حوار فين بتحطون جوازتكم واوراقكم المهمه واغراضكم الثمينه ؟؟ وتفتيش الشنطه اللي فيها القرآن

في برنامج في الاي فون اسمه دليل المبتعث جدا مفيد والقران ان شاء الله باخذ القران والاخت اللي تبي تحمله على الجوال فكره بس مسك المصحف له حلوه اخرى
وعلى القران اليوم دخلت باسكن روبنز وفي واحد يسمع اغاني من غانا فقلت له لماذا ماتسمع القران قال لست مسلم قلت له تريد تسمع شي من القران وافق وشغلت سورة مريم لشيخ عادل ريان واعطيته الجوال وذهبت الى مشوار ورجعت وهوا على نفس وضعه الذي كان يسمع فيه القران فانتظرته في السيارة حتى انتهى فأخذت الجوال وهو يشير الى قلبه وقال احضر لي كتب عن الاسلام (اسال الله ان يهديه الي الاسلام )
وانا سالت الاخت السورية التي في القنصلية اللي في جدة قالت عادي خذ مطويات واشياء تعرف بالدين وان محمد رسول الله مذكور في الانجيل فاتمنى كل واحد ياخذ معه شي يعرف عن دينه من اقرب مندوبية للحي .
واذا احد سالك عن دينك تعطيه من هذة الكتيبات

الله يوفقك دنيا واخره ويكثر من امثالك والله انا ناويه اخذ كذا كتيب تعريفية عن الاسلام ويارب يزيد عدد المسلمين على ايادينا >> شطحت عن الموضوع الاساسي
\\«نسرين حتى انا محتاره وين احط شهادتي خصوصا اني بطبع كذا نسخه ومايمدي احطها في الشنطه اليدويه والشنطه الكبيره حقت الملابس اخاف تضيع ولا شي والله ان يطير عقلي لو الشهايد فيها \\

المصحف .. رفيقنا اقرب لنا من مرافقنا ..

مصحف لازم معنا و احنا البنات عندنا اغلفة خاصة بالمصاحف و بيكون كمان بشنطة اليد معنا .. وراح ننبهم انه كتابنا و يكون بيدنا وقت التفتيش ..

اخوي الله يوفقك حملت دليل المبتعث الحمدلله لقيته في الجالكسي دوبني نزلته اكثر من رائع الله لايحرمك الأجر.

ياجماعه التفتيش يكون من مطار المغادره...قليل جدا تتفتشون اذا وصلتو...وبعدين هم ماينشلون الاغراض وفيه اهزه اكس راي ...يعني طمني باللك....

الجواز خليه في السيف بوكس اللي بغرفة الفندق ..وخلي معاك صوره منه كاثبات لو طلعتي او شي.....

بالنسبه للكاش ماله اي داعي تجيبين مبلغ كبير....١٠٠٠ او ١٥٠٠ دولار تكفي

الدنيا مليانه صرافات تستخدمين فيها بطاقة بنكك اللي بالسعوديه حتى ماتستقرين و تفتحن حساب...

بعدين خلي كل مدفوعاتك بالفيزا اريح لك

ابراهيم

احلى حل بصرااحه ..~

هذا عصر التقنيه الحين ,, بآي جوال تقدر تنزل المصحف الإلكتروني بكل سهوله ..~

انا مصحفي عليه غلاف
بخليه بشنطه اليد مااظن بيفتحونه

بس بالنسبه للجوازات صراحه خايفه عليها
افضل حل انها تكون بصندوق الامانات
تبع الفندق

بس اذا استقرينا بشقه مادري صراحه وين نحطها

بسالكم الوثيقه والاوراق الرسميه نفس الشي يبغى لها مكان آمن
ويبن بتحطونها

مشكورين على تفاعلكم

مشكووره نسرين علي التوضيح وانا محمله اكثر من برنامج للمصحف الشريف بس برضو لو مامسك القران واقراءه احس ماقرااات شي وضروري اخذ المصحف معي وانشالله رح يكون بشنطة اليد وعليه غلاف


اما بنسبة للجوزات والاوراق المهمه والله من وجهة نظري وخصوصا الجوزات تكون بشنطة الظهر في كل مكان تكون معي حتي وقت النوم تكون معي والله هاذ طبعي
حتي بسعوديه جوازي بشنطتي


وكثير حذروني من هالحركه ان ممكن تنسرق الشنطه بس كل مااطلع استودع رب العالمين نفسي وشنطتي ولله الحمد ماصار شي والله يستر انشالله

نسرين اهنيك الصرااحه على اخذ لك الوقت و تفكير في هذا الموضوع
الاخوان و الخوات ما قصروا و القران ما احد يقدر يستغني عنه شخصيا ما اقدر اقرا الا في القران الى انا اقرا منه و انا في متوسط
حطيه بشنطتك و غلفيه و امسكيه انتي بنفسك و فتيحه لهم و فهيميه الموضوغ ببساطه >>

و الجوازات و الفلوس وين رح تنحط اذا رح اسكن في شقه !؟؟! يضل الجواز معاي ولا كيف ؟!؟