خايفه محتاره قلقانه متشتته ماادري ماادري ايش بالضبط

اختي خلي زوجك يقرى ردي.

لو كان البعثه فيها ضرر على الوظيفة فانا ما اؤيد البعثه.

لكن لو قدر ياخذ اجازة بدون راتب مثلا فانا انصحكم تلتحقون بالبعثه لعدة اسباب

1- سنتين برى البلد حلوة كنوع من التغيير والتعرف على ثقافات الشعوب اضافه الى انا سياحه مدفوعه الثمن.
2- كل واحد يتعلم ويدرس. واطلب العلم من المهد الى اللحد.
3- المبلغ الي تاخذونه مو هين متاكد انه ادبال راتب زوجك في السعودية. يعني لو سكنتو في سكن رخيص والاكل بيتي راح توفرون مبلغ حلو. والسيارة جبوها معكم هنا.
4- البعثه امنيه ملايين السعوديين بل مليارات حول العالم احمدو ربكم عليها. لمن اذكر مميزات البعثه للطلاب والعائلة في امريكا ولله العظيم ردة فعلهم كذا ما امزح

انا قبل اسافر كنت متخوف وقلت شلون اضيع نستين من عمري في الغربه ( وانا وحدي ) والحمدلله الحين مبسوط وشفت هنا اشياء ماكنت احلم اشوفها بالمملكة .لكن انتي مع زوجك وبنتك يعني كذا ولا كذا العائلة نفسها يمكن هذي حالتكم لو تعين زوجك في القيصومة ولا القويعيه والمدن النائية هاذي. وعلى فكرة الاطفال هنا شيء مقدس مراجيح في كل مكان ومهرجانات لهم يعني دلع ماتحلم فيه بنتك لله يخليها

اللههه يعينك ويختار الاصلح . , صلوا الوتر ....

السلام عليكم ورحمة اللله وبركاته

انصحك اذا زوجك متخوف من الغربه تروحين ولايه ديلاوير انا موجود فيهاا ووربي كنك بالسعوديه فيه بنات بالعبايات ومتغطيات ولايه رخيصه من كل النواحي ولا فيهاا ضرايب
اتمنى لك التوفيق وصلي الاستخاره قبل كل شي

استخيري ،وخلي زوجك يحاول بإجازه بدون مرتب ولو كبداية بس ،وفي اول اجازه اذا حس انه ارتاح و انتي كمان ارتحتي خليه يستقيل
او لا قدر الله كنسلي البعثة

ما اقول الا الله يكون بعونك يارب ويسهل امورك

..............................

يااختي استخيري الله

اذا زوجك يقدر يأخذ اجازه من العمل .. حلووووو
واذا مايقدر ماانصحك انه يقدم استقاله ابدا .. معاي بنات في المعهد ازواجهم استقالو والحين مرررره متحسفين
بعضهم مالقو قبولات جامعه ..
استخيري .. ولاتضغطين على زوجك..
والله يكتب لك اللي فيه الخير

نفس المشكلة +2 طفلين ...؟؟
الله يسيرها علينا يااااارب ...وعليكم ..وعلى كل متعسر