~ مقابلتي في السفاره الامريكيه ~

April 15th, 2012, 06:34 AM

صَباحُنَآ وَصباحَكُم تفَاؤلٌ وَسعَآدَه


[ لو علمتم كيف يدبر الله أموركم لذابت قلوبكم من محبته ]

... والخيرة فيما يختاره الله




....بسم الله نبدأ ....


يوم السبت كانت مقابلتي في السفاره الامريكيه والحمدالله كانت المره الثانيه ثابته...
لان زي ماذكرت لكم سابقا ً كان موعدي اساسا يوم الأربعاء وكان في خطا بسيط رجعوني بسبته > اه منك منقهر...
بس الحمد الله تسهلت الامور يوم السبت...
في البدايه كانوا يسألون معاك سي دي ، ميموري ، موبايل...الخ مثل هالاشياء قلت : ولاشي
( واللي مابعد راح السفارة لا يجيب هذي الاشياء معاه لان راح يخلونك تكسرها او ياخذونها منك وتستلمها
بعد ما تخلص مقابله)
كان قدامي واحد معاه سي دي خلاه يكسره >> ماعلينا..
بعد كذا نصف طابور ونوقف خلف الخط الاحمر >> حشى معسكر...
وكان في شباك قدامنا كلنا مركزين عليه خخخخخ ننتظر الاخ ياشر لنا ومن ثم نأتي اليه وطلب مني الجواز وسألني متى موعدك وهو يشوف عنده ورقه معلقه فيها اسماء اللي مواعيدهم اليوم >>مااااااااااااااااااااااعندهم لعب...
بعد كذا يفتح لك الباب وتكمل مشيا على الأقدام الى صالة القنصليه >> أكيد ع الأقدام اجل بسياره...
أخذنا رقم وجلسنا لين جات وحده مصريه عسل وذوووق في الكلاااام تنادي بالارقام وترتب أوراقك ...
اللي لاحظته كان يهمهم...
1- الجواز.
2- إيصال سامبا.
3- الآي تونتي.
4- السيفيس.
5- الضمان المالي + بطاقة الابتعاث.
6- ورقة تأكيد الموعد.
7- رسوم الفيدكس.
ليه لان فيها فلوس يعني اي ورقه فيها دفع مسبق رزه لهم >> يستانسون ياحبهم للدراهم...
بعد ما رتبت اوراقنا جلسنا ننتظر على بال مايجي دورنا وانا اقول يارب نكون عند رقم 1 مو عند رقم 4
لان رقم واحد جربته يوم الأربعاء هو لبناني انسان جداً حبوب ورايق يسألك بهدوء...والحمدالله طلع اللبناني
وسألني ثلاث أسئله...


- على اي ولايه ومدينه رايحه؟
- وايش اسم جامعتك؟
- اول مره تسافري امريكا؟


وطلب مني صفحة التأكيد وبطاقة الابتعاث وخلاني ابصم باصابعي كلها ...
بعد ما خلصنا قالنا اجلسوا راح نادي عليكم...>> يافرحه ما تمت احسب أني خلصت..


المهم ولا شوي ينادي علينا امريكي جامد وجدي يدخل بالموضوع بطريقه هجوميه يوتر شوي انا عن نفسي ماحبيته ثقيل دم ولما يسألك يشكك باجابتك أسلوبه يعصب >> مااااااحبيته....
بس انتم خليكم واثقين من اجابتكم وما عليكم منه...
سألني سؤال واحد فقط
الى اين سافرتي خلال خمس السنوات الماضيه؟؟؟...حسيت نفسي اشوف قناة سبيستووون...
جاوبته : ....
بعدين قالي : بسسسسسسسسس!!! مع تعابير جاده وخليط من التشكيك والنظرات التعجبيه...
قلت له : إيه بس...وانا بيني وبين نفسي اقووول ياثقل دمك...
بعدين قام يسال اخوي ورجع لي مره ثانيه >> لاحوووووووول...بس اشوى كان يقولي عن الآي تونتي يكون
معك بالمطار>> بغيييت أقوله قديمه...



وفي الاخير..
قالنا فيزتكم مقبوله راح تطلع بعد اسبوع >> واخيرا نطقها مابغى يقولها مدري ليه حسيت المقابله معاه
كانها عشر ساعات ...

ملاحظه...
1- ماخذوا مني الوثيقة ولا كشف الدرجات ولا الصور بس ( الاحتياط واجب ) خلوا معكم كل الاوراق لان المقابله
تختلف من شخص لشخص اخر ومن سفاره لسفاره اخرى ...>> مساله حظ.


2-اهم الاوراق هي الضمان المالي، إيصال سامبا، السيفيس ، بطاقة الابتعاث ، الآي تونتي ، ورقة تأكيد الموعد وطبعا الجواز.


3- توكلوا على الله وما عليكم من الموظف>> الامريكي هع...اذا كان شخص جامد جاوبوا على قد السؤال وبثقه
وموضوع السفارة جداً عادي ما يستاهل أبدا توتر وخوف.


4- لا تنسووون رسوم الفيدكس مكانه في اخر الصاله لان هالامريكي قهرني عصب على ولد كان يسأله وين ادفع رسوم الفيدكس >> ياخي ما فيها شي...


وهذي تجربتي باختصار...

واخيراً... اشكر كل من رد علي وساعدني في مواضيعي السابقة .....
.. لاتستانسووون يمكن احتاجكم بعدين ههههههههه
وتمنياتي لكم جميعا التوفيق يارب والله يسهل لكم أموركم ...

• نشر عبر تويتر
• نشر عبر فيسبوك
• نشر عبر جوجل