انرفضت !!!

السلام عليكم
كيف الحال جميعا
اليوم كان موعدي في قنصلية الظهران وانا طاير من الفرحة << المسكين
كان الموعد 9:30 انا طلعت من البيت 7:30 على اني اخد احتياطاتي
وبالفعل الساعة 8:30 وانا امشي على الطريق سمعت صوت في السيارة وقفت وادا كفر السيارة تشقق
وبسسسرعة انزل احاول افتح الكفر ومن العجلة اكسر البلوط مالات الكفر وانا طفشان حددي والله
اتصلت للوالد الله يحفظه قلتله يجيني وماقصر جاني وعلطول وصلني للقنصلية وعلى حدود الساعة 9 انا هناك وكان زحمة شوي في الصف
بس الحمدلله الأمور مشت اوكي دخلت ومن هناك بدأ القرررف الى الساعة 12:30 وانا جالس على هداك الكرسي
وتاليها واحد لبناني ينادي على رقمي رحت اله رتب اوراقي وقالي استريح
بعدها بشويات نادت علي الشبك رقم 4 على مااعتقد اللبنانيه خلتني ابصم سألتني ك سؤال انا حسبت المقابلة هدي تالي قالت لي استريح
والله نشف دمي وطول الوقت ارتجف
بعدها وآآآخييير ينادون عليي بس وين !!!!!
مكان القرف الشايب الأمريكي اللي شعره كله ابيض الزبال الله يقطع رزقه انشالله
والله طول مانا جالس وانا ادعي ان الله يكفيني شره ولا اروح اله بس في حكمة ربنا ((لانعلم مالصلاح ))
اول ماقبلت عليه شفته مبتسم انا علطووووول ابتسمت قلت بسسس هدا شكله مرووق وبيعطيني الفيزا
على العموم سألني يقولي ليش تبي تروح امريكا قلت له بروح العب <<<< يعني ليش بروح وانت ماسك الآي 20
هههههه قلت له بروح ادرس
قالي في اي جامعه جاوبته
سألني مين بيدفع التكاليف قلت اله الوالد الله يحفظه لي
قالي طيب وراح ورد رجع انا من شفته قام من محله اتشائمت

رد رجع لي
طبعا للمعلوميه هو يتكلم انجليزي بس وراه احيانا واحد لبناني اتوقع يترجم
المهم قالي الضمان المالي مايكفي قلت له حرام عليك حاط لك فيه 100.000 ريال ومايكفي
قالي اي مايكفي قلت له هدا المبلغ الى شهر شهرين بس وانا عندي مبلغ كافي غير هذا <<< افحمته
سكت شوي شاف ماعنده سبب مقنع ان يرفض الفيزا راح الى شي ثاني
قالي انت قدمت على منحه قلت له اي بس رفضوني
قالي ليش قلت من قرادة حظي النسبة مو اوكي
قالي اهااااا اهني (( اهني الولد شاف اله شي يمسكه عليي ))
ماشفته الا جاب ورقه ووقع عليها وقالي
انت مو مؤهل انك تدرس في امريكا
بغيت اطيح
قلت لا هدا الشي مو سبب مقنع يالطيب عطني سبب والا انا مو متحرك من هنا << ايوا يالقوي انت
بس صدق قهرني
قلت له الحين اللي في امريكا كلهم مؤهلين الا انا
ياخي والله ناس مالهم داعي في شي اسمه دراسه وجالسين في امريكا يلعبو
ابي افهم ليش تحطمني يعني <<< جلست اترجاه شوي بعدين حسيته بيعصب هالشايب الأهيبل
قلت له هالكلام على العموم الله لا يحوجني لكم والمذله لله مو لكم
ومشيت وانا فرحان كأني مستلم فيزتي والحمدلله على كل حال @!