فيزة بريطانيا ليه صارت تطول من السعوديه لنا الحين فوق 20 يوم!!!

السلام عليكم،
أختي و أخي:
بناء على آخر المعلومات لدي بخصوص التغيرات الحديثه في نظام الفيزا البريطانيه والذي بدأ تطبيقها مؤخرا هو أن جميع الطلاب الدوليين المتقدمين بطلب اصدار فيزا بريطانيه سيتم اصدار بطاقة طالب لهم تقوم مقام الفيزا التي كانت ترفق بالجواز.
و لذلك قد يكون التأخير ناتج عن هذه التغييرات الحديثه.
كل التوفيق.

اخواتي واخواني ادعو لي انا وزوجي باخذ الفيزا قريبا لان لنا فوق 40 يوم واحنا ننتظرها وخايفين على بعثتنا لنا سنه في بريطانيا وجينا اجازه بالاستر ونجدد وانا اغير فيزتي لطالبه واول مره تصير ومانعرف وش السبب واذا سالناهم قالوا تحت الاجراء وبس واحنا سمعنا انه اجهزتهم معطله على كلام صاحب اخوي وانه فيه فوق 1700 جواز سعودي مافتحوها بسبب لازم يجيبون معلومات من بريطانيا عنهم بس مايقولون عشان اجهزتهم معطله لان هذا ضدهم حتى واحد من اصحاب زوجي قال له انه كلم واحد وكلم مسئول الفيز في بريطانيا واستغرب التاخير وقال عمرها ماصارت وقال يمكن فيه خطا او انه المعلومات الي طلبوها ماوصلتهم يعني قاعدين ننتظر فيهم والجهه الثانيه ماعندها خبر والجهه الاولى تحسب ماوصلهم وهذيك الجهة ارسلت ويقولون انه صايرين يجبون معلومات الناس بطرق بدائيه بسبب تعطل الاجهزه وانه هذا سبب التاخير؟؟؟ومره ابوي يتصل عليهم يقولون ورقة الحساب ناقصتهم وهي مرفقه؟؟؟فيقول لا مرسلينها مع الورق ومره يقولون البصمه ماهي واضحه ونصير صارمين ونقول الا متاكدين واكد لنا موظف البصمه انها واضحه ولما نسال المكتب نقول اذا فيه شي ناقص قولوا لنا يقولون لا بس انتظروا او دخلوا السفاره السعوديه اذا تعرفون فيها احد يعني صارت الشغله واسطه؟؟؟هذا الي يعرفونه في الاخير يعني حسينا الشغله بس يبون يخلون سبب التاخير علينا وخايفين يروح علينا كورس معهد الجامعه بسبب غياب هذي الفتره حتى فيه ناس كثير مثلنا الي قدم شكوى عليهم والي بيرفع قضيه والي بيقدم لمنظمة حقوق الانسان بسبب الخساير الي خسروها بسببهم ومادفعوه لحجوزات المعاهد ومكاتب القبول والفنادق وسكنهم وكل هذا خسروه على امل ان تصدر الفيزا في يومين او 3 كما العاده حتى ان بعضهم احضر الشرطه لمكاتب السفاره في الرياض وحصل مشاكل خوفتنا لدرجة كتبوا في داخل السفاره ملصقات تنبه بالاحترام مع الموظفين!!! حتى هم سبب غيابنا الي هم سببها وسكنا هناك الي بيخلص هذا الشهر وفيه اغراضنا ومانعرف مين ممكن يساعدنا غير الله سبحانه بدعوتكم لنا فادعو لنا في اوقات الاستجابه لان باذن الله دعوة الاخ لاخيه عن ظهر غيب باذن الله مستجابه فلاتنسوني انا وزوجي من دعواكم باصدار الفيزا خلال هذه الايام...
والله ييسر لكم كل عسير بطريقكم ويفرج لكم كربتكم .....

