والله ياسفراتي على سوريا فوق ثمان سفرات بس كلها بالسيارة المهم بالداخل

والله حبل الكذب قصير
واذا ما كنت غلطان السفارة راح يكون عندها علم وين رجت وين جيت واذا كذبت راح يشتبهون فيك ويمكن يلغون فيزتك

انت قلهم ليه رحت وان شاء الله تتسهل امورك

ههههههه اخ من منفذ الحديثه
يا اخوي روح ووكل ربك انا مثلك وسألوني ليش السفر قول سياحه وسكر فمك واذا سألت مع مين قول مع ماي فرند
واكتب في سنة كم كل سفره بالنموذج
اتمنى لك التوفيق الدائم

الوجه قريبه من سوريا

مثل وضعك بس سفراتي لسوريا كثير منذ 10 سنوات

وفكرت بنفس تفكيرك ورحت جبت برنت مش مكتوب فيه سوريا

بس ذكرت لهم اني سافرت سوريا

وعلقوني بورقة زرقاء لهم 37يوم
الله يستر

اخوي قول لهم اني انا ساكن بالشمال وقريب جداً من الاردن وسوريا عشان كذا روحاتي للسياحه بس ,,

ونصيحتي لا تكذب

أهم شي لا تجحد الجواز القديم .. اذا سألوك عنه تكلم بلغة الواااااثق على انه شي جداً طبيعي لشاب سعودي يحب يتفرج على الربيع وخيرات ربي

مهوب تطير عيونك ولسان حالك مثل المحشش اللي مسكوه تفتيش سرعه وطلبوا الرخصه قال لهم "وش حشيشه" ؟!

تمنياتي لك بالتوفيق يارب وان شاء الله ما يعصلقون عليك ولا يطلعون روحك قبل تطلع فيزتك

المقابلة الشخصيه تعتمد على أشياء كثيره..

من بينها الـ body language اللي هي لغت جسمك وحركاتك.. والشي الثاني الـ eye contact اللي هي لغة عيونك والأتصال العيني..

الاشخاص اللي يجرون المقابله أشخاص محترفين بالأمور النفسيه.. ويعرفون متى تكذب.. يعني مثلاً.. لو رفعت عيونك فوق وأنت تجاوب على سؤوال معنها أنك قاعد تخترع شي.. واللي يعني أنك تكذب..

موضوع أنك سافرت لسوريا مو شي كبير.. ومو من الأشياء الأساسيه اللي تخليهم مايصدرون الفيزا.. لكن لو شكوا أو عرفوا أنك تكذب راح يكون سبب رئيسي وممكن يحطونك في البلاك لست..

فتوكل على الله.. وخذ جوازك.. وأكتب كل الأماكن اللي سافرتها في الجواز.. وخلك واثق من نفسك.. واضح وصريح وأنت تتكلم.. لا ترتبك.. جاوب بأريحيه وثقه..

الله ييسر لك إن شاء الله..