اتمنى الاقي حل لرفض الفيزا ( التفاصيل بالداخل )

March 17th, 2010, 10:34 AM

السلام عليكم

يا الربع لو فيه حل او وجه نظر احد يعطينا رايه

انا رحت اليوم السفاره الامريكية اوراقي كلها كاملة على انه بروح سياحة
اختي رايحه امريكا عمل لمدة 6 اشهر
وزوجها ما يقدر يطلع للعمل ما فيه اجازه له وانا سالت الشباب يقولون مرافق ما فيه الا زوج وابناء وزوجها ما يقدر
المهم ما فيه غيري انا اطلع معها مع العلم انه ادرس بالجامعه بالسعودية وهالترم اخلص 3 سنوات
يعني باقي سنه وبتخرج
طبعا بحذف الترم اللي جاي وبسافر معها وبرجع اكمل الباقي

المهم رحت وانرفضت وعطوني اشعار بسبب الرفض انه ما عندك شي يخليك ترجع يعني لا وظيفة ولا تعليم ولا شي مادي

مع العلم انه وش اترك دراسه 3 سنين للبكالريوس وباقي سنه واتخرج واروح امريكا ولا ارجع وش له

يعني بالعقل اخلص اللي هنا ولو اطلع ماجستير مش اترك كل شي ~.~

تقولي الموظفة انه ما فيه تروح 6 اشهر كذا بدون شي

قلت لها طيب اسجل دوره انجلش 6 اشهر قالت اتز اوكي بس تروح كذا بدون شي فاضي لا

وانه اختك تروح لوحدها طبعا زوجها ما بيوافق تروح كذا لحالها ولا هي موافقه اصلا تسافر للخارج اول مره بدون احد

بس الموظفة صكتني الرفض ومشيت قلت اسجل وارجع لها

المهم انه بسجل بدوره انجلش وبرجع لها مثل ما تكلمت معها

الحين موعد اختي لسفاره بعد 10 ايام اتوقع وقت كافي انه اسجل بدوره انجلش صح ؟

والا التسجيل لدوره بامريكا يستهلك اكثر من ذا الوقت

وهل اقدر اروح مع اختي بنفس اليوم والا ارجع كامل التسجيلات مره ثانية

والا فيه ناس خوفوني من الموضوع يقولون ما تقدر تقدم مره ثانية لما تنرفض الا بعد 6 شهور او سنه

مع انه كلمتها عن انه بسجل بالدوره انجلش وبرجع قالت اوكي ( مادري فهمت والا انا ما فهمت )

طيب الحين شباب سؤال

كيف اتصرف لاخد الفيزا

اسجل بدوره والا اجيب لها اشعار انه جد تراني ادرس ومخلص 3 سنوات <- احسها ما صدقتني ~.~

مع انه قدمت كل شي طلبوه مني الضمان والاوراق والتسجيل وكل شي

للعلم : عملت لي سالفه لسفري لسوريا من كم شهر سالوني كثير عنها وسمعت الشباب يقولون مغضوب عليها مادري وش

مع انه كانت سياحه سوريا ولبنان والاردن مع الاهل

هذا كل اللي عندي اتمنى اشوف حل عندكم

سلام عليكم

• نشر عبر تويتر
• نشر عبر فيسبوك
• نشر عبر جوجل