September 1st, 2009, 11:31 AM
أبشركم يا شباب وصلت الفيزا..5سنوات
أعذروني اذا اختصرت،يدي مكسورة واكتب بيد وحده..بساعدكم باللي أقدر عليه
اللي صار أني حجزت موعد في السفارة الامريكيةفي الرياض بتاريخ 1 سبتمبر الساعه 7:30ص.
وصلت للسفارة الساعه 6 و58 دقيقة و أول ما وصلت لقيت الناس ماسكين سرا و أصف وراهم وكان قدامي ما بين ال30الى ال40 شخص (طبعا بعضهم مع عائلته).
و أنتظر ألين جا دوري (بعد ساعه تقريبا) و أجي للبوابة و كان فيه شخص يدقق في الأوراق و معه ورقة المواعيد ويكون
أسمك مسجل فيها. يحط عند أسمك صح بعدين يشوف أوراقك أنا شاف أوراقي قال ناقص الفورم157 (طبعا نسيته)
قلت شلون أروح أجيبه وأجي قال لا قل لهم داخل وهم يعطونك اياه. المهم سألني بعده السكيورتي من ورا النافذة
قال فيه جوال قلت لا قال فيه ريموت سيارة قلت لا قال خلاص وقف عند الباب هذا ولا تفتحه اذا ألين يفتحه لك السكيورتي.
شغل مرتب صح،المهم فتح لي السكيورتي من داخل و دخلت و فتشوني بعدها قالوا اطلع مع هالباب وأنا طبعا ما
أدري وش ورا هالباب،ولا طلعت الا و أشوف قدامي ذاك العسكري ومعه ذيك الشوزن وأكتشفت أني في ساحة السفارة.
و بدون ما أكلمه تلفت حولي لقيت باب وأتوجه له على طول وبس دخلت معه أعطاني السكيورتي رقم وقال هذي الغرفة
وأدخل الغرفة ولقيت فيها نافذتين مثل اللي في البنوك طبعا قعدت على الكرسي أنتظر رقمي شوي الا جا رقمي
و أروح و لقيتها حرمه تتكلم باللهجه الجداوية قالت أعطيني أوراقك قلت وش اللي تبين بالضبط؟(سؤال ماله داعي)
قالت أنت مقدم على السفارة الامريكية أعطيني أوراقك وأعطيها كل الاوراق(طلعت خويتنا مدققة طلبات) يعني تشوف
أوراق اللي مقدمين طلبات وتشوف اذا كامله ولا لا بعدين ترسلها للبصمات
المهم خذت الاوراق وقالت ناقص التوقيع في الاي توني و وقعت طبعا قالت ناقص الفورم157 أخذ الفورم عبه
عبيته بخط اليد و عطيتها اياه. خذت الاوراق ودبستها في الجواز وخلتها عندها وقالت أنتظر في الغرفة الثانية بالرقم
اللي معك رحت أنتظر الا طلع رقمي و أروح الا ألقى سودانية محجبة قالت حط أصابعك على الجهاز وخذت البصمات
قالت خلاص أنتظر موعدك مع القنصل،هي بس قالت القنصل وأنا على أعصابي وأفكر وش بيقول القنصل وش
أسئلته وكان وقت عصيب و الا يطلع رقمي و أروح و أقرب من النافذة الا..... المفاجأة!!!!!!
القنصل!؟!؟!؟! طلع قنصلة (حرمه) خخخخخ أرتحت شوي
قالت لي أرفع السماعه رفعتها قالت دو يو سبيك أنجلش قل نو راحت و جابت مترجم وأنا أنتظر المترجم صارت
مفاجأة ثانيه اللي هي المترجم طلع مترجمه و طلعت هي خويتنا السودانية حقت البصمات.هنا أرتحت أكثر لأنها
طيبه جدا. سألتني عن أخر شهادة(السؤال من الفورم157) قالت متى تخرج من الكلية قلت لها 9 2006 قالت وش درست فيها وقلت لها قوى كهربائية قالت وش نوع شهادتك قلت دبلوم قالت طيب من سبتمبر 2006 الى
ألحين وش سويت قلت أنا موظف من شهر5 2007 قالت طيب من 2006 الى 2007 لك 8شهور وش سويت فيها
قلت لها أنا جاني القبول حق الشركه في شهر 3. سكتت شوي وقالت بإستغراب أنت طالع على حسابك أنت!!
