تجمع طالبات وطلاب اوهايو ..كولومبوس ..مع بعض كل شي بيكون اسهل

الســـلآم عليــكم شخبـآإركم شبآب إن شاء الله بخيــر

أبشركم أنا الحين وصلت كولومبوس وساكن في فندق مؤقت على بال ما أدور لي سكن والحمد لله كل الأمور ميسره

أستقبل كل الأسئلة على أيميل القروب والي عنده سؤال ضروري أو مهم جدآ يقولي على الخاص وبإذن الله ما أقصر معه وبالنسبه للمعهد (ALP) أنآ صراحه ماعندي أي معلومات عنه للحين لأني باقي مارحت لهم ودراستي تبدأ في 23 MARCH
وبإذن الله تتيسر كل أموركم وخذو أحتيآطكم من ناحية اللبس الجو بارد لكن براد حلو ما يتعب هذا بالنسبة للي بيبدأ في الأيام الجايه لكن الي الترم حقه يبدآ في may راح يكون الجو جدآ جيد وحلو

أتمنى لكم التوفيق ولا تنسونا من دعائكم
وبالنسبة للأسئلة , أنا صراحه وقتي ضيق وبحاول أدخل بقدر المستطاع عشان أرد على الكل بالي أعرفه وبإذن الله ما أقصر مع أحد

ما شاء الله وصلتوا ٤٢ صفحة و لا تعزموني يا بخيلين هههههههههههه

عيني عليكم باردة، احس مرحلتنا بتكون انشط مرحلة ابتعاث.

أنا أسف انقطعت عنكم لان كنت اجهز للسفر، سفري السبت القادم.

و مثل ما وعدت الاخت غادة و اوعدكم باذن الله أني راح اسوي تقرير مصور عن الرحلة من الرياض اليبيين يوم بعد الوصول في كلومبس وبعد يحاول اصور المعهد و الجامعة.

ان شاء الله يكون التصوير مسموح فالمطارات اللي بامر فيها.

تاريخ السفر/ السبت فجراً
الخطوط/ اتحاد
مسار الرحلة/ الرياض-ابو ظبي-شيكاغو-كولومبس
السكن/ للحين ما حجزت ولا شي.
الاستقبال/ في واحد اعرفه بيستقبلني و معه سيارة

تحياتي لكم

مرحباا
انشغلت عن القروب ذا بقروب البنوتات الجميلات والتجهيزاااات للسفر يااااللهول قد ايش متعبه

رحلتي يوم الجمعه ادعووولي

أبشركم الفيزا وصلت ... و جاري الانضمام للقروب ع المسن

السلام عليكم
بما اني اول وحده وصلت قبلكم قلت اقولكم وش صار معي
طبعا كان سفري مرره متعب وعلى الخطوط السعوديه من الرياض دايركت الى واشنطن وصراحه لا حد يقول الخطوط السعوديه زينه او لا لاني ماعمري جربت غيرها المهم وصلت واشنطن وقفنا طابور لاخذ بصماتنا وتختيم على الاي توني والجوازات الي هي اي 94 ودبسوها بالجواز وبعد كذا استقبلنا واحد من الملحقيه وسالنا هنا ولا ولايه ثانيه قلت اوهايوا دلنا وين البوابه الله يجزاه خير كنا ندور ماندري وين نروح وعطانا سيدي ورقه كيف فتح ملف والسيدي نصايح المهم مشينا على البوابه تفتيش لكل شي معاك وانا كنت لبسه بالطوا لاني محجبه مو عبايه ومادخلوني الا جابوا مره ودوني برايفت روم عشان اخلعه ويودونه تحت الجهاز والجزمات ولاب توب بس مافتحوا ولا الجوالات المهم وصلنا كولومبس وكان برد وثلج خفيف وطبعا كنت حاجزه فندق وسكنه فيه وجلست ادور سكن ماحصلت لان لازم اسجل الحين واللي يطلع بالخريف اسكن بداله عاد ماحصلت غير ب900 عقد ثمن شهور واكثر الشقق عقد سنه والملف باقي مافتحته بشوف وش يصير واخبركم