نموذج التوصيه المطلوب ( مقالي - تقييم )؟؟؟؟

طيب مشكله الايميل ورقم الجوال
اكثر الدكاتره مايعطيك جواله و بعضهم ماعنده ايميل والي ترك الجامعه ورااااح
ايش الحل

ياخوك الله يرضالي عليك عين من الله خير وإستهدي بلله مامن مشاكل إن شاء الله ..
زوجتك الله يحفظها طلبت من دكتور توصيه وفيها الإيميل والرقم وهو رفض ..؟ وقالتله إنها حتبتعث إن شاء الله ..؟
ياخوك ماراح يرفضون إن شاء الله ,, ولو لاسمح الله رفض مو مهم رقم الجوال الخاص فيه تطلب رقم مكتبه اللي في الجامعه وهالشي مجبور
يلبيه للطالبه لأنها مهمه في التوصيات ولا كيف راح تكلمه الجامعات الخارجيه .. هي طبعا" لازم توضح له .. وصدقني ماراح يرفض إن شاء الله ..
بالنسبه إن الدكاتره أتركوا الجامعه فياخوك ماظن إن الجامعه ماعاد فيها دكاتره ودكتورات من اللي درسوها ..
تحاول تطلب من دكتور لو واحد والتوصيات الباقيه من دكتورات ..
وربي يسهل أمورها إن شاء الله وتاخذ كل توصياتها وتنتهي ..
أتمنالكم التوفيق ..

ولا يهمك ياخوك وماقدمت أي شي يستاهل الشكر ..
كلنا أنا والأخوان والأخوات نساعد ونفزع لبعض بلي نقدر عليه وبالمعلومات إللي نعرفها مانبخل على أي شخص
محتاج إجابه على إستفساره أو مساعدته في شي .. ولا ليش هالمنتدى موجود ..
أتمنى للكل التوفيق والسعاده ..

هلا بك عزيزتي ..
شوفي وأنا أختك الإيميل والرقم مهمين في التوصيه سواء كانت مقاليه أو إستبيان ..
لأن ممكن الجامعه الخارجيه إللي حتقدمي عليها تطلب إنها تتواصل مع الدكتور اللي كتبلك التوصيه ,, فكيف راح يتواصلو
إذا مافيه لا رقم ولا إيميل ..!!
عشان ياعزيزتي تريحي بالك وتكوني في السليم مع الجامعه أرجعي لنفس الدكاتره إللي عطوكي التوصيه ..
وقوليلهم دكتوري الفاضل محتاجه تكتب إيميلك ورقمك على التوصيه لأن إن شاء الله ناويه أبتعث وهذي أمور مهمه في التوصيه ..
معلومه للجميع : حتى لو كان الشخص محتاج يقدم على الجامعات السعوديه لازم تكون توصياته فيها رقم وإيميل الدكتور ..
أتمنالكم دوام التوفيق والسعاده بإذن الله ..
دعواتكم لي ..

اخت شاعره
انا توصياتي من جامعه الملك عبد العزيز
ومكتوب فيها رقم هاتف وفاكس اعتقد الكليه او الجامعه ماني عارفه
وفيها الصندوق البريدي ورمز البريد
بس مافي رقم الدكتوره ولا اميلها
كده الموضوع يمشي..؟!!
وكمان التوصيه بالانجليزي بس معلومات الاتصال مكتوبه بالعربي هع

واذا رحت جبت اميل ورقم الدكتوره طيب ... اخليهم يعدولي التوصيه بكبرها ولا ارفق معاها ورقه مختومه من الكليه بمعلومات الاتصال ؟!!

رديلي في اقرب وقت جزاكي الله خير
وشكرررررررااااااااااااااا

انا رحت جامعة الملك خالد في أبها .. وماحصلت توصيات بالانجليزي
فقط باللغه العربيه .. فاللي راح اسويه ان شاء الله بأترجم توصيات زوجتي من اللغه العربيه الى الانجليزيه
من مكتب ترجمه معتمد في جده والله يعين ...

انا لي اخ في امريكا يدرس من سنتين
قال لي ان اهم توصيه للمبتعثين هي توصية معهد اللغه خاصة اذا كان اكاديمي وتابع لجامعه
لانها توصيه قويه تعتبر بالاضافه الى ان الجامعات يهمها اكثر شي
من التوصيه ( شخصية الطالب .. تفاعله .. اهتماماته .. علاقته مع زملائه .. رغبته بالدراسه )

اتمنى افدتكم

انا التوصيات اللي عندي مقاليه وفيها معلومات الدكاترة من ايميل وغيروا لان الجامعه هناك على حد علمي راح ترجع تراسل الدكاترة اللي كتبوا التوصيات..

لما تطلبون التوصيات من الدكاترة قولوا لهم توصيه خارجيه لان فيه توصيه داخليه و خارجيه تفرق...موفقيييين

هلا فيكي عزيزتي ويامرحبا ..
بالنسبه لإستفسارك فنصيحه وأنا أختك إيميل الدكتور ورقمه مره مهمه ولا كيف بتتواصل الجامعه الخارجيه
مع الدكتور إللي عطاكي التوصيه .. ممكن تقولي فيه الفاكس وصندوق البريد فياعزيزتي الجامعات تدري عن الفاكسات
إللي تجيها ولا تهتم فيها ,, الله يرحم حالنا مع إهمال حامعاتنا
عشان كذا وأنا أختك عشان تكون أمورك إن شالله في السليم وتمام ودامك بترجعين لنفس الدكاتره بخصوص التوصيات
فعدلي وأنا أختك توصياتك أفضل لك وقولي لدكتور إنك راح تبتعثي بإذن الله ومحتاجه رقمك وإيميلك مكتوب في التوصيه لأنها ضروريه ..
أفضل من إرفاق ورقه في كل صوره من التوصيه ..
أتمنى إني أفدتك وأتمنالك وللجميع كل التوفيق ..
دعواتك لي وأنا أختك ..