March 3rd, 2010, 07:25 PM
السلام عليكم ,
السالفة ومافيها كان موعدي اليوم الساعة 7:30 ,
مشيت من البيت بدري يعني الساعة 6:30 وأنا موقف في مواقف السفارة ومافيه احد إلا كم سيارة ,
وما بغيت انزل أول واحد فيه شرطة ورشاشات الرشاش الواحد أطول مني
,
شفت واحد راح قلت بأصبر شوي , ثم شفت ثنين راحوا لم مبنى السفارة قلت يالله الحين أروح ,
ماخذت معي غير 65 ريال حقت فيدكس والأوراق تبع السفارة ومقتاح السيارة , والباقي خليته بالسيارة ,
جلسنا وكنا 4 , شوي بدوا يجون الناس يوم جاء الأسمر الي يرتب الأوراق وألتفت ورى إلا خلق الله جايين ’,
رتب الزول الأوراق , إذا وصلته بس جهز صورة من الـ I-20 وليس الأصل ,ووصل تسديد رسوم الجواز و ورقة التأكيد الي يرسلونها على الإيميل , وجوازك , و ورقة الموعد ,
هو بيدبس لك نسخة الـ I-20 مع ورقة التأكيد مع بعض ويحط معها وصل التسديد ويجمعهم ويحطهم داخل جوازك ,
قبل لا تدخل بيكون فيه شباك بيسألك معك جوال أو ريمون سيارة أو أي شي اكتروني , بيتخذه منك ويحطه في ظرف ويعطيك الظرف
ثم يفتح لك الباب إذا فتحه تلقى تفتيش تعطيه الظرف وتحط اي شي معك في شي مثل الصندوق عشان يمرره على جهاز ,
وأنت تدخل مع جهاز كشف معادن , ثم تاخذ أوراقك وتخش للسفارة , طبعاً , أول ما تطلع من باب التفتيش لساحة السفارة
لا تتخرع بتشوف واحد واقف معه رشاش ما شفت زيه , خرشني ابن اللذينا ههههههههههههههههههههههه
إذا طلعت من باب التفتيش بتشوف الباب الي يدخلك على مبنى السفارة على حجاجك الأيسر <-- بدينا سوالف شيبان ,
تدخل للمبنى بيقابلك هندي بيعطيك رقم لا ترمي الرقم لأنه هو رقمك لين تطلع من السفارة ثم يجلسك في غرفة على
كرسي والغرفة فيها شبابيك , إذا نادوا رقمك , تروح لهم وبتاخذ منك الجواز والأوراق الي فيه الي رتبها لك السوداني
بتسألك كم سؤال سافرت لأمريكا قبل وهل سافرت برى المملكة ومن هيك يعني , بعدها بتلف لك الأوراق على الجواز وتربطها بمغاط ,
خلنتي أوقع على الجواز فيه مكان لتوقيع صاحب الجواز ,
وترجع تنتظر المقابلة , قابلني واحد امريكي حبوب صراحة , أول شي قال وش تبي عربي أو انجلش , الصراحة أنا
اعرف اتكلم , بس لو قلت انجلش بيقول وش رايح تسوي هناك لأن مكتوب عنده اي رايح دورة لغة , فقلت لا عربي ,
سألني اسئلة عاديه وكنت متخوف داخلي لأنه أول مره , وش رايح تسوي هناك تدرس بكالوريوس ؟ قلت لا دورة لغة ,
قال يالله بصم أصبع واحد , قلت طيب , وأبصم ثم سألني من بيدفع تكاليف الروحه ؟ قلت أبوي قال وين يشتغل , قلت مشرف تربوي ,
وين ؟ بوزارة التربية والتعليم , رجع يكتب بعض الأشياء بالكمبيوتر ثم قال التأشيرة مقبولة توصلك خلال اسبوعين أو ثلاثه , ألحين رح سدد رسوم فيدكس ,
ابتسمت صراحة , قال لي , You are smiling قلت ايه لأن الفيزا مقبوله , ضحك وقلت شكراً ومشيت ,
ثم ناظرن يدي والملف الي كبر ابليس , حاط فيه شهادة بنكية وصور منها وكشف حساب 3 شهور وخطاب المعهد وكل الأوراق المتوقعة , ولا خذا منها ولا ورقة ! ختى ورقة تسديد السيفس ما خذاها مني !
ما خذا مني الا الي عطتني الي على الشباك الأول !
