثلك انرفضت بدون سبب وقدمت اعتراض وانقبل بعد 10 شهور تقريباً،، خلال الفترة هذي توظفت بالحكومة والان بزبط الاجازة وان شاء الله مبتعث ،،، الحمدلله خيرررره