من واقع تجربتك، ما هي اسرع طريقة يتم ارسال ال i-20 بها؟

بالنسبة لمعهدي كانت خطواتهم واضحة ومرة حلوة. المعهد كان حاطط لنا خطوات الإشتراك بموقع خاص بإرسال وإستقبال مستندات القبول من وإلى الجامعات. الموقع إسمهe ship global.ادخل الموقع هذا واعمل حساب عندهم و ادخل بياناتك وبيانات الجامعة او المعهد تبعك راح تظهر لك خريطة امريكا وتحدد الولاية وتجيك خيارات بالجامعات وتختار منها. بعد كذا تظهر لك خيارات الدفع( بطاقة إئتمانية، تحويل من حسابك إلى حسابهم، او عن طريق الباي بال) وبعد كذا تختار طريقة الإرسال إما عن طريق DHLاو Fedex موضح فيها سعر الإرسالية لكل طريقة

شكراً على الرد cherrymerry

ممكن اعرف اي عنوان استخدمتي في السعودية لاستقبال الارسالية؟

كم استغرق زمن وصول الارسالية؟

مع جزيل الشكر

للأسف ما وصلتني الأوراق للأن بسبب المعهد نفسه لكن انا ارسلت المبلغ كاش عن طريق حسابي في البنك ل Bank of America ليا الآن اسبوع و3 ايام ما وصلني رغم انه المبلغ وصلهم وا عطوني رقم شحنة tracking number واتصلت على ال DHL وردوا عليا قالوا لي انه لسة الأوراق ما وصلتهم من المعهد واتصلت على المعهد وما ردوا الله يعين بس . في الموقع حق الإرسالية إللي قلت لك عليه دخلت على حسابي في الموقع لقيت انه محددين خطوات الإرسالية بدأ من استلام المبلغ وبعدها خطوات ارسال الأوراق من الجامعة للدي اتش ال وبعد كذا الدي اتش ال يتواصل معاك واكتشفت انه لسه الجامعة ( المعهد تبع جامعة ) ما ارسل الأوراق للدي اتش ال وراح يأخذ من يومين ل 4 ايام عمل حتى يوصل. بإختصار الإرسالية تأخذ وقت لحد ما توصل الشحنة للدي اتش ال وحتى الفيدكس نفس الشيء ونفس الخطوات والله يعيننا. انت شوف في المعهد طريقة الإرسالية واذا تبغى مساعدة انا اشوف لك الطريقة بس اعطيني اسم المعهد واشوف لك وبالتوفيق يارب

مشكور وماقصرتي ،، انا سجلت في الموقع اللي اشرت الية وطبعا ما لقيتي اسم معهدي،، انا ناوي يوم الاثنين اتصل عليهم واستفسر عن الطريقة بس حبيت اعرف الخيارات المتوفرة،

بس باقي سوال لم تجيبي عليه:- على اي عنوان طلبتي الارسالية توصل لك:- هل كان عنوان المنزل؟ او، صندوق بريد؟ او، عنوان مكتب ال DHL؟

وشكرا

المعهد طلب شيك مصدق بكل المبلغ المطلوب من ارسالية وتسجيل ورسوم دراسية
وارسلوا الاوراق بالفيدكس ٣ ايام ووصلت
العنوان
المنطقة والمدينة ورقم الجوال وهم بيدقون عليك
رقم صندوق البريد يحتاجونه اذا كان بالبريد العادي

عنوان البيت طبعا لإنه الدي اتش ال يسلموا يد بيد . بالنسبة للقبولي ارسلوه على اقرب مكتب دي اتش ال وانا رحت استلمته من المكتب لكن اوراق مرافقي للأن ما وصلت . تقدر تحط عنوان مكتب الفيدكس او الدي اتش ال ويتصلوا عليك وقت وصول الشحنة وهذا اللي صار معايا في قبولي لكن قبول مرافقي يد بيد

الله يعطيكم العافية يا "Cherrymerry" و " ما عاد يهم"


معلومات جدا قيمة،، شكرا

انا طلب مني المعهد رقم الجوال والمدينه الي ساكنه فيها وارسلوه عن طريق فديكس والحمدلله ماطول

ولما وصل اتصلو علي واساسا يعطوك رقم تتبع الشحنه تعرف انها وصلت وتستلمها

جاني القبول مع الأخت الكريمة عن طريق الفيديكس والبريد السعودي ! ،

بمعنى أصح عندي الآن وعند الأخت الكريمة " قبولين واثنين I-20 " !


طبعا كان التوصيل بواسطة موقع study.eshipglobal.com

الموقع جدا سهل وسلس وواضح وبسيط جدا ، وأيضا يوجد خط سير القبول من نفس الموقع يوضح فيه مكان القبول ،

يعني مانحتاج ندخل موقع الفيديكس أو البريد السعودي : ) ،

بس برضو كمان أرسلونا رقم التتبع على الايميل مع بيانات تسديد رسوم التوصيل السريع ،


الحاجة اللي قهرتني بإنو القبول وصلني عن طريق البريد الأمريكي إلى البريد السعودي " بدون رسوم " في وقت يقدر بـ 4 أيام !!

وبعدها تقريبا بيوم أو يومين وصلني القبول على الفيديكس واتصل علينا الموظف ! ،

مع العلم بإن موظف البريد اتصل علينا برضو وبلغنا بإنو وصلهم ظرف من أمريكا ويرجى تسلم الظرف ،


الحاجة اللي مستغربها بإننا اخترنا التوصيل السريع ، فمن المفترض يوصلنا القبول على الفيديكس فقط ،

لكن اللي حصل بإن القبول وصل على البريد السعودي قبل الفيديكس !! ،



طبعا هذي أول تجربة جعلت البريد السعودي مميز في عيني :d ! ،

وبإذن الله تعاملاتي المستقبلية راح تكون على البريد السعودي