مبتعث مجتهد Senior Member
الولايات المتحدة الأمريكية
GH.GH , أنثى. مبتعث مجتهد Senior Member. من السعودية
, مبتعث فى الولايات المتحدة الأمريكية
, تخصصى Accounting
, بجامعة KAAU
- Charlotte, North Carolina
- السعودية
- Dec 2008
المزيدl February 8th, 2010, 04:01 PM
February 8th, 2010, 04:01 PM
السلام عليكم 
اليوم كانت مقابلتي فقنصلية جدة
موعدي كان الساعة 10 وصلت القنصلية الساعة 10 إلا ربع تقريبًا
يشيكو على موعدك تدخل يفتشوك وياخد الشنطة او أي شي معاك غير الورق ويعطوك رقم كان رقمي 39 آخر رقم من يلي كانو جالسين 
وبس تطلطع لطعة لين يجي رقمك
تروح تسلم الاوراق مااخدو مني غير ورقة تأكيد نموذج 160 وأصل الآيتوني ورسوم سامبا بس وقالتلي ليش ماكتبتي اسمك بالكامل قلتلها هم خانتين بس للاسم الأول واسم العائلة قالتلي كان كتبتي مع اسمك اسم أبوكي سألتني مين حيسافر معاكي ؟؟ قلتلها بابا قدم عالفيزا ؟؟ قلتلها لا عندو فيزا خلاص 
ومااخدت صورتي بعدين نادتني تاني قالتلي هاتي صورتك ورجعت جلست تاني بس بعدين نادوني عشان البصمة اللبنانية يلي تبصم اخلاقها فخشمها تتنرفز من اي شي وطول محنا جالسين وهيا تصرخ فيلي بيبصمو وتعيد وحايييسة الحمدلله بصمت سريع من اول مرة ورجعت جلست
بعدين اتطلطعت
اتلطعت
اتلطعت
بدأو يدخلو الاجانب يلي جايين يخلصو اوراق فالسفارة ارقامهم غيرنا حتى ومافضل بنت غيري :S
وبرضو
اتلطعت
واتلطعت
كانو في شباكين يسوو المقابلة وحدة حرمة وواحد رجال امريكي
الحرمة خلصت من يلي عندها قلت دحين حتناديني الا لقيتها قفلت نور الشباك حقها وشكلها راحت
واتلطعت كمان
لانو كان في قبلي بنت شكلو مع زوجها يلي عرفتو انهم على حسابهم ومررة حاسو فالمقابلة مع الرجال الأمريكي مدري ايش مشكلتهم كانت بس مرة طولو حق نص ساعة يمكن
بس خلصو نادا عليا
سألني دي الأسئلة بالزبط
طبعًا المقابلة كانت بالانجلش لانو مايعرف عربي
رايحة تدرسي ؟؟ ايوة
معاكي الكاس نمبر؟ ايوة واعطيتو هوا وششاف اسمي ولقاه الحمدلله
رايحة جامعة كوين ؟؟ قلتله لا رايحة معهد ELS بس هوا فالكامبس حق جامعة كوين
انتي رايحة تدرسي اللغة وبعد اللغة؟؟ حكمل ماجستير مالية ان شاء الله
مين فلانة الفلانية؟؟ اختي (سألني عنها لاني كاتبة انها فأمريكا)
انتي طلعتي فيزة سياحة , رحتي أمريكا ؟ لأ
ليش؟ كنت حابة ازور اختي بس مااخدت اجازة من الشغل
ايش شغلك؟؟ محاسبة
فأي شركة ؟؟ شركة ...... (وماطلب لا تعريف ولا شي ولاسألني متى حتستقيلي اصلا)
انتي رايحة تدرسي عند اختك؟؟ لأ , اختي فبوسطن (قبولي فشارلوت نورث كارولينا)
بس الاسئلة هنا شكلها طويل بس مقابلتي مااخدت 5 دقايق على بعضها
واعطاني الآي توني الأصلي وجزء من الورقة الزهري يلي دبس الجزء التاني منها فجوازي يلي اخدو وقلي روحي ادفعي الفيدكس وبس
ماسألني ولا شي عن الدراسة السابقة ولا شاف شهاداتي ولا شي
حتى السيفيس ماسألو عنه بس اعتقد عندهم يبان اذا مسدد خلاص ولا لأ
هادي كل المقابلة كانت سهالة الحمدلله لولا اللطعة بس يلي اوراقو كاملة وكل شي تمام ماياخد وقت
بس حتتلطعو عشان الناس يلي حاسو شوية قبلكم وبس
دفعت الفيديكس 65 ريال وخرجت من القنصلية الساعة 2 والحمدلله هادا كل يلي صار فالمقابلة
لا تشيلو هم ولا شي اتأكدو انو اوراقكم تمام وكل شي حيعدي سهالة ان شاء الله
*** اليوم 2 مارس 2010 وصلت الفيزا الحمدلله بس مااستلمتها من فيديكس لسا ان شاء الله تكون سليمة بدون أغلاط بالتوفيق للجميع يارب
الله يوفقك ويوفق الجميييع
Mo0o0oN February 8th, 2010, 04:11 PM
7 " كاني شفتك انتي كنت مع مين؟
dr-lolo February 8th, 2010, 04:23 PM
7 " غراس
الحمد لله عدت المقابلة بسلام
يلا عقبال فيزة 5 سنين يارب
M!ss Soso February 8th, 2010, 05:55 PM
7 " آميييييييييييين يااااااااااااااااااااااارب
GH.GH February 8th, 2010, 06:18 PM
7 " انا اللي كنت قاعدة وراكي لما سلمتي على صحبتك
يا انا فطست على اللبنانية العجوووووووزة هذي
و الله تحفة موتتني ضحك من عصبيتها
طيب جيبوا وحدة شباب تفتح النفس و ما تنافخ ؟؟
جهازهم فيه مشكلة و اللبنانية عجوزة .... كملت و الله
انا كركرت لين ما دمعت عيني منها ..
يالله عقبال الخمس سنوااااااااااات
amay February 8th, 2010, 08:41 PM
7 " عفوا ليش رسوم السيفيس 65 مو المبلغ 200$
dr-lolo February 9th, 2010, 02:08 AM
7 " 
LinkBack URL
About LinkBacks
February 8th, 2010, 04:01 PM
وقالتلي ليش ماكتبتي اسمك بالكامل قلتلها هم خانتين بس للاسم الأول واسم العائلة قالتلي كان كتبتي مع اسمك اسم أبوكي
سألتني مين حيسافر معاكي ؟؟ قلتلها بابا
قدم عالفيزا ؟؟ قلتلها لا عندو فيزا خلاص
الحرمة خلصت من يلي عندها قلت دحين حتناديني الا لقيتها قفلت نور الشباك حقها وشكلها راحت
ليش؟ كنت حابة ازور اختي بس مااخدت اجازة من الشغل