مهم جداً .. لكل المبتعثين ارجو اخذ الحذر من هالامر !!!

جزاك الله الف خيررررررر
معلومه اول مره اسمعها
شكرا

مشكره على التنبيه
ما كنت عارفه هالمعلومه
شكرياتي لك
الله يوفقك و يسعدك يا رب

جزااااااااك الله كل الخير علىالتنبيه والتذكير والذكرى تنفع المؤمنين يعطيك العافية بس حابة أسأل فين ألاقي تاريخ إنتهاء الأي توني؟ الاقيه في ورقة تسليم السيفس ولا في نفس الآي تونتي ؟ وفين القاه في اي صفحة بالضبط؟

طيب يا آخوي اللى فهمته انه السيفيس والاي توني كلها لها تواريخ انتهاء

فمعليش اذا عندك علم عن طريقه التجديد ومن وين ؟

لاني احس اني شفت مشكلة ولكن بدون حل !

ودي وتقديري ..

الله يجزى الجميع بكل خير ويوفقنا اجمعين لما يحب ويرضى ويسهل امورنا ...


بالنسبه للتاريخ يكون في ورقة الايتوني تحت الجدول اللي يكون فيه اسمك راح يكون فيه تاريخ بدء الدراسه وبعده تاريخ الانتهاء .. واللي فهمته من الاخوان انو اخذ الحذر بحيث انو اذا ما مدد المعهد لك تلقائيا تكون مستعد انك تطلبه منهم قبل لا ينتهي .

هلا اخوي بالنسبه للسيفس ماادري اذا له وقت انتهاء ماقدر أفتيك فيه .. لكن انا شفت السيفس حقي ماحصلت له تاريخ انتهاء ... لكن المشكله اللي نقلتها هي عن الايتوني والحل مثل ماقلت ( قبل انتهاء الايتوني تكون متأكد انهم مددو عن طريق المعهد نفسه) . لان المعاهد تلقائياً تجدد للطلبه كل ست شهور تلقائيا لكن اخونا اللي حصلت له المشكله المعهد حقه قال انت المسؤول لازم تعتمد على نفسك وتقول لنا واللي فهمته انها حركه بايخه من المعهد لأن اكثر المعاهد ماتسويها .. وسلامتك

شآكرر لك آخوي
والواحد لازم يحسب الف حساب لكل خطوه يسويها

الله يعينآ على معرفته ما هو مجهول من قواعد وانظمة امرريكا ،،

آمين .. صادق والله الله يعيناااا

الواجب على الاخوان والاخوات معرفة كل كبيره وصغيره بامور البعثه

تفاديا للمشاكل وايضا لتسهيل اجراءاتك واخذ حقك كامل

ولايتوني واضح لكن قدر الله وما شاء فعل .. مع اخونا

ولتوضيح تارخ الايتوني ارفقت صوره من البند رقم 5 بالايتوني

ووضعت ارقام بالصوره كالتالي :

http://im27.gulfup.com/2012-04-14/1334377211161.jpg

1- تاريخ بدء الايتوني ( بدء الدراسه ) ويحق لك تدخل امريكا قبله بشهر 30 يوم .

2- تاريخ انتهاء الايتوني ( تاريخ انتهاء الدراسة ) افتراضا لمرحلة الماجستير 3 سنوات { سنه لغه + سنتين ماجستير } .

3- مدة الايتوني بالشهور ( مدة دراستك المفترضه ) 36 شهر = 3 سنوات .

كل شي مفصل المطلوب بس الحرص والقراءة .

ويحق لك تمدد بدراسة اللغه 6 شهور وبكذا تحتاج الى تمديد الايتوني على اعتبار انه بيصير 42 شهر . 36 سابقا + 6 شهور تمديد .