وأحب أقول لكم ترى تساهيل السفارة , مافيه تعقيدولا شي , ومب كلامي يعني لا تجيبون الأوراق كلها , جيبوها بس بدون ربكة , لأن مكن يطلبها وممكن لأ ,
وبالتوفيق لكم , وشكراً لكل من أهداني معلومه أفادتني ونفعتني , كل الشكر لكم ,
طوبة ,
---------- إضافة 4 مارش 2010
الي يضيع الورقة الي عليها البار كود بيحصلها بإيميلة وهذي الطريقة ,
الي بتحتاجه رساله وحده مكتوب في العنوان كذا , /
قبل تفتح الرسالة تأكد أن عندك برنامج بقرأ ملفات pdf , إذا فتحت الرسالة بتحصل فيها ملف مرفق ,
اضغط عليه , مربع للحفظ , طبعاً اختر حفظ ,
ثم , بعد الحفظ اختر فتح ,
إذا فتحتها بتجيك زي كذا ,
أهم شي عندك في الورقة البار كود , لا تسفط الورقة فيخرب البار كود ثم يرجعونك تطبعه من جديد ,
طوبة ,
LinkBack URL
About LinkBacks
March 3rd, 2010, 07:25 PM
السلام عليكم ,السالفة ومافيها كان موعدي اليوم الساعة 7:30 ,
مشيت من البيت بدري يعني الساعة 6:30 وأنا موقف في مواقف السفارة ومافيه احد إلا كم سيارة ,
وما بغيت انزل أول واحد فيه شرطة ورشاشات الرشاش الواحد أطول مني
شفت واحد راح قلت بأصبر شوي , ثم شفت ثنين راحوا لم مبنى السفارة قلت يالله الحين أروح ,
ماخذت معي غير 65 ريال حقت فيدكس والأوراق تبع السفارة ومقتاح السيارة , والباقي خليته بالسيارة ,
جلسنا وكنا 4 , شوي بدوا يجون الناس يوم جاء الأسمر الي يرتب الأوراق وألتفت ورى إلا خلق الله جايين ’,
رتب الزول الأوراق , إذا وصلته بس جهز صورة من الـ I-20 وليس الأصل ,ووصل تسديد رسوم الجواز و ورقة التأكيد الي يرسلونها على الإيميل , وجوازك , و ورقة الموعد ,
هو بيدبس لك نسخة الـ I-20 مع ورقة التأكيد مع بعض ويحط معها وصل التسديد ويجمعهم ويحطهم داخل جوازك ,
قبل لا تدخل بيكون فيه شباك بيسألك معك جوال أو ريمون سيارة أو أي شي اكتروني , بيتخذه منك ويحطه في ظرف ويعطيك الظرف
ثم يفتح لك الباب إذا فتحه تلقى تفتيش تعطيه الظرف وتحط اي شي معك في شي مثل الصندوق عشان يمرره على جهاز ,
وأنت تدخل مع جهاز كشف معادن , ثم تاخذ أوراقك وتخش للسفارة , طبعاً , أول ما تطلع من باب التفتيش لساحة السفارة
لا تتخرع بتشوف واحد واقف معه رشاش ما شفت زيه , خرشني ابن اللذينا ههههههههههههههههههههههه
إذا طلعت من باب التفتيش بتشوف الباب الي يدخلك على مبنى السفارة على حجاجك الأيسر <-- بدينا سوالف شيبان ,
تدخل للمبنى بيقابلك هندي بيعطيك رقم لا ترمي الرقم لأنه هو رقمك لين تطلع من السفارة ثم يجلسك في غرفة على
كرسي والغرفة فيها شبابيك , إذا نادوا رقمك , تروح لهم وبتاخذ منك الجواز والأوراق الي فيه الي رتبها لك السوداني
بتسألك كم سؤال سافرت لأمريكا قبل وهل سافرت برى المملكة ومن هيك يعني , بعدها بتلف لك الأوراق على الجواز وتربطها بمغاط ,
خلنتي أوقع على الجواز فيه مكان لتوقيع صاحب الجواز ,
وترجع تنتظر المقابلة , قابلني واحد امريكي حبوب صراحة , أول شي قال وش تبي عربي أو انجلش , الصراحة أنا
اعرف اتكلم , بس لو قلت انجلش بيقول وش رايح تسوي هناك لأن مكتوب عنده اي رايح دورة لغة , فقلت لا عربي ,
سألني اسئلة عاديه وكنت متخوف داخلي لأنه أول مره , وش رايح تسوي هناك تدرس بكالوريوس ؟ قلت لا دورة لغة ,
قال يالله بصم أصبع واحد , قلت طيب , وأبصم ثم سألني من بيدفع تكاليف الروحه ؟ قلت أبوي قال وين يشتغل , قلت مشرف تربوي ,
وين ؟ بوزارة التربية والتعليم , رجع يكتب بعض الأشياء بالكمبيوتر ثم قال التأشيرة مقبولة توصلك خلال اسبوعين أو ثلاثه , ألحين رح سدد رسوم فيدكس ,
ابتسمت صراحة , قال لي , You are smiling قلت ايه لأن الفيزا مقبوله , ضحك وقلت شكراً ومشيت ,
ثم ناظرن يدي والملف الي كبر ابليس , حاط فيه شهادة بنكية وصور منها وكشف حساب 3 شهور وخطاب المعهد وكل الأوراق المتوقعة , ولا خذا منها ولا ورقة ! ختى ورقة تسديد السيفس ما خذاها مني !
ما خذا مني الا الي عطتني الي على الشباك الأول !
وأحب أقول لكم ترى تساهيل السفارة , مافيه تعقيدولا شي , ومب كلامي يعني لا تجيبون الأوراق كلها , جيبوها بس بدون ربكة , لأن مكن يطلبها وممكن لأ ,
وبالتوفيق لكم , وشكراً لكل من أهداني معلومه أفادتني ونفعتني , كل الشكر لكم ,
طوبة ,
---------- إضافة 4 مارش 2010
الي يضيع الورقة الي عليها البار كود بيحصلها بإيميلة وهذي الطريقة ,
الي بتحتاجه رساله وحده مكتوب في العنوان كذا , /
قبل تفتح الرسالة تأكد أن عندك برنامج بقرأ ملفات pdf , إذا فتحت الرسالة بتحصل فيها ملف مرفق ,
اضغط عليه , مربع للحفظ , طبعاً اختر حفظ ,
ثم , بعد الحفظ اختر فتح ,
إذا فتحتها بتجيك زي كذا ,
أهم شي عندك في الورقة البار كود , لا تسفط الورقة فيخرب البار كود ثم يرجعونك تطبعه من جديد ,
طوبة ,