ماذا نضع في الظرف الخاص بالتقديم على الجامعات .............ضرورى مرة

راح اقولك على الي سويته
التوصيات صورتها وكل صوره ختمتها ختم طبق الاصل وحطيتتهم في ظرف وختمت على الظرف من برا (مثلا سوي خمس اظرف بنفس هالطريقه)
بعدين جبت ظرف كبير وحطيت داخله صوره من الوثيقه والسجل الاكاديمي وطبعا مختومين ختم طبق الاصل وبعدين جبت ظرف من اظرف التوصيات وحطيته داخل مع السجل والوثيقه وسكرته وختمته من برا

بكذا يكون عندك داخل الظرف الكبير السجل الاكاديمي والوثيقه مختومه ختم طبق الاصل مع ظرف مغلق يحتوي على التوصيات المختومه ختم طبق الاصل


..

موفقه يارب

الله يسعدك يالغلا ويوفقك يارب
بس ليش الحوسة ليش ماأحطهم كلهم سواء لازم اظرف صغيرة
وبعدين الاظرف اشتريها ولامن الجامعه ياليت تفيديني
وشكرا ياقلبي على الرد

انا سويت بالضبط نفس كلام الاخت قوس رحمه

بالنسبة للظروف
الكبيره اخذتها من عندهم
والصغيره رحت اشتريتها من مكتبه
المشكله طلعت الصغيره صغيره بالطول ههههههه
العرض مثل بعض
بس عطفتها من الجنب شوي لين دخلت

بالنسبة لي اخذت 9 نسخ

هذا الموضوع كنت بطرحه وتمام الى قلتوه بس الى بعرفه اكثر انا الحين في صياغه التوصيه الجامعه تقول روحى لمكتب ويترجمها لك وراجعينا علشان نتاكد

ويقولون ممكن يطلبون جواب التوصيه ابى اعرف الفرق بين جواب التوصيه والتوصيه وكيف صياغتها انا محتاره ما اعرف وش اسوى

الله يفتح على الى يرد علي بالتفصيل .......................

وشكرا.

العفو حبيبتي
انا اقولك ليه هالحوسه
لان التوصيات سريه ..يعني المفروض انتي ما تدرين وش المكتوب فيها..عشان كذا تكون بظرف مغلق ومختوم..
انا الاظرف من الجامعه..اساسا هم مارضوا يعطوني هالكميه من الاظرف بس ربي رزقني بانسانه متعاونه واعطتني...فأنتي خذي معك الاظرف البنيه احتياط وخليهم يختمونها لك وباذن الله مافيه اي اشكاليه

والله ما اعرف وشو جواب التوصيه.؟
اول مره اسمع فيه
بالنسبه للتوصيات انا اقول خذي لك صيغه من النت بالانجليزي طيب..وروحي عندهم وخلي كل دكتوره تقراها وتعتمدها لك وتوقع عليها وتختمها لك الجامعه
موفقه يارب

الله يسعدك ياقوس بس ابي اسال اشتري الظروف ولا من عندهم

اختي عادي اشتري الظروف من بره

انا اخذت ضروف من القبول والتجسيل وحطيت فيه السجل الاكاديمي

واشتريت ظروف للتوصيات بوديها للقسم واختمها
(وعلى فكره فيه ناس تقول التوصيات ماتحطينهم مع بعض في ظرف واحد يعني كل توصية لها ظرف على كذا اذا الجامعة طالبة ثلاث توصيات يكون عندك ثلاث ظروف )
وظرف تحطين فيه السجل الاكاديمي

وظرف كبير اللي تحطين فيه كل الاوراق والظروف

طيب ما حطيتوا شهادة حسن السيرة و السلوك .. فيه ناس قالوا لازم ؟؟؟؟؟