جاني أي توني من جامعة ومتوقع أي توني من جامعة أفضلها وموعد السفارة بعد 8 ايام ؟

اخوي مادام دفعت و مانت عارف متى توصل الأي تونتي للجامعة الثانية أنصحك بأنك تذهب بالقبول إللي معاك الي السفارة و يكون هدفك الجامعة هذه و لا تقول في السفارة انك بتحول لجامعة ثانية انت قدم على طلب فيزا للجامعة الأولى و بعد ما توصل هنا حول التحويل جداً سهل

بالتوفيق أخوي

حسب ما فهمت لا يسمح الدخول لأمريكا ومعك أي تونتي لجامعتين ؟ هل هذا الكلام صحيح ؟
واذا كان صحيح وانا دراستي تبدأ في اغسطس يعني لسه بدري بعد اكثر من 4 شهور , وطلع اي توني للجامعة الثانيه يقولو السيستم يكنسل الأي توني حق الجامعة الأولى , وقتها حيكون عندي جواز فيه أي تونتي باطل ؟

شوف انت لسه ما طلعت انت راح تطلع على الجامعة اللي اصدرت فيها الفيزا يعني انك الأن لابد أن تطلع الى الجامعة الأولى لو طلعت مقابلة السفارة

بما انك لسى حتى ماعملت المقابله
و اذا كان موعد دراستك باقي عليه كم شهر .. انصحك تأجل موعدك بالسفاره و تنتظر الآي توني الثاني
ولمايوصلك تاخذ موعد بالسفاره و تطلع فيزه على القبول الجديد بدل حوسه التغيير..الخ يعني انت لسى ع البر

او .. تروح موعدك بدون آي توني و بيقولون لك لما يوصلك الآي توني ترسله لنا .. وهذا اللي تعمله

اذا موعد دراستك في شهر 7 او 8 اختر حل من اللي قلتلك
اما اذا موعد دراستك قبل كذا ..انصحك تروح مقابلتك بـ الآي توني اللي عندك و تطلع عليه لامريكا و تدرس فتره بسيطه بعدين تنتقل

بالتوفيق

بالنسبه للسيفيز فيه موضوع بالمنتدى اذا كنت دفعت السيفيز و بعدين غيرت الجامعه و تغير رقم السيفيز مايحتاج تسدده مره ثانيه
فيه طريقه تعملها و يضبط الوضع كله
راح تلقى الموضوع في هذا القسم

اما انك ترجع تقدم ع الفيزا من جديد بالــ الآي توني الجديد

او انك تطلع ع امريكا بالـ الآي توني اللي طلعت عليه فيزتك و تدرس فتره بعدين تحول

غير كذا مااااااااااااااافيه حلول ...

الكلام للجميع

خلوكم اذكياء شوي و لاتوهقون انفسكم
المنتدى ملياااااااااااان مواضيع زي كذا ..بعد مايطلعون الفيزا يغيرون المعهد و الولايه و يبدون من جديد
فكروا شوي
اول تتمنون بعثه
بعدين تتمنون امريكا
بعدين تتمنون يوصلكم قبول
و بعدين تتمنون توصلكم الفيزا فيها 5 سنوات
و لما يتم كل هذا .. ترجعون تفكرون تغيرون الولايه و المعهد و تقلقون انفسكم و تعيشون في دوامه
من البدايه اختاروا صح .. او غيروا لما تروحون هناك
او ارضوا بواقعكم اللي غيركم ملااااااااااااايين يتمنونه

بالتوفيق

اهلا اختي مشكورة والله على توضيحك لكل التفاصيل اعلاه , اخر موعد لتغيير موعد المقابلة هو 6 ابريل وانا برسل واحد يوم 5 ابريل يشوفلي القصة , وعلى اساس رده راح اعدل موعد المقابلة او ما اعدله ويصير اتصرف على ضوء ومعرفة

وبالنسبة لكلامك للجميع فكلامك صحيح وانا بجهز نفسي من بدري بدري وعن نفسي انا تمنيت البعثه بس ما جاتني فاشتغلت والان بروح على حسابي فابد ما جابت سهاله يعطيك العافية على الردود الاكثر من مفيدة

كلام ما بعده كلام


اهم شي ادخل امريكا بالقبول اللي طلعت عليه الفيزا وفي امريكا تقدر تحول لاي معهد ثاني

بالتوفيق

العفو اخوي
نصيحتي لك .. اذا موعد دراستك بشهر 7 او 8 لاتستعجل و خذ موعد بالسفاره على اخر شهر 4 او بداية شهر 5
و انتظر القبول اللي انت تبيه على راحتك.
اذا تنتظر قبول معهد فــ تقريبا ياخذ اسبوعين يعني لو تأجل موعدك شوي ماراح يكون فيه مشاكل
بس بالنسبه للظهران مافيه مواعيد بشهر 4 بس بالرياض المواعيد كثيره ماشاءالله

حلو تفكيرك و حرصك على الاقل تكون على بيّنه
و ان شاءالله تنضم للبعثه في اقرب وقت

بالتوفيق يارب