استفسار هل شهادة الخبرة تساعد في القبول؟ ..ماجستير هندسة حاسب

اخوي المرحله الثامنه .. مثل ماقالو الاخوان انها تفيد ولك اولويه والى اخره لكن هذا مجرد كلام وما احد مجرب .. انا بحثت في اكثر من 10 جامعات قويه ماحصلت جامعه تعطي قبول الا بالتوفل و GRE وتختلف الدرجات من جامعه لجامعه طبعا حسب قوة الجامعه .. بعض الجامعات القويه بالتخصص ممكن تتغاضى عن اختبار GRE اذا كان معدلك 3.5 من 4 .. نجي لاختبار التوفل اذا تبغى تجيب قبول في جامعه قويه لازم درجه التوفل لاتقل عن 100 من 120 .. وخبراتك والله ماحتفيدك اذا معدلك مو ممتاز الا اذا قدمت على جامعه جدا عاديه .. الخلاصه بالموضوع .. اذا تبغى تجيب قبول في جامعه قويه لازم معدلك عالي جدا لكي يستثنى اختبار GRE .. لازم تجيب اكثر من 100 بالتوفل .. بالنسبه لي انا عندي دورة CCNA وخبرة في موبايلي 6 شهور ومعدلي جيدجدا وللاسف قدمت على 4 جامعات تعتبر الافضل في مجالنا وطالبين مني اختبار GRE والتوفل .. الحمدالله حصلت قبول مشروط بجامعه SMU وطالبين مني فقط توفل والله ييسرها ...

شكرا لك

وبالتوفيق للجميع

قدمي بشهادة الخبرة اذا ما نفعت ما ضرت

هلا والله علوش جيت و جابك الله

انا مراقبك من العام لاني عرفت انك ولد حتـتـنا "جامعة الطايف"


كلامي وسط الرد

هلا بك حبيبي قولي انك من جامعه الخياس ذي والله اخدمك بعيوني ... ياحبيبي بالنسبه لاختبار GRE اللي طالبينه العام .. وماشالله معدلك طيب ولا بأس فيه انا معدلي 2.96 قريب منك .. سلمك الله انا حاولت اجيب قبول مشروط بالتوفل وGRE لكن رفضوا بحجة انهم مايعطوا قبول مشروط لاي طالب كان الا اذا توفر عنده هالاختبارين بالاضافه الى المعدل طبعا ... وتبي الصراحه ياخوك انا ما ابغى اعيش في ضغط نفسي مرحله اللغه لانه الواحد يالله يجيب التوفل بدرجه حلوة وبعدين اختبار GRE يبغاله من شهرين الى 3 عشان تستعد له و لازم تكون لغتك قويه جدا عشان تفهم وتستوعب .. عشان كذا حاولت اشوف جامعه تقبلني بدون GRE والحمدلله حصلت جامعه SMU والان تركيزي حينصب كله على اللغه واحاول اجيب درجه طيبه بالتوفل ...

انا حصلت جامعه قويه قويه قويه ومن التوب تن ممكن تتغاضى عن المعدل بشرط تجيب ب GRE 1203 والتوفل بسيط جدا 66 انا جبت 60 بدون اي استعداد للاختبار ... 1203 انت متخيل هالدرجه ..اذا انت عديت الاف تعتبر عبقري زمانك
هذي جامعه اوستن وهي الاسهل من بين الجامعات القويه .. فيه جامعات تطلب اعلى من كذا وخاصه بالتوفل .. ومافيه شي صعب ونا اخوك والله تقدر تجيبها لو توكلت على الله وكان هدفك واضح .. وانشالله اني احاول قد ما اقدر الواحد حلو يجيب شهاده من افضل 10 جامعات بامريكا .. والله يسهلها لنا ياارب

GRE لهذي الدرجة صعب
معا اني اذكر مكتوب في موقع قياس
ان اختبار القدرات للجامعيين مثل GRE
و اختبار القدرات عادي



بعدين اعتقد مو اذا الجامعة قويه انك بتصير ولد داهية
و اذا الجامعه نص و نص بتطلها منها منت فاهم شىء

الشغل يعتمد عليك انت


دخلت على موقع جامعتنا و دخلت على اعضاء هيئة التدريس
وجلست اشوف كل دكتور من وين متخرج و اشوف ترتيب جامعته

والله طلعت فضايح

و بعض الدكاترة الجيدين اشوف جامعاتهم عادية

و بعض الداجين امثال (شكيب و حذيفة ) جامعاتهم قوية

كلامك مليون بالميه صح كله يعتمد على الشخص نفسه .. وترا دكاترنا والله ماعندهم سالفه كلها شهاداتهم من عين شمس هههههههه ماعدا بعض الدكاتره يعني يجي منهم شويات وياحبيله شكيب امووت فهالدكتور الله يسعده وحذيفه مادرسني بس ما مدحووه الشباب ..

والله ضحكتني يوم قلت ان اختبار القياس الخايس يقارن بGRE ... شوف هو الاختبار يركز على شيئين الرياضيات والكلمات الانجليزيه .. الرياضيات بسيط جدا لانه اغلب اللي اخذناه بالجامعه كله موجود بالاضافه الى اشياء بسيطه يعني تنفهم بدون مدرس او مدرب ..القسم الثاني اللي هو اللفظي لازم يكون عندك باك جراوند قوي بالكلمات .. فيه كتاب اسمه بارون GRE تحصله بجرير سعره 200 ريال تقريبا وخذ اخر اصدار يحتوي على 3000 كلمه انجليزية تشمل اختبار GRE انشالله .. انا الان بعد ماجبت القبول مرتاح جدا فجالس اطقطق على الكتاب وانشالله اني بختبر خلال الثلاثه شهور القادمه وبعطيك خبر انشالله باللي يصير معي ..