الحمدالله انتهيت يوم السبت 12 / 7 / 1433هـ من المقابله بالسفارهـ

June 4th, 2012, 12:25 AM

السلام عليكم

وصبحكم الله بالخير


الحمدالله انتهيت يوم السبت 12 / 7 / 1433هـ من المقابله بالسفاره الامريكيه بالرياض ؟

وكونى انا من سكان الغربيه كنت بحجز موعد بالسفاره بجده بس المواعيد بعيده حيل وبعد اسمع بعض الاعضاء يقولو معاملتهم موب زينه بجده .

واتجه يوم الاربعاء الى الرياض انا وزوجتي المبتعثه وطفلتي ... وطبعا سافرت بسيارتي لعدم وجود حجز بالخطوط السعوديه . وبحمد الله وصلت الرياض صبح الاربعاء وسكنت بشقه قريبه من حي السفارت

خلف المستشفي التخصصي من جهت الشمال . ويوم الخميس والجمعه انا والمدام رحنا نتمشي بالرياض ورحنا يم برج المملكه وبرج الفيصليه ^..^ اول مرة اشوفه عالطبيعه خخخخخخخ

اهم شي مالكم بالطويله كانت رحله رائعه بس توبه اسافر لرياض بالسياره انهد حيلي

هههههههه ويوم السبت كان موعد المقابله ومن زود الحرص قلت للمصري اللى بالفندق اتصل على تحويله التليفون لا نسحب على الموعد هههههههههههههه


وحط راسي الساعه 2 الا على اذا الفجر وانا طاير من النووم وقول للحرمه قومي صلي قالت لسى بدري شوف الساعه كم قلت لها احنى بالرياض موب بالغربيه يعني ياذن بالرياض قبل

واهم شي واصحى واروح اصلي وبعد الصلاه شريت فطور شكشوكه وكبده وفول وجبنه .... ياربي لك الحمد كبدتهم هههههههه يالله انك اديمها من نعمه

ونفطر وبعد الفطور نتجه الى السفاره وقبل لا ادخل يقولى العسكري وش عندك قلت مقابله بالسفاره الامريكيه . قالى اتجه الى الاستعلامات ..... قلت له يعطيك العافيه ودخلت وجلسه عشر دقائق احوس
ادور على السفاره الامريكيه وبعد معاناه لقيت السفاره ولما وصلت بصراحه كانت المدام خايفه . واول ماوصلت الا واشوف الناس جالسه طوابير وانا اقول لمدام روحي اجلسي . وانا مع الطوابير صاف

وبعد ممكن دقيقه طلعه ذيك المصريه مدري سوريه تقول اللى موعد الساعه 8 يجي هنا وانا اجى طاير ههههههههههههههههههههه . وطلبت منى الايتوني والجوازت وايصال سامبا تبع الفيزا وانا من زود

الحرص شايل معايه اربع ظروف ومليانه اوراق الاصل . وبعد مصور كل اصل الحرص زين ؟ وبعد ماخذه منى الاجوزات الثلاثه وايصالات سامبا والايتوني فقط ؟

ورجعتها ليه وقالت ليه خلاص ادخل على التفتيش وانا دخلت مع باب خاص بالرجال وزوجتي وطفلتي مع باب خاص بالنساء وبعد التفتيش خرجنا من الباب .... الا ذاك الهندي لما شفته قلت احلى ياكشن

كان معاه سلاح خطير . وطاق النظرات ههههههههههههه ماهي لايقه عليه .


المهمـــــــــــــــــــ موعد المقابله ؟؟؟؟؟؟؟؟


اول مادخلت الباب الا ذاك الامريكي جالس على كرسي لما شفته كنت مفكر انه حرمه لانه له شعر كثيف وقاااال Passport واخذها منى وحط على كل جواز استكر . ورجعها ليه واعطاني رقم

وكان رقم 70 وجلسه بقاعه صغير وانتظر رقم ولما وصلت 70 قمت انا وزوجتي وبنتي معي ودخلت مثل الكشك المغلق وفيه وحده امريكيه سمراء وطلبت الايتوني والجوازات وايصال سامبا والضمان المالي


وبعد مطابقه الاوراق قالت للمدام فتحي عن وجهك و بصمي يدك الايسرى وبعدها الايمني وبعدها الابهام ويكون مع بعض . وبعد المدام جاء دوري نفس اللى سوته ؟ ولما خلصنا قالت خذ هذا الملف الا تاخذ منه اى ورقه ولا

تضيفه على اى ورقه .قلت اوكيه


وخرجه من ذالكشك الشين واتجهت الى ممر وفيه كراسي وجلست وبعد شويه ينادي على الهندي يقولى تعال جاء دوركم .. ومالكم بالطويل اول ماوصلنا الا ذيك الامريكيه من خلف شباك وتقول


السلامواليكم هههههههههههههههههههههههه قالت وين رايحن قلت لدرااسه قالت اى ولايه قلت كلورادو قالت انها مدينه رائعه .. قال ماذ سوف تدرس قلت لها بكالوريوس وقالت لها زوجتي

انا بدرس ماجستير قالت رائع . لا شويه قاعده ذالامريكيه تتريق مع بنتي وبنتي تقوله وجع هههههههههههههههههههههه والامريكيه تقول لبنتي يالكي من رائعه


وبعدين قالت انتم متزوجين قلت ايه متزوجين قاااال مبروك مبرووك .. وبعد قالت له لكم اقارب في امريكا قلت لها لا وبعد قالت من سيصرف عليكم قلت لها انا وبعد طلبت وثيقه زوجتي

وبعد طلبت شهادتي الثانويه وقالت اى تخصص تبي تدرس وانا تنحت قلت ها ها ها وزجتى تقولى قولها تمريض وانا ماسمعتها زوجتي لما قالتي من الربشه ماسمعتها هههههههههههه الا الامريكيه تقولى هل تريد تخصص قانون قلت ايه قانون هههههههههههه وبعدها مبرووك مبرووك مبروووك اسبوع وبتاخذو الفيزا ؟


وقلت لها ثانكيو واتجهت يم فيدكس وخذو منى 125 ريال رسوم توصيل الجواز والفيزا .؟

وان شاء الله تساهيل . واعذروني على االاخطاء الاملائية وسلامتكم

• نشر عبر تويتر
• نشر عبر فيسبوك
• نشر عبر جوجل