الله ييسر امورنا واموركم .........والله من جد معقده شهر و10 ايام وماطلعت.......لكن عساها خيره وتطلع قريب يارب

الله يعنيكم
في مشكلة بالاجهزه
بس اهم شي ارسلو فاكس للملحقيه بلغوهم بالشي هذا
الله يوفقكم

غريبه صراحة
ما اقول الا الله يفرج همكم ، ويسهل اموركم ، ويعوضكم ان شاء الله خير

الله يسهل امووركم وامووور كل اللي مثلكم

استلمي عزيزتي استغفر الله واتوب اليه بنيه الفرج

وان شالله ربك يفرجهااااا عليكم وعليناا وعلى جميع المسلمين

ولا تنسواااا قضاء وقدر ويمكن لكم فيهاااا خييير

أختي الفاضلة لاتشيل هم وكل تأخيرة فيها خيرة .
على الأقل هناك عذر للتأخير وهو تعطل الأجهزة عندهم .
أما انا عند تقديمي للفيزا أنا وزجتي لم نستلمها إلا بعد 36 يوم مع العلم أن هناك الكثير من الأخوة تقدموا معنا وأخذوها بعد ثلاثة أيام كأقصى حد هذا الكلام طبعا كان قبل ستة أشهر من الآن .
أكرر أختي الفاضلة لاتقلقي أنتي وزجك هانت إن شاءالله ما بعد الصبر إلا الفرج .
تمنياتي لك بالتوفيق ،،،

اخواتي واخواني ادعو لي انا وزوجي باخذ الفيزا قريبا لان لنا فوق 40 يوم واحنا ننتظرها وخايفين على بعثتنا لنا سنه في بريطانيا وجينا اجازه بالاستر ونجدد وانا اغير فيزتي لطالبه واول مره تصير ومانعرف وش السبب واذا سالناهم قالوا تحت الاجراء وبس واحنا سمعنا انه اجهزتهم معطله على كلام صاحب اخوي وانه فيه فوق 1700 جواز سعودي مافتحوها بسبب لازم يجيبون معلومات من بريطانيا عنهم بس مايقولون عشان اجهزتهم معطله لان هذا ضدهم حتى واحد من اصحاب زوجي قال له انه كلم واحد وكلم مسئول الفيز في بريطانيا واستغرب التاخير وقال عمرها ماصارت وقال يمكن فيه خطا او انه المعلومات الي طلبوها ماوصلتهم يعني قاعدين ننتظر فيهم والجهه الثانيه ماعندها خبر والجهه الاولى تحسب ماوصلهم وهذيك الجهة ارسلت ويقولون انه صايرين يجبون معلومات الناس بطرق بدائيه بسبب تعطل الاجهزه وانه هذا سبب التاخير؟؟؟ومره ابوي يتصل عليهم يقولون ورقة الحساب ناقصتهم وهي مرفقه؟؟؟فيقول لا مرسلينها مع الورق ومره يقولون البصمه ماهي واضحه ونصير صارمين ونقول الا متاكدين واكد لنا موظف البصمه انها واضحه ولما نسال المكتب نقول اذا فيه شي ناقص قولوا لنا يقولون لا بس انتظروا او دخلوا السفاره السعوديه اذا تعرفون فيها احد يعني صارت الشغله واسطه؟؟؟هذا الي يعرفونه في الاخير يعني حسينا الشغله بس يبون يخلون سبب التاخير علينا وخايفين يروح علينا كورس معهد الجامعه بسبب غياب هذي الفتره حتى فيه ناس كثير مثلنا الي قدم شكوى عليهم والي بيرفع قضيه والي بيقدم لمنظمة حقوق الانسان بسبب الخساير الي خسروها بسببهم ومادفعوه لحجوزات المعاهد ومكاتب القبول والفنادق وسكنهم وكل هذا خسروه على امل ان تصدر الفيزا في يومين او 3 كما العاده حتى ان بعضهم احضر الشرطه لمكاتب السفاره في الرياض وحصل مشاكل خوفتنا لدرجة كتبوا في داخل السفاره ملصقات تنبه بالاحترام مع الموظفين!!! حتى هم سبب غيابنا الي هم سببها وسكنا هناك الي بيخلص هذا الشهر وفيه اغراضنا ومانعرف مين ممكن يساعدنا غير الله سبحانه بدعوتكم لنا فادعو لنا في اوقات الاستجابه لان باذن الله دعوة الاخ لاخيه عن ظهر غيب باذن الله مستجابه فلاتنسوني انا وزوجي من دعواكم باصدار الفيزا خلال هذه الايام...
والله ييسر لكم كل عسير بطريقكم ويفرج لكم كربتكم .....

الله ييسر امورك وينفس عن كربتك وتكون لكم خيرة

مالك الا الصبر الله يعينكم
انا الحمدلله صبرت وطلعت بعد ما تاخرت 25 يوم

اختي انا في نفس المعهد اذا محتاجه شي ؟