مقابلة مشؤومه.... الله يخارجنا

اخي الله يسهل امرك ولعلها خيره ماتدري
1- نعم تقدر تعيد ونعم بيعرفون انك قابلت ورفضت كله مسجل
2- لاماتدفع سيفس خلاص مره وحده بس تدفع تاشيره ثاني
3-تقدر تتابع على الموقع المواعيد بس بيوزر جديد والقط اي موعد كنسل ونورلك اخضر باستمرار الناس تنكنسل وتغير

بس اخي ياريت
تقولنا اهم الاسئله الي انت ماتوقعتها او الي نرفزتك معها
تفيد اخوانك عشان الواحد يجهز حاله لهدوء الاعصاب معها ولا ينرفز معهم وتعاد الكره مع غيرك
وكل غلطه بتعليمه معليش وتعلم غيرك بعد
ومعليش ربي يسهل امرك بالمره الثانيه بس اضبط اعصابك(كان لك حاجه عند الكلب قله ياسيدي)

السلام عليكم

اخي العزيز انا حصل لي نفس مشكلتك بالضبط مع هذي الملعونه حسبي الله عليها ورفضت اعطائي فيزا
الكلام هذا كان في يوم السبت 25/10/2008 وجلست بعدها افكر ورجعت قدمت مره ثاني وتوفقت مع واحد محترم بالمره في يوم
13/1/2009 لكن اعطاني الورقة الزرقاء مع انه كان يدعي لي بالتوفيق في دراستي ويقول اتمنى انك تستمتع في امريكا يعني انا قلت خلااااص ضمنت الفيزا وانا في الابلكيشن كتبت لهم انه تم رفضي والسبب لا اعلم

والى يومك هذا وانا من اصحاب الورقة الزرقاء مابعد ردوا علي للحين (تحت الاجراءات الإدارية)

الله كريم ان تسهلت ولا راح اشوف ديره ثانيه مع انه كان حلمي اروح امريكا

نصيحتي لك حاول ولا ترتبك انا انسان معاندي واستفزتني بنت الكلب في كم سؤال وانا ولا بيهمني وكانت النتيجة ورقة بيضاء معناها (الرفض) وايضا من اسباب رفضي كنت حاذف 3 اترام في الجامعه مع واحد صيفي صارت اربعة وقالت لي ليه حذفت 4 اترام قلت لها مو 4 بس 3 قالت لا قلت الا هههه والله اني صرت اضحك لانه ماعاد يهمني شي في هذي الدنيا ماشي على البركه واللي يجي من الله حياه الله

الخيره فيما اختاره الله سبحانه وتعالى عالم الغيب ونحن لانعلم الغيب

تقبل مروري وروق انصجك ترووووووق ادري باللي مريت فيه ولا يضيق صدرك ولا شي ماتخسى الا سفارة امريكا تخنقك العبرة عشانها

تحياتي

اخوك كحيلان

المقابلة كانت مع الكهلة المستقعده للبشرية فكان سؤالها عن تاريخي ودراستي بعد الثانوية... وليش قعد بدون دراسة لمدة سنتين بعد الثانوية ووايش كنت تساوي في هذه الفترة (كملت الثانوية وجلست عاطل لمدة سنتين مع الوالد في الديرة وبعدها كملت دراستي دبلوم شبكات وحاسب الي لمدة سنتين) المشكلة كانت في السنتين هذه وين رحت فيها وليش ما درست وليش قاعد تتشتغل مع ابوك وما درست فهمتها الغبية ان الكلية او الجامعة بعيده وكنت عايش في قرية ولا عندي احد اعرفه في المدينة او سكن في الجامعه او غيره ... الى ان خبست وترجع تعيد عليك سؤال نفسة اذا جاوبت مره ثانية او قلت شيء غلط...... المهم طلعت بلوشي والله يوفق الجميع

عذرا على هذا الايضاح البسيط لكن ارجوا انه يحصل ولو قليل من الفائدة المرجوه


الكهلة ابو خدود احمر تكون في شباك رقم 12 ... من جد كسرت كل احلامي
وراح التعب والصرفيات والوقت هبائا منثورا في اقل من خمس دقايق...

الله يفقكم ويمنعكم منها ...