شلون تصرف على نفسك قلت أنا مجمع مبلغ بيكفيني مدة بعدين بحول على حساب الحكومه
سألتني قالت وش معنى ما عندك الا سفرة وحده ومن وقديمه بعد قلت هذي سفرة مع الوالد الله يرحمه و إحنا
بالعادة سفراتنا داخل للطايف وأبها
قالت في أي جامعه بتدرس قلت لها أسم الجاعه(اللي تحت في توقيعي) قالت أوكي وأنتظرت على أحرمن الجمر
ألين قالت لها كم كلمة للسودانية وألتفتت علي السودانية وقالت لي......................
مبروك القنصل وافقت على تأشيرتك وهي تبتسم هي والقنصل وقالت أدفع رسوم الفيديكس وأسبوعين ثلاثه وتجيك
الفيزا قلت لهم شكرا و أروح للفديكس وكان فيه ناس جالسين شافوني وأنا جايهم من القنصل كلهم عرفوا أن
القنصل وافق على التأشيرة من الإبتسامه اللي شاقه وجهي
دفعت الرسوم الساعه11ص بتاريخ 1/سبتمبر...وجاني أتصال قبل شوي الساعه11ص بتاريخ 8/سبتمبر من
فيديكس يقولون جوازك عندنا
وأجيهم طيران وأشق الكيس وأقلب صفحات الجواز و ألقى الفيزا وأقرا التواريخ ولقيتها خمس سنوات
الحمدلله على كل شي الحمدلله أولا وأخيرا الحمدلله قبل كل شي والحمدلله بعد كل شي حمدا يليق بجلال وجهه
و عظيم سلطانه
و دراستي في 14 أكتوبر بعد شهر أدعوا لي بالتوفيق
ومن لا يشكر الناس لا يشكر الله. أحب أشكر منتدى مبتعث و جميع أعضاءة على كل المعلومات وعلى كل مساعدة
قدموها لي واللي بفضل من الله ثم منهم خلصت أوراقي الجامعية والقبولات وأوراق التأشيرة.
وأنا هنا أعرض المساعدة للمنتدى وأعضاءة وأي إستفسارات أو أسئلة أنا حاضر*
LinkBack URL
About LinkBacks
September 1st, 2009, 11:31 AM
أبشركم يا شباب وصلت الفيزا..5سنواتأعذروني اذا اختصرت،يدي مكسورة واكتب بيد وحده..بساعدكم باللي أقدر عليه
اللي صار أني حجزت موعد في السفارة الامريكيةفي الرياض بتاريخ 1 سبتمبر الساعه 7:30ص.
وصلت للسفارة الساعه 6 و58 دقيقة و أول ما وصلت لقيت الناس ماسكين سرا و أصف وراهم وكان قدامي ما بين ال30الى ال40 شخص (طبعا بعضهم مع عائلته).
و أنتظر ألين جا دوري (بعد ساعه تقريبا) و أجي للبوابة و كان فيه شخص يدقق في الأوراق و معه ورقة المواعيد ويكون
أسمك مسجل فيها. يحط عند أسمك صح بعدين يشوف أوراقك أنا شاف أوراقي قال ناقص الفورم157 (طبعا نسيته)
قلت شلون أروح أجيبه وأجي قال لا قل لهم داخل وهم يعطونك اياه. المهم سألني بعده السكيورتي من ورا النافذة
قال فيه جوال قلت لا قال فيه ريموت سيارة قلت لا قال خلاص وقف عند الباب هذا ولا تفتحه اذا ألين يفتحه لك السكيورتي.
شغل مرتب صح،المهم فتح لي السكيورتي من داخل و دخلت و فتشوني بعدها قالوا اطلع مع هالباب وأنا طبعا ما
أدري وش ورا هالباب،ولا طلعت الا و أشوف قدامي ذاك العسكري ومعه ذيك الشوزن وأكتشفت أني في ساحة السفارة.
