تجمع طالبات وطلاب اوهايو ..كولومبوس ..مع بعض كل شي بيكون اسهل

^^ يختي احس صعب السكن مع عائله للمتزوجين .. اول شي الواحد ماياخذ راحته زي لما يكون في بيته ومع بزوره كمان .. وماشاء الله بزورتنا صعب يسيطر الواحد عليهم ابدااا مررره مؤدبين ويسمعوا الكلام :|

ما ادري انا اشوف المجمع السكني افضل شي للعوائل اما السكن مع عائله للعزابيه افضل اكيد

الله ييسر .. ادعولي بالتيسير اليوم مرجع زوجي بالعمل رفض يعطيه اجازه :\ هو مهندس بجامعه عزوز جدا مكتئبه ربي يفرجها علينا من عنده

والله مدري بس صعبه الخواجات طباعهم شينه وما عندهم مبدأ
الواحد يسكن هو وعايلته لوحدهم احسن ويحتك في الخواجات من بعيد لبعيد
علشان يتعلم اللغة ....
وخليك على عجايزنا احسن ما راح تحصلي زيهم فديتهم هههههههههههههههه

ليش رفضوا يعطونه الاجازة ؟؟؟
غصب عنهم يعطونه اجازة ليش مو موضف حكومي والنظام بيسمح له ياخذ اجازة خلية يدخل في عيونهم ويبهذلهم ويروح للي فوق ولا يعطيهم وجه والا يكون ودود معهم
خاصة الجامعات هي بتبتعث يعني حلال على ناس وحرام على ناس ,,,؟؟؟؟
والله بلد فوضى كل واحد مسؤول شايف ان هذا المكان من املاكة الخاصة ويتجاوز النظام ... لاااااااااااااااااااااااااااااايسكت ... خاصة اذا ماعنده واسطة من هنا والا من هنا ....
ولا تشيلي هم حتفرج ان شاء الله

والله راح وسعى وموظف حكومي لكن الله يسامحه مدير جامعه الملك عبدالعزيز اخذلهم قرار الملك بس برضو رافض يقوله اعطيك ثلاث اشهر وتجيب خلالها قبول جامعي وبعدين اعطيك الاجازه والثلاث اشهر اجازه اعتياديه وكلمنا الملحقيه قالو مانصرفله ضمان مالي الا لو جاب اجازه استثنائيه او دراسيه ورجع لمدير الجامعه وقاله الحكايه كذا وكذا قاله مالي شغل فيك

مشكله القبول انه معدل زوجي ضعيف واغلب الجامعات ترفض القبول المشروط وخصوصا انه عدا وقت خمس سنوات على تخرجه يقولون هات درجه توفل وجيمات حلوه وتعال قدم

بنحاول ندبر قبول خلال الشهر ذا وبيحاول في المدير الله يسامحه ولو اتعكست حأجل الدراسه الين تفرج

الله ييسرها ياارب
والله شي يحز بالخاطر انه كل شي نبغاه لازم نشوف له واسطه قد ايييش ياعالم
بتدخل مستشفى شوف لك واسطه بتدرس شوف واسطه بتتوظف شوف واسطه ماعاد باقي الا لو بتندفن شوفلك واسطه والله عيييب
معروفه جامعه الملك كل شي فيها يمشي بالواسطه نظامي مستحيل يمشي فيها

الله يكتب لنا الخير ويرضينا فيه ويقنعنا يارب

بنسبة للسكن مع عائله امريكه طبعا انا رح اكون اذا الله اراد انا واخوي مع عائلة اول سنه وسمعت عن عوائل امريكه مسلمه والله نسيت اسمهم وشو ,,,,
نفس طبعنا تقريبا ماتشرب خمر ماتاكل خنزير لا وكمان محجبات النساء عندهم تعرف الاسلام افضل من المسيحين
ويلبسون حشمه بالبيت وحيل فرحت لما سمعت هالخبر

السلام عليكم غاده انا معاكي بمعهد els
ورحلتي الاربعاء وان شاءالله افيدكم بس اوصل
داعواتكم خاااايفه مرره

مشالللللله ربي يوفقك توصلي بسلامه حبيبتي طمنينا شو يصير معك بنتظااااارك