لا حول ولا قوة الا بالله

قدم مره ثانيه اخوي في فتصلية ثانيه الظهران مثلا وان شاء الله امورك تتيسر

الله يسهل امرك يا رب

اخي الله يسهل امرك بالمره الثانيه
حاول بس اجعل الهدوء وضبط الاعصاب شعارك

الله يسهل للجميع ,,

موعدي بكرة ان شاء الله ........ الله يســـــــــــــــــــــــــــتر بس

يا اخوان والله سهالاات

بس البعض حصل له هالمواقف والاحراجات البايخة من اللي يقابلوهم اللي عليك اخوي خلك مصر على امريكا طول ما هو حلمك ولا تستسلم بكل سهولة كذا خلك مثابر وانت حاول مرة ثانية وتوكل على الله

بخصوص الاسئلة انا اقترح عليك تشوف موضوعي اللي نزلته

القصة الكاملة مقابلة سفارة امريكا وراح تشوف ام التحقيق الي جاني بس الحمد لله اموري ضبطت

استعن بالله ومن يتوكل على الله فهو حبسه

كل التوفيق اخي الكريم

اللم صلي على محمد

السلام عليكم ورحمة اللهه وبركاته

اخي صاحب الموضوع بارك الله فيك والله يعطيك على قد نيتك يالغالي

اخوي انا نفسك سويت المقابله من اسبوع في الرياض ومع هذه الحقيره الكهله العجووووز

هذي الله لايوفقها مستقعد على البشر

انا يوم شفت موضوعك حسيت بنفس معاناتي وكأني انا صاحب المشكله اللي صارت لك

تخيل ياخوي تميت احاول اجيب قبول لمدة اربع شهوووووور

وجات هالكله الله لايوفقا وسألتني عشرات الأساله وكانه تحقيق في مباحث الفيدراليه وكأني مجرم سابق

كل ماسالتني وجاوبتها ببرود اعصاب تحاول انا تطلع لي اي مشكله وسؤال اخر صعب

كانت تحقق بكل صغيره وكبيره

طبعا يوم جاوبتها وبكل شي واوراقي كلا سليمه

طلعت لي بسؤال

وقالت لي انت درست بكلية الشريعه الاسلاميه سنتين صح او لا؟؟

قلت لها نعم درست فيها

قالت لي وين كشف الدرجات حقتها

قلت لها ماعندي لاني سبت الكليه الشريعه ودخلت في كليبة التقثنيه وتخرجت منها وبدرجات عاليه الحمدلله

قالت لي لابد تجيب لي كشف درجات

قلت لها يابنت الناس صعبه ماقدر لي اكثر من ثلاث سنوات وانا سايب الكليه

وعندت معايه

وقالت لي انت ماتستحق تدرس في امريكا وخلك في السعوديه احسن لك الله ياخذها بنت الحرام

هزأتني وبقوووووووه

قلت لا هذا حلمي حرام عليك تحطميني

قالت لي خلاص انتهت المقابله ويلا توكل

ومشيت وانا الدمع بوسط عيني شوي وبنووووح من البكى

دارت فيني الدنيا وحسيت اني خلاص امري انتهى وراح اضيع ومستقبلي ضاع وكلشي حولي ضاع

حسيت بالضيقه بصدري والدنيا غريبه من حولي

وامسك الخط بسيارتي وكنت متواعد من خوياني بالرياض اني اجيههم بشقتم وانام عندهم

لكن ماحسيت روحي الا على طريق الشرقيه وبعود الدمام ومالي خلق اقعد ولا لحظه

المهم تميت كاتم ثلاث ايام ومانام الليل

لكن بعدها استعدت نشاطي وقوتي الحين

وبرجع مرهه ثانيه وبطلب من الجامعه اي توني جديد

وبقدم على الموعد في السفاره بالرياض وربي راح يوفقني ان شالله

فأنت ياخوي لاتيأس

ترى واحد من خوياني صار له نفس الكلام

وقدم من جديد ووافقوا له على الفيزه

وربك ان شالله بيكون معاك انت توكل على الله ولاتيأس

اخوك المنسي

اخي كاتب الموضوع

اذا عندك فكره على حاجه بسألك اياها

يوم سويت المقابله ورفضت تديني الفيزا

ختمت على الاي توني حقي ومكتوب في الختم تاريخ ويم المقابله فقط

ومش مكتوب اي حاجه تانيه

فهل هذا معناتها ان الاي توني اترفض ولا ايش الحكايه