الخطوط الاماراتية؟ مضيفاتها يتكلمون عربي؟

ليش ياقلبي ساخطه ومين قالك هالكلام أصلا

شوفي ماراح أقول أنا جربت لا والله ماجربتها لكن حجزت عليها لما سألت مو شخص ولا شخصين

ماادري عاد عن اللغة لكن تعالي نتكلم شوي مافيه الا ع الاماراتيه او القطريه أو الألمانية

القطريه قفلوها

والألمانيه بظنك يتكلمون عربي؟؟؟

مستحيل ولوفرضنا فيه

الأولى الاماراتيه يكون فيها لو مضيفه وحده ع الأقل

وثانيا بصراحه أنا اخترت الاماراتيه لأن الألمان معروفه مشاعرهم اتجاه العرب بصراحه ماراح أروح اتمرمط والا نهان خلينا على الإماراتيه أقل شي مننا وفينا

هذا رايي الشخصي وانتي عاد براحتك

الدانه

القطرية قفلت اذا كان خط رحلتك يمر على واشنطن تلزم بالسعودية
حسب قول بعض الاعضاء ياليت تتاكدون قبل الحجز احتمال تلقون القطرية
والاتحاد سمعتها حلوة بعد

الاماراتية مرة حلو ويتكلمون عربي وسلملي على الراحة والهدوء والخدمة
مجربها من جدة -دبي- سنغافورة مرة حلوة ماحسينا بالرحلة

اي مدري شفيهم عالقطرية! ولا شفرقها عن باقي الخطوط يوم يقفلونها
شكلنا بنتوكل عالاماراتية ان شاء الله وخط سيري راح يكون من الدمام-دبي-سان فرانسيسكو

لدى الخطوط الاماراتية مُضيفين و مُضيفات , يتكلمون بأكثر من 120 لغة ..

و في الرحلة الواحدة لايقل عن 10 لغات متوفرة , أهمها والأساس هي اللغة العربية , تطمّني ولاتقلقين إبداً

المفروض اللي يختار الاماراتية يكون مستانس صراحة : D , درب السلامة =)

صحيح كلام أختي واللي هو ان كل طالب مبتعث وع حساب الوزارة لازم يطلع على الخطوط السعودية في حالة وحدة فقط..

واللي هي اذا كان مسار رحلته يمر بواشنطن أو نيو يورك..

غيرها ..عادي..

لاني قلت للطيار احجز ع واشنطن بعدين نورث كارولينا ع الإماراتية..

قال لي لا ما تقدر لان اي طالب يمر بواشنطن او نيويورك ملزوم يطلع ع السعودية..

قلت شف لي مسار ثاني..قال هيوستن نورث كارولينا..قلت لا اجل خلها ع السعودية..

المهم لما وصلتي مدينتي تبوك..

رحت لفرع الطيار..وقلت له ابي ع الإماراتية..من الرياض إلى واشنطن إلى شارلوت " الموجودة بنورث كارولينا "..

قال مافيه..قلت كيف مافيه وانا لقيت رحلة على موقع الإماراتية نفسه...

قال الحجوزات عندنا مو زي الحجوزات عن طريق مواقع شركات الطيران..

قلت طيب شف لي أي رحلة ع واشنطن ثم على شارلوت..ولازم تكون ع الإماراتية..

قال فيه رحلة على الرياض - دبي - واشنطن " سياتل " - نورث كارولينا "شارلوت"..

يعني اللي بيروح على أي خطوط وبيمر بواشنطن..خلوه يحجز على أي مطار في واشنطن..أهم شي ما يكون مطار J.F Kenedy...

لاني لما قلت للطيار اني ابي ع واشنطن و ع الإماراتية..قال برسل لفرع الرياض واستاذن منهم..ولما رجعت له بعدين قال اوكي..



هذا ما صار معي..وأتمنى إني أفدتكم ولو بالقليل..


..

يعني افهم من كلامكم لو ابي احجز عالقطريه على غير واشنطن ونيويورك ينفع؟؟

ايه ينفع باذن الله

ناقل لدولة عربية اللغة الاساسية عندهم عربي

انا لما اسافر دبي بالتحديد ارفض اتكلم الا بالعربي و اللي ما يفهمني يجيب مترجم لنفسه مع اني الحمدلله اعرف انجليزي كويس

لكن هذه بلدنا و هذه لغتنا لازم نفتخر فيها مو نوري الناس اننا نعرف نتكلم انجليزي

لا تشيلي هم اختي

بالتوفيق