ضاقت فلما أستحكمت حلقاتها / فرجت وكنت أضنها لا تفرج

الله يسر امورك ان كانت خير لك في دينك ومالك ومعيشتك واهل

الفـ الفـ مبرووك يآ عسل ،،

و طمنآ ايش سآر معآك بالضبط .!!

الحمد الله بشرنا ايش صار معك
بالتوفيق

الحمدلله الحمدلله..

الف الف الف مليووووووون مبروووووووووووووووووووووووووووووووووك
تستاهل والله اني صادق و الله انك تستاهل قلت لك توكل على ربك و هو اللي بيوفقك
و اللي مثلك هو اللي يستاهل اللي ما ييأس.

يالله وش قالوا لك بالضبط ترا انا على احر من الجمر

مبرووووك وعقبال ماتوصلك الفيزا

بس اخوي ماقلت لنا شنو سبب الرفض وش اللي سويته في المقابلة الثانية علشان تعدي علشان تفيد اخوانك

الف مبروووووووووووك اخوي

وان شاءاللة تكون بعثة خير عليك

مبرووووووووووووووووووووووووووووك الف مليون تريليون مبروك الاسبوع دا الشباب كلهم اجتازو المقابلة الحمد لله على كل حال

الله يبارك فيكم جميع ويجزاكم كل خير

واللي صار اني انرفضت المره الاولى وطحت لي في واحد ماعطاني مجال اتكلم ولا اوضح له وضعي عشان عندي سجلين اكاديميين واحد في جامعه الملك سعود وواحد في الجامعه العربيه قبل شهاده الدبلوم اللي اخذتها من معهد الاداره.

المهم مالكم فالطويله الموعد كان الساعه 10 والساعه ثمان وانا مشخص وماسك سرا صح انه حر بس ماعليه ودخلت تقريبا الباب الساعه 9.20 وبعدها اخذت رقم وانتظرت عشان تدقيق الاوراق وجلست يمكن ساعه وددقوا الاوراق وعطوني الرقم وقالوا انتظر وبعدها جا رقمي وبصمت وانتظرت المقابله المهم يوم جت الساعه 1.45 الا كونتر 12 يشر عليه رقمي قلت يالله انك تسهلها وتفرجها واول ماجيت لقيته يقلب في الاوراق الاوراق نفس كل شي لكن اضفت شهاده خبره من مؤسسه لمده سنتين من يوم تخرجت من الثانوي لقبل دخولي المعهد وحصولي على الدبلوم بشهر تقريبا.

ونصيحتي اي واحد درس قبل لايحاول يجيب السجلات الاكاديميه اذا هو اول مره يحاول يجيب اي ورقه خبره رساله وختم بسيطه.

لكني حذفت هو مو محذوف مسجل في المنوذج بس ما ارفقته مع الاوراق واحد من السجلات الاكاديميه حق جامعه الملك سعود لان الدرجات فيه ميح .

ابد واول قال خذ السماعه قال لي كنت هنا قبل اسبوعين قلت اي نعم قال وش صار وليه انرفضت قلت السالفه كذا وكذا واني طحت لي في واحد حتى ماعطاني مجال اتكلم قال طيب تكلم وش سويت بعد الثانوي وعلمته بعدين قلت ترى الايتوني انتهى امس من خويك ههههه واطلبت واحد جديد وهذا الايميل اللي طلبت فيه قال مو مشكله وقال من اللي بيدفع المصاريف قلت انا قال اكيد قلت ايه وانا المهم ويطقطق قال هات جوازك القديم قلت خذ وشوي لاهو جايب لي ورقه زرقا قال لي يور ار ابروفد بس بتاخذ شوي وقت لاتشيل هم شيك عالموقع ومتى ماكتملت اوراقك ارسلها قلت اصلا ماتفرق لان دراتس ماتبدا الا بدايه السنه الجديده .

وهذا اللي صار والحمد لله الواحد يحاول مره ومرتين وثلاث ولا ييأس وعسى الله يوفق الجميع

اشكركم جميعا لاهتمامكم وصلي الله وسلم على نبينا محمد