سؤال للي سوو مقابلة في السفارة؟؟؟

يغني عدتا يشوفو اسمك عندهم بس بعض الشباب ماشافوا اسمائهم
والأفضل انك تجيب الهم رقم الجدول الي انرسل اسمك فيه
من الوزارة وتكون انت في السليم

عزيزي انا يوم المقابلة سألني نين راح يتكفل بمصاريف دراستك , قلت له الوزارة قال اعطيني اثبات , واعطيته ورقة التدقيق شافها ورجعها وقالي اوكي روح سدد الفيديكس .
ورقة التدقيق تغني

انا رحت طبعا بجده اعطيتها ورقة التدقيق بس مانفع اعطتني الورقه الصفراء عشان الضمان

عزيزي , كاتبين لك الاوراق الي يبونها
ليش ماتبي تجيبها .؟

متوقع يعطونك ورقه صفراء بدرجه كبيره ,, لان اوراقك ناقصه ,

لا تقعد تدخل نفسك في متاهات مالها اول ولا تالي ,

جب اوراقك كامله والي ياخذونه ياخذونه والي مايبونه بكيفهم

اهم شي يعطوني تأشيره ,

نصيحتي جب كل شي معك وش انت خسران

اخوي مجازف
الظاهر انت عندك عقده من الاسئلة

انا بس حاب استفيد من الناس اللي قبلي

وما خاب من استشار

انا اليوم سويت المقابله والحمد لله

كنت شايله هم الضمان المالي

لكن الحمد لله الله سهلها

سألني مين راح يتكفل بمصاريف الدراسه وجاوبته انها وزارة التعليم العالي وطلب اثبات وعطيته ورقة التدقيق ومشاني

هذا بالنسبة لسفارة الرياض بس ماادري عن جده والظهران

بالتوفيق

يا شباب سفاره الرياض ادا كنت على برنامج الابتعاث فما يطلب منك شي
انا سالني قال لي من بيدفع التكاليف قلت له الوزاره قال دات از قووود
وخلص اوراقي واخد جوازي وعطاني ورقه صفراااء بس مو معناتها ان في شي ناقص
ودفعت رسوم الفيدكس وقال لي ان الجواز بيوصلك من اسبوع الى ثلاثه
لا تخاف اخي لان انا راسلت الوزاره وقالو لي نفس الكلام روح وكلشي هناك اوكي وادا تبي تتاكد راسل وارسل رقم الطلب وبياناتك واشرح السالفه بترد عليك بنفس اليوم (تم حذف الإيميل لأن عرضه مخالف لشروط المنتدى)

انا رحت السبت الماضي
لا طلب خطاب ضمان مالي ولا شي الحمد لله
فقط سالني من يصرف عليك قلت له وزارة التعليم العالي
قال اوكي
وسددت الفيدوكس بورقة خضرا وسلام عليكم

انا كنت بسفارة جدة واخدت ورقه صفرا مافاد ولاشي لاورقة تدقيق ولا غيرو بس هما ترا عندهم الاسامي في ناس اساميهم مابتكون موجودة زي مثلا
لكن انشالله ماتطول الفيزا عندهم ولا شي انا الحمدلله من بعد مارسلت لهم الجواز اسبوع بالزبط وفيدكس متصلين عليا وصلهم الاحد الاحد اللي بعدو وصلت الجوازات يعني لاتشيلو هم
اتوكلو على الله وربي يوفق