الفيزة الاسترالية .

شباب وين الردود ؟
تكفون اخر يوم معي
وابي اقرر يالوظيفة
او انتظر
تكفون
تكفون

مازن حبيبي مساك الله بالخير .....
بابنسبة لك ترى سالفتك مثل سالفتي بالظبط وتركت العمل مدرس طبعا بمدرسة أهلية لا وبعد تركت عمل مسائي وكان بعقد لكن راتبها كان جيد كان بالإمكان أترسم عليها ....المهم
أستقلت من الجميع وتوهقت لأن موعد دراستي قرب خلاني أستقيل
طبعا استقلت والمشكلة تجري الرياح بما لا تشتهي السفن تأجلت الدراسة لمدة شهرين ..على العموم
أنت خلك بوظيفتك لين يجيك القبول
وبالنسبة للفيزا إن كنت مستعجل مثلي رح لمكتب في مخرج خمسة طبعا في الرياض ومحلة بالضبط وأنت جاي من مخرج 4 بإتجاه الشرق أدخل مع الخدمة للي يدخلك مخرج 5 وقبل ماتوصل المحطة الي فيها صراف الراجحي شف المبنى الي قبل المحطة بالظبط الدور الثاني فيها مكتب يجيبلك الفيزا في اسبوع الى اسبوعين
طبعا احطياطا يقولون لك شهر بالكثير انا ما جلست اسبوعين وسعرهم 1700 ريال
واذا منت مستعجل ارسلها من ارامكس بحوالي 1370 ريالاو 1270 في حدودها
وإذا تبي اقل فيه فيه مكتب في اسواق الاندلس طريق العليا الجنوب قبل المملكة بوابة 4 الدور الثاني سعرهم اذا ماني بواهم 500 ريال
الله يوفقك وييسر أمورك ونصيحة لاتترك عملك إلا بعد ما تتأكد إنك بتميشي
وإن كانت دراستك ماجستير إن شاء الله بيضمونك على طول بس أنت جب القبول النهائي للجامعة والمعهد والفيزا وقدمها على الدكتور العطية والله مايقصر معك ولا مع غيرك وبالتوفيق للجمع
كيف أنا معك..... ههههههههههههههه
دعواتك لي سفري الاسبوع الجاي .

الله يوفقك اخوي وان شاء الله توصل بالسلامة

انا دبلوم والوظيفة خلاص اعتبرها في جيبي ولكن باقي ما توظفت واستشير وعلى الله

والقبول اللي ارسلتة قبول مبدئي

اما الوظيفة بصراحه ما ارتحت لها ولا لراتبها

وكذلك انا من الباحه فما اقدر انتظم في العمل من شان طلعاتي يا الرياض او جده من شان اخلص امور البعثه

ووالله محتار ولكن ربك كريم

انا خوفي كلة اني ابلش في الوظيفة ولا اقدر انهي امور البعثة

تحياتي لك اخوي والله يوفقك وييسر امورك ,,