حوار مقابلتي مع القنصل الخال بالظهران اقصها لكم.

November 12th, 2009, 09:16 PM

هاي ايفري ون
اقص لكم قصتي مع القنصل الخال بالظهران
باختصار دخلت القنصلية واخذت الرقم وانتظرت لين مايقابلني الخال خخخخخخخ القنصل
المهم نادى برقمي وجيت له قلت هاي مو عاطنا وجه الخال مايرد طيب جود مورينج هههههههه حاقر
خش بالموضوع على طول ليش بتدرس في امريكا خخخخخخ قلت له دراسه قال وين سافرت
واحسه محمق وماله خلق المهم قلت له اني سافرت كل الدول المحظوره ودخلت في سين وجيم
المهم اقنتعته اني رايح لغرض سياحة واقتنع المهم قال ويش الي يضمن انك ماترجع السعوديه عاد الوهقه
قلت له كشف الحساب شوفه وعايلتي كلهم هنا المهم بلع حلقه جا الى شي اكبر قال ليش الضمان المالي فيه اكثر من المطلوب فوق بالمئه فوق آلف وشوي دولار $ ينطح دولار يقول ليش هذا المبلغ اكيد مخطط لشي غير الدراسة عاد انا فكرت وفكرت ههههههه وجلس حط بوجهه بوجهي شوي ويرنفع ضغطه وراسه يعوره ويحط ايده فوق راسه ههههه عاد انا ماعرفت وش ارد عليه اخر شي قلت له هذا الي عندي وش اسوي انقص المبلغ المهم رمى علي كشف الحساب يجس النبض حقي ههههههههه عاد جلس يقول باللغه العربية الفصحه انت لا تريد ان تجاوب على الاسئله كانه يحقق معاي يرد ويعيد في الجمله
لين مااقنتعه وقال اوكي اوكي
المهم جا الى شي اكبر وهو تغيير التخصص من طبي الى هندسي
قال ليش تبغي تغير تخصصك ودرجاتك بالسجل عالية
عاد هنا الوهقه هههههه الكبرى قلت له صار لي سنه ادور على وظيفه مالقيت قالي ليش جالس سنه ووين رحت ووين جيت وين سافرت عاد الى سؤال السفرات مااقتنع بالسنه الي جالس عاطل فيها قلت له ادور وظيفه مالقيت وغصب عني درسته وطموحي هندسة .
سكت الخال ومد راسه لي محمر وجهه انت لاتريد تجاوب على الاسئله قام رفع الجواز متحير يقص الكرت حق فديكس
اخر شي احس اني تعبته كثير بالمقابله والمقابله طولت كثير كثير قال يلا روح سدد وراح يجيك على الفيدكس اهم شي فكنا ههههه عاد المقابلة كانت عربي وانجليزي يكلمني عربي وارده انجليزي ويكلمني انجليزي وارد له عربي هههههه
واحس اني مرفوض خلاص 100% حسيت انهم تساهيل مو مثل الرياض وجدة
وماشفت احد ابد رفضوه
وعطاني خمس سنوات والايتونتي سنه وفي اسبوع ولاني قلت له بكمل دراستي بعد اللغة
وقال شكرا شكرا ولكم تو امريكا
وهذي كل قصتي

• نشر عبر تويتر
• نشر عبر فيسبوك
• نشر عبر جوجل