استفسار أفضل رحلة (الرياض-واشنطن) على أي خطوط ؟؟؟

اي اخوي في على الخطوط السعوديه من جده او الرياض الى واشنطن رحلتين في الاسبوع
اخوك

يعطيك العافية اخوي انا عارف انه فيه على الخطوط السعودية
بس انا سؤالي وش افضل خطوط من ناحية الراحة ووسع المقاعد ونظام الرحلة ترانزيت ولا دايركت؟؟
شاكر لك على المرور , وبانتظار البقية . .

بشكل عام ما في فرق كبير بين أغلب الخطوط من الراحه و وسع المقاعد، يمكن اللوفتهانزا و البرتش تتميز عن الخطوط السعوديه بأن فيها تشكيلة افلام أكبر و أحدث
بما انك جاي على واشنطن شخصيا لو كنت مكانك راح افضل الخطوط السعوديه لأنها دايركت يعني ما تضيع اربع ولا خمسه ساعات ترانزيت و حوسه و لخبطه في البوابات او الصالات ، و ماراح تواجه مشكله في ضياع الشنط، لأنه في الترانزيت مع تغيير الطيارات ممكن تصير لخبطه في الشنط
و غير كذا في الاوقات اللي ماهي مواسم (الصيف و الكريسمس) غالبا راح تكون الطياره الفاضيه و تقدر تاخذ كم مقعد جنبك و ترتاح في النوم
اتمنى اني اكون افدتك اخوي و بالتوفيق

يعطيك العافية اخوي انت فعلا افدتني بس فيه ناس يمدحون القطرية والاماراتية مدري عنهم بصراحة

أخوي خليك على السعودية أنا ركبت عليها سياحي مع زوجي قبل شهر و كانت ما شاء الله ممتازة لأبعد الحدود و هذا الوقت مو مرررره زحمة يعني تقدر تنام بالكراسي اللي في الوسط!
الاماراتية و القطرية كمان ممتازة بس ليش الهجولة؟؟!

يعطيك العافية اختي , الهجولة والله اذا رحت على خطوط اجنبية
يا ليت الاخوان اللي جربوا الامارتية او القطرية يفيدوننا عنها

اخوي مالك الا السعوديه لان فيه دايركت على واشنطن وموظف الملحقيه يستقبل رحلات الخطوط السعوديه والطلاب المبعثين ويوديهم عالفندق وبعدين عالملحقيه عشان تفتح ملف
اما الخطوط الثانيه لا رح تركب تكسي وتدفع من جيبك
اخوك

خليك على الخطوط السعودية افضلك دايركت على واشنطن وانتهينا