و بدون ما أكلمه تلفت حولي لقيت باب وأتوجه له على طول وبس دخلت معه أعطاني السكيورتي رقم وقال هذي الغرفة
وأدخل الغرفة ولقيت فيها نافذتين مثل اللي في البنوك طبعا قعدت على الكرسي أنتظر رقمي شوي الا جا رقمي
و أروح و لقيتها حرمه تتكلم باللهجه الجداوية قالت أعطيني أوراقك قلت وش اللي تبين بالضبط؟(سؤال ماله داعي)
قالت أنت مقدم على السفارة الامريكية أعطيني أوراقك وأعطيها كل الاوراق(طلعت خويتنا مدققة طلبات) يعني تشوف
أوراق اللي مقدمين طلبات وتشوف اذا كامله ولا لا بعدين ترسلها للبصمات
المهم خذت الاوراق وقالت ناقص التوقيع في الاي توني و وقعت طبعا قالت ناقص الفورم157 أخذ الفورم عبه
عبيته بخط اليد و عطيتها اياه. خذت الاوراق ودبستها في الجواز وخلتها عندها وقالت أنتظر في الغرفة الثانية بالرقم
اللي معك رحت أنتظر الا طلع رقمي و أروح الا ألقى سودانية محجبة قالت حط أصابعك على الجهاز وخذت البصمات
قالت خلاص أنتظر موعدك مع القنصل،هي بس قالت القنصل وأنا على أعصابي وأفكر وش بيقول القنصل وش
أسئلته وكان وقت عصيب و الا يطلع رقمي و أروح و أقرب من النافذة الا..... المفاجأة!!!!!!
القنصل!؟!؟!؟! طلع قنصلة (حرمه) خخخخخ أرتحت شوي
قالت لي أرفع السماعه رفعتها قالت دو يو سبيك أنجلش قل نو راحت و جابت مترجم وأنا أنتظر المترجم صارت
مفاجأة ثانيه اللي هي المترجم طلع مترجمه و طلعت هي خويتنا السودانية حقت البصمات.هنا أرتحت أكثر لأنها
طيبه جدا. سألتني عن أخر شهادة(السؤال من الفورم157) قالت متى تخرج من الكلية قلت لها 9 2006 قالت وش درست فيها وقلت لها قوى كهربائية قالت وش نوع شهادتك قلت دبلوم قالت طيب من سبتمبر 2006 الى
ألحين وش سويت قلت أنا موظف من شهر5 2007 قالت طيب من 2006 الى 2007 لك 8شهور وش سويت فيها
قلت لها أنا جاني القبول حق الشركه في شهر 3. سكتت شوي وقالت بإستغراب أنت طالع على حسابك أنت!!
شلون تصرف على نفسك قلت أنا مجمع مبلغ بيكفيني مدة بعدين بحول على حساب الحكومه
سألتني قالت وش معنى ما عندك الا سفرة وحده ومن وقديمه بعد قلت هذي سفرة مع الوالد الله يرحمه و إحنا
بالعادة سفراتنا داخل للطايف وأبها
قالت في أي جامعه بتدرس قلت لها أسم الجاعه(اللي تحت في توقيعي) قالت أوكي وأنتظرت على أحرمن الجمر
ألين قالت لها كم كلمة للسودانية وألتفتت علي السودانية وقالت لي......................
مبروك القنصل وافقت على تأشيرتك وهي تبتسم هي والقنصل وقالت أدفع رسوم الفيديكس وأسبوعين ثلاثه وتجيك
الفيزا قلت لهم شكرا و أروح للفديكس وكان فيه ناس جالسين شافوني وأنا جايهم من القنصل كلهم عرفوا أن
القنصل وافق على التأشيرة من الإبتسامه اللي شاقه وجهي
دفعت الرسوم الساعه11ص بتاريخ 1/سبتمبر...وجاني أتصال قبل شوي الساعه11ص بتاريخ 8/سبتمبر من
فيديكس يقولون جوازك عندنا
وأجيهم طيران وأشق الكيس وأقلب صفحات الجواز و ألقى الفيزا وأقرا التواريخ ولقيتها خمس سنوات
الحمدلله على كل شي الحمدلله أولا وأخيرا الحمدلله قبل كل شي والحمدلله بعد كل شي حمدا يليق بجلال وجهه
و عظيم سلطانه
و دراستي في 14 أكتوبر بعد شهر أدعوا لي بالتوفيق
ومن لا يشكر الناس لا يشكر الله. أحب أشكر منتدى مبتعث و جميع أعضاءة على كل المعلومات وعلى كل مساعدة
قدموها لي واللي بفضل من الله ثم منهم خلصت أوراقي الجامعية والقبولات وأوراق التأشيرة.
وأنا هنا أعرض المساعدة للمنتدى وأعضاءة وأي إستفسارات أو أسئلة أنا حاضر*