قبل بداية الدراسة في معهدي بأسبوعين أتاني اتصال بقبولي معيد .. أشيروا علي أرجوكم

الله يرضى عليك أخوي ما قصرت

-أنا رايح اليوم الصباح للكلية أقابل العميد إن شاء الله .. فمن تنصحني أتوجه له غير العميد .. هل رئيس القسم يحتاج أروحله أو أحد في العمادة اللي ماسكين ملفي حاليا ؟

-في حالة إني قصيت تذكرة ورحت لموعد بداية دراستي في بلد الإبتعاث (20 مارس) هل ينطبق علي الحالة اللي ذكرتها؟ .. فأكون درست بنفس الـI-20 وتساهلت معي الجامعة بخصوص اكمال دراستي مثل زميلك الذي ذكرته ؟

ما أضمن لك, لانـه من الممكـن يطالبـوك بالمبـاشرهـ في الجامعـه.
بالنسبـه للمعيـد اللي أنا ذكرتـه, بـدأ أجراءات الأبتعاث من جديد عن طريـق الجامعـه بعد التعيين وحضـورهـ الى الجامعه والمباشرهـ. وغيـر قبـوله السـابق لانه المعهـد كان سيء ومن المعلـوم الدفعـات السابقه من البرنامج كانت الوزاره هي من تجلب قبولات المعاهـد.
ثم رفـع اوراقـه من جديد كمبتعث من الجامعه, وتتبـع اجراءات الابتعـاث في الجامعه, واجراءات الابتعاث تختلف شي بسيط من جامعه الى جامعه.
من رأيي الذهـاب اولاً الى إدارة البعثات وسؤالهم ماإذا مر عليهم معيد مبتعث عن طريق البرنامج وتم تعيينه معيد وتمت الموافقه على تكملة ابتعاثه دون الحاجه الى رفع اوراقه من جديد عن طريق الجامعه أو الحضور الى الجامعه للمباشـرهـ والبدء في اجراءات الابتعاث من جديد.
إذا اخبروك بأنه من الممكن, بعد ذلك تواصل مع عميد الكليـه وأخبرهـ بأن أمورك جاهزهـ فيما يخص القبول والفيـزا وترغب في الابتعاث في الوقت الحالـي.
يسر الله أمرك لما فيه خير

الأمر يرجع لعميد الكلية اولا ثم عمادة الدراسات العليا والبحث العلمي
ولكن بعض الجامعات تشترط أن يدرس المعيد والمعيدة في الجامعة لمدة سنه قبل اكمال الدراسة (الجامعات الناشئة غالبا ماتتغاضى عن ذلك) والبعض يشترط قبول مشروط للإبتعاث وليس قبول معهد فقط
في أسوء الضروف قم بتأجيل الدراسة ويتم ادخال قبولك مجلس قسم وكليه ثم عرضه على عمادة الدراسات العليا البحث العلمي وفي غضون اسبوعين يتم اصدار قرار الابتعاث
واعلم ان خيارات الجامعات والمعاهد والدول (بريطانيا واستراليا) متاحة امامك بشكل أكبر في حال كونك مبتعث من جامعة فالشرط المهم لديهم أن تكون الجامعة المبتعث اليها من الجامعات الموصى بها في وزارة التعليم العالي
الا ان صادفت عميد كلية متعجرف يضيًق ولا يوسًع فالأمر يعود بالموافقه والرفض له اولا واخيرا
والف مبروك على الوظيفة كتب الله لك من خيرها وخير مافيها وصرف عنك من شرها وشر مافيها

يعجز لساني عن شكرك أخي الكريم .. وحتى في حالة لم يتحقق المراد وتعسرت الأمور لا سمح الله يكفي أنكم لم تقصروا معي بالنصيحة

ادارة الابتعاث اللي تقصدها هي وكالة الإبتعاث في حي الغدير.. صح؟
هل هناك شخص معين اتجه إليه بالسؤال ..؟
لأن سبق رحتلهم سابقا في موضوع آخر ولم أجد تعاونا يذكر .. أو ربما بسبب أنني ذهبت إلى الشخص الخطأ !
أتمنى تفيدني ولك خالص تحياتي..

الله يبارك فيك إختي وعقبال جميع من تمناها يا رب

بس معقولة تمشي اجراءات الابتعاث عن طريق الجامعة في غضون اسبوعين !!!! لأن اللي سمعته عكس كذا تماما ؟!

الأخ الكريم,
ماقصدته في ردي إدارة الابتعاث في الجامعـه. وكالة البعثات ليست لها علاقه في الجامعه, من يقـرر الجامعه التي تعينت فيها معيد, لان الاجراءات تبدأ من عندهم.

شكرا لك ويعطيك ألف عافية .. إذا عندك أو عند أحد الإخوان معلومات عن موقعها في الجامعة أوعن شخص معين يستحسن نروحله فيها ونستفسر عن وضعنا منه ونلقى الجواب الشافي.. أتمنى إن ما تبخلون علينا بها .. تحيااتي لكم

ادعو لي

اسأل عن إدارة البعثات في الجامعه وراح يرشدوك للمكان,
وهذا الموضوع راح يفيدك كثير إذا انت من معيدي جامعة الملك سعود
http://www.mbt3th.us/vb/forum131/thread163987.html

بوووركت عزيزي
ايه نعم أنا من معيديها
كل الشكر والتقدير لك

والله اني كأني انا كاتب الموضوع .. نفس حالتي بالضبط بالضبط .. بس اللي يفرق عنك انا اني انتظر اتصالهم لإن الكلية رشحتني خلاص بس باقي اتصالهم
بشرني رحت اليوم للجامعة وقابلت العميد ؟؟

ياليت لو تحط لي رقم جوالك بالخاص