مساعدة احتاج منكم مساعدة ..موعدي الأربعاء بقنصلية جدة الأمريكية ..؟؟؟؟؟ تكفوون

و عليكم السلام و رحمة الله وبركاتة .

1. موقعها : شارع فلسطين -جنب مستشفى سليمان فقية ... لو مو عارفة فينها قليلي اسآلك عن الوصف مظبوط و اردلك

2. الاوراق* : المبتعثة : - الضمان المالي. - ال i20 صورة و( الاصل مهم ) ـ شهادتك و كشف الدرجات ، انا كمان شاف شهادة الثانوية
غير حقت البكالويوس
- ايصال دفع رسوم السيفس (( اذا ما وصلك عن طريق البريد حتى الان ذيي - اذا وصول ودي الاصل كمان )) - ايصال دفع رسوم الفيزا

المرافق : طبعا انا مع الوالد و هو قدم علي سياحية فالآوراق المطلوبة للسياحية هي : - كشف حساب 3 اشهر ـ خطاب من العمل انو على راس العمل او متقاعد ( انا صراحة
ما سالو بابا فين الورقة دي ، و الحمدلله احنا ما كنا مخدينها بس كان احتياطا ماخد بطاقة العمل الي مكتوب عليها انو متقاعد و برضو ما طلب يشوفها )
اما لو كان مقدم على فيزا دراسة فنفس الاوراق حقتك

الدراسية :
Visa types | Consulate General of the United States Jeddah, Saudi Arabia

السياحية :
Visa Types | Consulate General of the United States Jeddah, Saudi Arabia

انت و المرافق : اطبعي الورقة الي فيها الباركود (( حقت الابلكيشن )) + الصورة ( صوركم )

ـ شروط الصورة :

Photos | Consulate General of the United States Jeddah, Saudi Arabia

3. طبعا حواز السفر و صوزة منه
اخدنا الجوازات القديمة بس ما طلب يشوفها ( خديها احطياتاِ )

4. رسوم الفيزا : 532 ريال سعودي ( السياحية + الدراسية )
ـ رسوم السيفس : 200 دولار امريكي ، و اذا تبغيها توصلك علي البريد السريع +35 دولار و نصيحة ادفعيها
انا الين الان ما جاتني . و انا دفعتها من 3 شهور

5. الاسئلة العامة :
اول سوال دايما : ليش رايحة امريكا ؟
من رايح معاكي :؟
من راح يدفع تكاليف السفرة ؟
قد ايه راح تجلسي ؟!
المبتعث يقدر يقول سنة اتنين تلاتة الين خمسة . لانو فيزته دراسية
اما الفيزا السياحة فاقصى حد 6 اشهر ، فانتبهوا في ابلكيشن السياحية و لما يسآلو ما يزيد عن المدة المسموح بها عشان لا تنرفض ذي فيزا بابا في المرا الاولى
لكن لما راح المرة التانية الحمدلله مشي الموضوع و جاتوا
بس لا تقولوا ابدا انو جالس لمدة تزيد عن 6 اشهر ،


ـ كل موظف ممكن يسالك عن الي يبغاة هو الي يقرر بس غالبا سهالة
و استعيني بالله .




* الاوراق المطلوبة : مافي شرط انو لازم تصوزي دي ملون او ابيض و اسود ابدا ما قرات الشرط دا !!!!

و الله يوفقك و يوفق الجميع و اي سوال تاني نحنو موجودون

على فكرة حاولي تكون الاوراق مرتبة بحسب الترتيب الي في موقعهم

ماقصرتي يسلمو ....
احنا الى الان مادفعنا السيفيس ....فيها مشكلة ..؟؟؟؟

ادفعي رسوم السيفس عشان تكون اوراقك كامله

بالتوفيق

اذا كانت أوراقك كاملة تطلع الفيزا بدري
وانا كانت جميح أوراقي كأملة ويومين والفيزا عندي

الاسئلة واهم سؤال ماهي اخر خمس دول ذهبت اليها ؟

طيب زوجي راح مصر قبل 6 سنوات والبحرين قبلها بسنة

شوفي يأختي انا كانت مقابلتي الثلاثاء الماضي ..في قنصلية جده وكانت المقابله سهله جدا ولا سؤلوني شي الا بس قالي الموضف في المقابلة انتي مبتعثه قلت له نعم وسأل مرافقي عن الولايه اللي رايحين لها ومين يصرف عليها لانه يبغى فيزه f1فطلع له الشهاده البنكيه وشهادة الثانويه لانه بيكمل بكالريوس وقبول المعهد وتصريح العمل وانا طلب الشهاده وكشف الدرجات والضمان المالي ..بس شافهم ورجعهم ورجعو لنا كل الاوراق وأخذوا بس الجوزات...وقال لنا روحوا سددو الفيدكس ...وبس واليوم الاحد استلمت الفيز والجمد لله ...يعني انصحك تسددي السيفس وانشالله فيزتك بتطلع على طول اذا اوراقك كامله... وبالتوفيق

ماقصرتو بس ..المشكلة ان زوجي مامعاه كشف حساب ..وصدر له اي تونتي من المعهد بضمان من الملحقية ...
اشلون الحين اسوي