هل المرافق يحتاج تذكرة عوده؟؟؟؟؟

الله ييسر ياارب والله شغلة الفيزا السياحية هذه

الوزارة مهم لاقين حلّ للمشكلة هذه وحنا ضعنا بين المرافق وبين قوانين الهجرة الامريكية

اعرف واحد من الشباب كان رايح كندا عمل وبعد ما انتهى كان حاجز ذهاب واياب من الرياض الى كندا على بريتيش ايرويز
المهم انه قرر فجأة يروح امريكا بيسير على اخته وكان معه مسبقا فيزا 5 سنوات
اتصل على بريتيش ايرويز وغير مسار رحلة العودة من منتريال كندا الى يان دييغو كالفورنيا على لندن على الرياض لكن ماطبع التذاكر بعد التغيير الجديد
لما جاء يدخل امريكا سأله الموظف وين تذاكر العودة وتوهق واخذوه للغرفة وقعدوا يسألونه ويحققون معه شرح لهم القصة كاااااملة وطلع لهم تذاكر العودة من الايميل
وسألوه عن حجز الفندق وقالهم انه بيسكن عند اخته ....
نصصيحتي لك خلي كل شي نظامي وخوذي بمبدأ الاحتياط تراهم مايرحمووووون

طيب يعني نحجز عودة للمحرم؟؟؟
من جد ضعنااا...ولو نجي نسأل الوزارة يقولولنا كيف تخلي محرمك يرجع ترى نلغي بعثتك!!طيب ايش نسوييي

عزيزتي وحده من البنات قالتلي ان امها طلعت معاها بفيزا سياحيه وفي مكتب الطيار اللي في الرياض قلها الموظف احجزي لها عوده
قامت قالتله انها حاليا ماعندهم مبلغ تذكرة العوده
ولمن وصلوا مطار مدينتها قبل كم اسبوع محد سألهم
والحين هي حجزت عوده لامها من امريكا
وللاسف الوزاره عندنا يرجوكِ بحكاية دراسة المرافق كن المرافق متلهف على الدراسه في امريكا اكثر من المبتعث نفسه
وما يقولولك الحلول الثانيه اذا المرافق مارغب في الدراسه وايش حقوقه وواجباته هناك
وهم عارفين انهم لو قالوا خلي المرافق يرجع راح يفتحون على انفسهم باب ومواال طوييل
حنا ننتظر رد السفاره والقنصليتين وربي يسهل

عزيزتي انتِ متى ماطلعتِ قرار الابتعاث
خلاص امورك تتحول على المحلقيه
والمحلقيه ماتبغى منك في امر المحرم الا ورقة تفرغ او برنت من الاحوال انه مو موظف
يعني محد بيسأل عن رجعته

اسالي السفارة اضمن
وبلغي الوزاارة بالرد

انا ارسلت للسفاره والقنصليتين
وللحين ماجاني رد منهم
والوزاره متى ماطلعولي قرار ابتعاثي انتهى دورهم
وصارت اموري كلها مع الملحقيه
عشان كذا مايحتاج اسألهم او استفسر منهم

يتليت الي عنده معلومات يقولنا من جد موضوع مهم على الرغم اني ما اتوقع انهم يشرطون

ياليت اللي عنده خبر يفيدنا...

عزيزتي حطام..
متى ماجاك الرد بليز حطيه لنا هنا..<وياليت ترسلين لي الرابط اخاف ما اشوف الرد

لان الموضوع جدا مهم

الله يسهل للجميع