استفسار عن الفيزا او الماستر كارد

صحيح من الصعب ان تحصل على فيزا او ماستر كارد لان ماعندك تاريخ ائتماني في امريكا ومن الصعب الثقة في طالب اجنبي جديد ولكن بامكانك استخراج بطاقة فيزا او ماستر كارد مسبقة الدفع

انا ما ادري من وين تجيبوا هالكلام ... الحين اذا فتحتي حساب باي بنك امريكي البطاقه اللي يصدروها لك هي عبارة عن حساب جاري وفيزا بنفس الوقت .. ماعاد فيه حساب لوحده وفيزا لوحدها على بالك بالسعودية .. حتى اذا اهلك يبون يحولوا لك فلوس يحولوها على حسابك الامريكي عادي جدا .. مايحتاج تطلعي وحدة من السعودية

أختي الكريمة ماوضحتي سؤالك بالتفصيل الله يحفظكي ،

لأنو هناك فرق بين :

1- بطاقة حساب جاري تحمل شعار " فيزا ، ماستر كارد " .

2- بطاقة ائتمانية تحمل شعار " فيزا ، ماستر كارد ".

3- بطاقة مسبقة الدفع تحمل شعار " فيزا ، ماستر كارد " .

رقم 1 و3 أمرها بسيط وأكيد يمكن للعميل الحصول عليها بسهولة .

لكن رقم " 2 " هيا اللي بتكون صعبة !

يعني عندنا في السعودية البطاقة الائتمانية عشان الواحد يطلعها لازم يكون موظف ولازم الراتب لا يقل عن 2000 أو على حسب فئة البطاقة ،

بالمقابل في الخارج أتوقع نفس النظام ،

لأنو البطاقة الائتمانية مشاكلها كثيرة خصوصا بإن العميل راح يشتري ويقضي بدون مايكون عنده في البطاقة رصيد مالي وإنما يكون عند العميل حد أقصى للشراء على حسب فئة البطاقة ،

مثلا بطاقة ائتمانية تحمل شعار الفيزا فئة رقم 2 :

أقصى حد للشراء شهريا هو 250000 ألف ريال شهريا ،

وآخر الشهر لازم العميل يسدد للبنك القيمة اللي اشترى فيها خلال الشهر ، يعني تقدرين تقولين " سلف ! "

وادا ماسددتي المبالغ اللي على البطاقة راح تتضاعف المبالغ مع مرور كل شهر ! ،


فحددي الله يحفظكي ايش نوع البطاقة وبإذن الله نفيدك : )

شكرا للرد ^^
وانا اقصد البطاقة الا اقدر استخدمها لمااشتري شي لاني طبعا ما ابي احمل فلوس معي
انا ما عندي خبرة بها لاني ما استخدم الا بطاقة الصراف هنا لذلك ما ادري هذه البطاقة اي نوع من الا ذكرت بس اتوقع انها الثالثة

طيب مدام إنك تبغين البطاقة تكون خاصة بالمشتريات والدفع فكل مافي الأمر بإنك راح تروحين للبنك اللي حابة تفتحين فيه حساب في أمريكا ،

وبمجرد ماتعملين حساب خاص فيكي راح يدونك بطاقة الحساب وراح يكون موجود عليها شعار " فيزا / ماستر كارد "

ويصير من خلال البطاقة تشترين عن طريق الصرافات في المحلات زي اللي بتكون موجودة في " محلات الملابس والمطاعم و......"

وفي نفس الوقت يمديكي تسحبين فلوسك " كاش " عن طريق الصرافات ،


من باب الاحتياط أفضل بإنك تعملين حساب في إحدى البنوك السعودية وتستخرجين بطاقة " مسبقة الدفع " ،

لأنك لما توصلين لمكان الدراسة ماراح يكون معاكي بطاقة فبطاقة مسبقة الدفع راح تساعدكي في الأيام الأولى بشكل كبير جدا ،

عن نفسي طلعتلي وطلعت للأخت الكريمة بطاقة مسبقة الدفع من بنك البلاد ،

ولازم تفتحين حساب في البنك على أساس تقدرين تستخرجين بطاقة مسبقة الدفع ،

فكرة بطاقة مسبقة الدفع كالتالي :

تحولين المبلغ اللي حابتو من حسابك إلى بطاقة مسبقة الدفع ،

ويصير تشيلين معاكي بطاقة مسبقة الدفع لما تسافرين ،

ومن خلال هذي البطاقة تقدرين تشترين عن طريق صرافات " فيزا "

وبمجرد ماتفتحين حساب أمريكي يصير بطاقة مسبقة الدفع ماراح تحتاجينها إلا وقت الضرورة لا سمح الله ،

الفرق بين بطاقة مسبقة الدفع وبطاقة الحساب الجاري والبطاقة الائتمانية بسيط :

1- بطاقة مسبقة الدفع / بطاقة الحساب الجاري = ماتقدرين تشترين أي حاجة لو كان رصيدك أو رصيد البطاقة صفر .

2- البطاقة الائتمانية = تقدرين تشترين مع إن البطاقة مافيها مبلغ مالي ! بمعنى أصح " تشترين وتتسجل المبالغ عليكي بالسالب " يعني تكونين مديونة .

شكررررا اخوي ما قصرت فعلا افدتني ^^
الله يعطيك​ العافيه

طيب الله يعافيكم اذا كان الواحد فاتح حساب في بنك سامبا كيف راح يكون هناك في امريكا لان سمعت انه راح يكون في عموووله
وانا وقتي ضيق مايمديني يعني بتمشي معي البطاقة ع الاقل في الايام الاولى على بال مافتح حساب هناك....

لما كنت بريطانيا كان بطاقة الحساب الجاري هي نفسها فيها فيزا وكنت اشتري من النت واسوي كل شي...

افضل شي سويلك من هنا بطاقة مسبقة الدفع فيزا وحطي فيها مبلغ

أكيد فيه عمولة وتختلف العمولة بإختلاف البنــك ،

عن نفسي بطاقة البلاد " مسبقة الدفع " يتم فيها احتساب سعر الصرف بـ " 3.7575 " وهو أفضل سعر لحد الآن شفتو على مستوى البنوك المحلية للاستعمال الخارجي ،

بالنسبة لسامبا صراحة ماعندي خلفية لكن أفضل حل على أساس تعرفين سعر الصرف حاولي تشترين أي غرض من موقع " عالمي " وليس محلي ،

للأسف إن موظفي البنك عند سؤالهم عن سعر الصرف في أمريكا مانحصل منهم إجابة أكيدة 100% ،

فالتجربة أفضـل :/ ،

برضو اسأليهم في البنك عن نسبة العمولة اذا كانت موجودة وسعر الصرف ؟