LinkBack URL
About LinkBacks
مشكووووور وماقصررت ع التنبيه
7 " 
•·.´¯`.·• ( تـنـبـيـه هـام لـمـن يـريـد إصـدار الـقـرار وقـص الـتـذاكـر ) •·.´¯`.·•
•·.´¯`.·• ( تـنـبـيـه هـام لـمـن يـريـد إصـدار الـقـرار وقـص الـتـذاكـر ) •·.´¯`.·•
تنبيه: هذا الموضوع قديم. تم طرحه قبل 4678 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- العفووو..7 "
وعسى الله ييسر أمورنا أجمعين..
.. - الله يجزاك خير ..7 "
وربي يوفقك وين مآكنت ويسهل أمورك وأمور الجميع يّ... رب - وياك يا رب..7 "
وعسى الله ييسر أمورنا أجمعين..
.. - النقطتين عندي اشكاليات فيها :S7 "
جايب قبولي من معهد ثاني وخط سيري يمر في واشنطن ..
بشوف اي خطوط المهم ما اطلع على السعودية وبالنسبة للمعهد ارسلت عمي لهم يعدلونه قبل لا اطلع اصدر القرار
يعطيك العافية وليد - مشكور يعطيك العافية..7 "
- الله يعافيكم يا رب اجمعين..7 "
وعسى الله ييسر أمورنا أجمعين..
.. - عقبااااالي يارب وباقي الاعضاء7 "
توصل بالسلامة بالطيارة الكبيرة - مشكور اخوي والله يوفقك ويسهل امورك وامور الجميع7 "
February 25th, 2012, 10:39 PM
السلام عليكم ورحمة الله وبركاته..
اللهم لك الحمد والشكر حمدا كثيرا طيبا مباركا فيه..
عدد ما كان وعدد ماهو كائن وعدد ما سيكون وعدد الحركات والسكون..
اللهم لك الحمد كما ينبغي لجلال وجهك وعظيم سلطانك..
اللهم لك الحمد عدد كل شي يا غني يا حميد..
اخواني الكرام انا الحمد لله والشكر طلعت القرار وقصيت التذاكر..
اللي أبي انبهكم عليه..
حاجتين:
الأولى: اللي اخذ الضمان على معهد معين وجاب قبول بنفس الضمان بس من معهد ثاني ما راح يصدرون له القرار إلا لما يجيب ايتوني جديد وفيزا جديدة.
الحل : ترسلون لهم إميل قبل ما تروحون تصدرون القرار لو حتى قبل ساعه..المهم ان الاميل توضحون فيه ان المعهد اللي اخذتوا عليه الضمان تكدس او رفض يقبلكم..
لأني انا اخذت الضمان على معهد في جورجيا..وراسلته وقال حنا قفلنا..وقمت راسلت الملحقية وجابت لي قبول من نورث كارولينا..
فلما جيت اصدر القرار اخذ مني اوراقي وجلست انتظر..بعدين ناداني..قال يا وليد ضمانك اللي احنا معطينك على جورجيا وش دخل نورث كارولينا..روح جب ايتوني جديد وفيزا جديدة..
قلت له يبن الحلال والله ما دريت اني لازم ابلغكم.. بعدين انا راسلت معهد جورجيا وقال لي احنا قفلنا قمت راسلت الملحقية وجابت لي قبول .. يعني لو انه لازم ابلغكم كان الملحقية ما جابت لي قبول إلا لما أبلغكم..
يوم قلت له الملحقية وان الملحقية كان يمديها تبلغني اني لازم ابلغهم..سكت شوي وقال وين ختم الملحقية قلت والله مدري عنها..مع العلم ان ضماني مكتوب فيه " لمن يهمه الأمر "..
يعني حتى لو كان مكتوب لمن يهمه الأمر..ما يضر لانهم مسجلين معهدك اللي طلبت عليه الضمان عندهم في السيستم.
افضل شي انك ترسل لهم ع الإميل اني يالربع ترى المعهد اللي موجود عندكم في السيستم اني اخذت عليه ضمان قفل او تكدس .. وتراني جبت قبول بنفس الضمان من معهد ثاني..
عشان لما تصدر القرار بيقول لك ليش ما بلغتنا..بتقول له شيك ع الاميل وراح تلقى رسالتي اني مبلغكم..فهمتوا
مع العلم ان واحد نفس حالتي جا بعدي ما قالوا له شي..
جا يسالني قال ياخي انا نفس حالتك وش قالوا لك ووش ما قالوا لك..احسبه ارتبك..
بس حظه ما شاء الله ما قالوا له شي..ويوم جيت استلم القرار لقيت الموظف يضحك ..يعنني تراني مشيتك..
بغيت أقول له ترا فيه واحد بعدي عطيتوه قراره قبلي وما قلتوا له شي..بس سكت خفت انكب خويي وانكب نفسي معه
الثانية: لما جيت اقص التذاكر..
لقيتهم حاطين ورقة " طلاب امريكا مالهم إلا الخطوط السعودية "..
المهم قلت يمكن يمشوني " لاني مخطط ع الإماراتية "..جيت قلت بالله شوف لي من الرياض إلى شارلوت يوم 16 مايو ع الخطوط الإماراتية..
قال مافيه أي رحلة متوفرة ع الاماراتية ولا الاتحاد ولا غيرها..قلت القطرية..قال لا هذي مافيه..
قلت له : ياخي توني مشيك فيه رحله...قال لا..الرحلة اللي انت تقصد تمر بواشنطن..
والوزارة عطتنا تعميم صارم ان أي واحد يبي يروح امريكا وراح يمر بواشنطن او نيويورك لازم يطلع ع الخطوط السعودية..يعني لو خط سيرك ما يمر بهالولايتين تقدر تحجز على اي خطوط..
قلت دور لي خط سير ثاني ما يمر بواشنطن..قال فيه الرياض هيوستن شارلوت..قلت ع الخطوط الإماراتية قال ايوه..قلت وش نوع الطيارة..قال لي ايرباص مدري كم رقمها..
قلت مافيه الطيارة هذيك العملاقة اتوقع رقمها A380-800.. قال لي هذي ما تطلع إلا واشنطن وانت ما تقدر تحجز على واشنطن بالخطوط الإماراتية..قلت يا رجال اجل عطني ع الخطوط السعودية..دام السعودية نفسها تسخدم ايرباص..
وانا ان شاء الله راح اروح لفرع الطيار في مدينتي واحاول اني احجز ع الاماراتية اللي تمر على واشنطن..لاني سبب اهتمامي بالاماراتية هي الطيارة الكبيرة
في الختام هذا ما صار معي..
حبيت انقله لكم لعل وعسى يفيدكم..
ولا تنسوني من دعواتكم..
وعسى الله ييسر أمورنا أجمعين..
..