تجمع طالبات وطلاب اوهايو ..كولومبوس ..مع بعض كل شي بيكون اسهل

العالم تغط في سبات عميق

أبشركم الفيزا وصلت ... و جاري الانضمام للقروب ع المسن

عزيز .... يعطيك ألف عافية و تسلم الأنامل

السلام عليكم
بما اني اول وحده وصلت قبلكم قلت اقولكم وش صار معي
طبعا كان سفري مرره متعب وعلى الخطوط السعوديه من الرياض دايركت الى واشنطن وصراحه لا حد يقول الخطوط السعوديه زينه او لا لاني ماعمري جربت غيرها المهم وصلت واشنطن وقفنا طابور لاخذ بصماتنا وتختيم على الاي توني والجوازات الي هي اي ٩٤ ودبسوها بالجواز وبعد كذا استقبلنا واحد من الملحقيه وسالنا هنا ولا ولايه ثانيه قلت اوهايوا دلنا وين البوابه الله يجزاه خير كنا ندور ماندري وين نروح وعطانا سيدي ورقه كيف فتح ملف والسيدي نصايح المهم مشينا على البوابه تفتيش لكل شي معاك وانا كنت لبسه بالطوا لاني محجبه مو عبايه ومادخلوني الا جابوا مره ودوني برايفت روم عشان اخلعه ويودونه تحت الجهاز والجزمات ولاب توب بس مافتحوا ولا الجوالات المهم وصلنا كولومبس وكان برد وثلج خفيف وطبعا كنت حاجزه فندق وسكنه فيه وجلست ادور سكن ماحصلت لان لازم اسجل الحين واللي يطلع بالخريف اسكن بداله عاد ماحصلت غير ب٩٠٠ عقد ثمن شهور واكثر الشقق عقد سنه والملف باقي مافتحته بشوف وش يصير واخبركم

الحمد لله على السلااااااااااااااااااااااااااااااااااااااااااااام ة
وبالتوفيق ان شاء الله

الله يبارك فيك يا تركي و الفال لك إن شاء الله

الســـلآم عليــكم شخبـآإركم شبآب إن شاء الله بخيــر

أبشركم أنا الحين وصلت كولومبوس وساكن في فندق مؤقت على بال ما أدور لي سكن والحمد لله كل الأمور ميسره

أستقبل كل الأسئلة على أيميل القروب والي عنده سؤال ضروري أو مهم جدآ يقولي على الخاص وبإذن الله ما أقصر معه وبالنسبه للمعهد (ALP) أنآ صراحه ماعندي أي معلومات عنه للحين لأني باقي مارحت لهم ودراستي تبدأ في 23 MARCH
وبإذن الله تتيسر كل أموركم وخذو أحتيآطكم من ناحية اللبس الجو بارد لكن براد حلو ما يتعب هذا بالنسبة للي بيبدأ في الأيام الجايه لكن الي الترم حقه يبدآ في may راح يكون الجو جدآ جيد وحلو

أتمنى لكم التوفيق ولا تنسونا من دعائكم
وبالنسبة للأسئلة , أنا صراحه وقتي ضيق وبحاول أدخل بقدر المستطاع عشان أرد على الكل بالي أعرفه وبإذن الله ما أقصر مع أحد

حمد لله على سلامتك اخوي عادل

ممكن تذكر اسم الفندق و كم ايجاره اليومي؟