To be in the save side!! what can i do..

سبحان الله...نفس أسئلتي..
بس شي انا متأكده منو انو حيطلبو كشف الحساب عشان السنة الماضيه قدمنا على فيزا سياحية وطلبو كشف حساب زوجي مع انو جايب تعريف بالراتب...ف الأفضل انو الحساب يكون فيه فلوس ويكون شغال كويس...
بالنسبة للأسئلة التانية مدري والله بس على قولتك انو تو بي ان ذا سيف سايد يقول انو متوظف وحيستقيل يعني الحقيقة عرفتي وافضل يجيب تعريف بالراتب عشان يعرفو انو متمكن... احنا كده حنسوي ان شاء الله بس يا ليت نشوف الأخوان والأخوات ايش عملو؟؟؟
وشكرا لطرحك الموضوع

مرحبا arroori

تسلميلي يارب على المرور..

طيب ما اعرف دحين حسابو شغال تمام بس المبالغ الي فيه تتراوح 15 و10 الاف ,

وبعدين بابتو حولو 50 الف.. اخاف يقلولو زي ما قالو لغيرو من اين لك هذا؟؟؟؟

اتمنى من اخواني الاعزاء افادتنا اكتر في دا الموضوع

بالنسبه للوظيفه خليييه يقووول الحقيقه ، لأنو بضغطة زر من عندهم يجيبو سيرة حياتك كااااااااااااااااااامله ، وأصلا من قبل ماتروحيلهم و هما عندهم بياناتك ، فمرررا لا تحاولو تلفو وتدورو ، خليه يبنلو الوضع ، إنو هوا موظف و رح يستقيل عشان يسافر معاكي كمحرم ، بس ينتظر التأشيره تطلع عشان ما تضيع عليه الوظيفه ..

عاشقة التعليم..

على قولك شكلو هوا دا الي حسوي..

وبرضو في بعض التوضيحات الي احتاجها من اعضاء المنتدى

خليه يعمل مثل ماعملت انا
1- لازم يكتب انه موظف وتكتب عمله. لانه لو كان عاطل ممكن مارااح يعطوه فيزا لانهم يتوقعوا انه يفكر بالهجره.
2- ياتي بورقة تعريف من العمل يوضح فيها راتبه وعمله ومركزه وبداية التحاقه بالعمل،
3- كشف حساب لاخر 3 شهور عشان يعرفوا انه ينزله راتب ولو يكون فيه مبلغ يكون افضل.
4- الشهادة البنكيه بالرغم انها مايطلبونها وغير مذكوره بالموقع بتاتا. احطياطا.
5- اذا كان مقدم على فيزا f1 يعني يبغى يدرس لازم يكون معاه I-20 واذا كان على حسابه الخاص ويكون المبلغ يغطي تكاليف الدراسه. واذا ساله من فين لك المبلغ يقوله هذا انا ادخره save up- لايقول انا اخذنه من احد انتبه-
6- جواز ساري المفعول- المدة على الانتهاء لاتقل عن 6 اشهر. وصوره منه.
7- جوازاته السابقه.
8- اكتب في الموقع فقط السفريات الي سافرها في 5 سنوت السابقه. ممكن يسؤله فين سفرت يذكرها فقط ويمكن يساله ايش شفت
وكيف كان البلد ويش زرت فيها خليه يجهز اجابات حلوة ومختصره مثلا عن اسماء الاماكن الاثريه والمشهوره وغيرها واذا انت سافرت معه ممكن يقول قضينا شهر العسل.
9- الشهادة وكشف الدرجات لاخر مؤهل وممكن يطلبوا كمان شهادة الثانوي. صور شخصيه 5x5 خلفيه بيضاء.

ملاحظه:
1- الاوراق كلها تكون بالانجليزي. يعني الي بالعربي تترجمينها.
2- مراح يسؤلونه هل بيستقيل من العمل اوغيره اهم شئ يكون على راس العمل واذا سؤله كيف بتسافر وانت تعمل يقوله اباخذ اجازة مدة الدراسة بدون راتب. لانهم يعتقدون ان العمل هو الي يربط الشخص بدولته ويخليه يرجع ومايفكر بالهجره.
3- اذا كان عندك اولاد مهما كانت اعمارهم راح يكون لكل واحد مهم I-20 تحصلينه مع I-20 حقك تحطينها بجواز كل واحد منهم.

هذا الي عندي واكيد انت تعرفيها كلها حبيت اذكرك فقط وعشان يطمأن قلبك لاغير.

ترى الامور مره سهله بس اهم شئ لايرتبك ويكون مبتسم ويخلي الوضع عايدي ويجوب على قد السؤال لا يطول
ويسوي نفسه فاهم ويتفلسف.

الله يوفقكم ويسهل اموركم.

لا تخافي من مسألة المرافق
ما في احد كان خايف مثلي انا مرافق وسبق ان سافرت لاحد الدول المغضوب عليها ست مرات اليمن
وطبعا انا موظف وجبت تعريف وكل الاوراق كانت معي
سألني فقط عن اليمن كم مرة رحت وليش رحت وكم جلست هناك
وما طلبوا مني اي شيء غير برنت من الجوازات لان ما كان عندي الجواز القديم
اخذوا الجواز والاي تونتي والدي سي 160 فقط لا غير
ولا سألني عن العمل وا خلافه
بالنسبة لكشف الحساب انا طالع على f2 فما اتوقع انه مطلوب مني مع اني جبته معايه
فلا تخافي ابدا واعطيهم الصدق
انا ارتبكت يوم سألني عن اليمن وعلمته الصدق وقال تأشيرتك مقبولة

احنا نفس الوضع..الحساب يتعبى وقت الراتب بس ونهاية الشهر يصفر لووول...فحطيت فلوسي على فلوس جوزي ومن بابتو كم الف وحطها في حسابو من دحين عشان ما يصير المبلغ فجأة اتحط...فحاولي لو بابت جوزك يخليها في الحساب اطول وقت قبل ما تطلعو كشف الحساب عشان تبان انو هوا مجمعها مو ايداع فجأة...عشان في حالة الايداع المفاجئ اللي قبل كشف الحساب اكيد حيسألو من اين لك هذا على قولك
مدري انا هذي فكرتي وان شاء الله ربي يسهلنا...لسا موعدنا في ابريل ان شاء الله...

وشكرا الأخوان على التوضيح

SuPeRLaRk

يعطيك العافية اخوي بالعكس ..مره استفدت من خبرتك..

لسى خايفة من كشف الحساب ..( بس شكلو لازم نطلعوا)

ربنا يسهلها على الجميع..

مرحبا ابو سمر ..

تسلم يارب على النصيحة ..

وبالنسبة للسفر انا سافرت سوريا..وعندي جوازي القديم ما يحتاج اطلع برنت من الجوازات صح؟؟

.. ربي يسهلها يارب