خطواتي الكامله في سفارة الرياض اليوم_17 نوفمبر

November 17th, 2009, 02:44 PM

اخواني الاعزاء اليوم كان موعدي في السفاره الامريكيه بالرياض في الساعه 8:30 ...
مشيت من البيت في الساعه السابعه تماماً ووصلت تقريباً 7:35 واول ماوصلت لقيت قبلي يمكن 20 شخص....
بدا الموظف ينادي بالموعد؛؛ مثلاً اول شي اللي موعدهم الساعه 7:30 بعدين اللي 8 وتقريباً الساعه 8:05
نادوا اللي موعدهم 8:30 يشيك موظف لبناني حبوب جداً على ورقة الموعد -وصل التسديد-صوره شخصيه.
تروح لشباك وتسلم جوالك ومفتاحك اذا كانت معك ،،بعدين دخلنا الصاله ويعطيك السكيورتي رقم زي اللي في البنك
وكان العدد متوسط وكل ماله في ازدياد وجلست حتى جاء رقمي تقريباً بعد ساعه رحت للكونتر 3 وشكل الموظف
هندي....طلب مني صوره لجواز السفر وصوره I 20 وصوره شخصيه وكشف حساب او شهاده بنكيه(بعد ما عطيته ورقة الشهاده جيت ابغى اعطيه الكشف قال خلاص no need ) والنماذج 156-157-158 وورقة السيفس...
بعدين انتظرت تقريباً نصف ساعه ورحت بصمت....ثم انتظرت حتى جاء رقمي عند الشباك 11 عند وحده طيبه
جداً ومبتسمه ,والاسئله كانت : كيف حالك -انجليزي او عربي انت كويس؟قلت عربي (بدون مترجم)
متى تخرجت من الجامعه؟ -رايح تدرس لغه؟ نعم وبعدين ادخل الجامعه-رايح تدرس ماستر؟لا بكالوريوس
انا معي دبلوم وراح اكمل البكالوريوس-تعرف احد في امريكا؟لا-انت متزوج؟لا-مين يصرف عليك؟ انا موظف
واستطيع اصرف على نفسي-هذا المبلغ من فين؟من فلوسي وفلوس اخي-وين يشتغل اخوك؟-تبع اي وزاره؟-انت تشتغل في مستشفى؟لا medical center -ايش تشتغل ؟ .........
...لاتفكرون الاسئله كثيره، هذا لانها مكتوبه وكانت المقابله وسط ابتسامات منها وطيبه عاليه.وبعدين قالت
التأشيره مقبوله وراح تصلك بعد العيد وعطتني ورقه للفيديكس وقالت شكراً.رحت سددت الفيديكس وكان هذا تقريباً
الساعه 11:15 ...

• نشر عبر تويتر
• نشر عبر فيسبوك
• نشر عبر جوجل