رفضوا يصدروا قرار الابتعاث لي .. ولازم موافقة الملحقيه

للرفع ..........

الله يعييييين حتى انا سويت كذا

الله يعين .. خايفة و متوترة ارسلت رساله للملحقيه بس اليوم و بكرة اجازة ومو قادرة استنى وكنت اتمنى اذا احد صار معه كذا يطمني ...

خلي اخوك يروح لقسسسم الرجال ويحاااااااول معهم ولا يكلم الحربي ياااكثر ناس غيررو ولا قالو ارجعو للمحلقيه



انا غيرت المعهد وجبت القبول وراح اخوي لهم علشان يغيرونه بالنظام عندهم رفضو قالو لي لازم تجيبي موافقه من الملحقيه


قلت خير ان شاء الله والله بكمل الاجراءات واذا جيت للقرار الابتعاث بحاااول فيهم بنشب لهم





بنكمل سنه يمدي التكدس راح من المعاهد حقتهم

اختي امرك هين وسهل جدا لبدا ان تذهبي الى الوزارة بنفسك وتشرحي لهم امورك وطبعا الفيزا على نفس الولاية اللي انت رايحت لها وصدقي راح يتساهلو معك وتقدري تصدري قرار الابتعاث وتحجزي التذاكر عندهم في يومين بس .. وهذه الحاله صارت مع صديق لي .. والله ولي التوفيق

مشكورين جميعاً ... أنا بحاول اتواصل اول شيء مع الملحقية ... لاني مو من سكان الرياض و اخوي مشغول هالفترة و ما يقدر يروح
و اذا ما لقيت رد بخليه يفضي نفسه الاسبوع الجاي و الابعده عشان يروح الرياض

قرار الابتعاث مخوفني من الان
علما بان عندي رسايل ايميل تثبت موافقتهم على معهدي
واقدر اطبعها
ورساله جوال بعد

بس خايفه
الله يعين ويسهل

طمنينا يااختي

انا لسا ماوصلت لمرحلة اصدار القرار .. بس الضمان الي عطوني اياه مو مكتوب فيه اسم العهد
هل معنى ذلك انهم ماسجلوا بالنظام اسم اي معهد ؟ علما بانني ماخذه القبول من الملحقيه

الله يعين ان شاءالله

اهلين اختي .. ما قصدي اخوفكم و لا شيء
اي الضمان الا عطونا اياه الوزارة ما عليه اسم المعهد بس هم مسجلين عندهم بالسيستم اسم المعهد الا اخترنا وقت الملتقى
انا اتصلت بعد الملتقى و موظف في الوزارة عطاني اسم المعهد الا اعتمدوه لي ... لكن الحين يقولون لي ان معهد ثاني هو الا مسجل عندهم
وانا ما عندي اثبات و لاشي الا صار اتصال للوزارة بس و حتى اسم الموظف ما اعرفه
الله يعين