استفسار مقابلتي بكره , فزعتكم , استفسار بسيط , عسى ربي يوفقكم

تسلم عسى ربي يوفقك , طيب والبنك ؟؟؟ ياليت تجاوبني جواب دقيق وواضح

يعتمد على القبول الي انتي جايبته ومدته هذا اول شي,,,

والشي الثاني وضحي هذا الشي بالمقابله انك ممكن راح تنضمين للبعثه ,,,

بالنسبه للمبلغ مااقدر افتي لك انه يكفي او لا بس اذا على شهرين اكيد يكفي من دراسه وسكن ومصروف,,

اكيد لازم بالأنجليزي نفس موظف البنك يحوله للغه الأنجليزيه انتي رايحه للسفاره الامريكيه على شان كذا لازم تكون بالأنجليزي ,,,

وياليت يجيب معه تعريف براتبه موجه للسفاره الامريكيه وخطاب انه يتحمل مصاريفك خلال دراستك على شان تكون داعم لك في القبول ان شاء الله,,,

وبالنسبه للسيفس انا سويته بعد مالقيت احد الاخوان موضح طريقته بالصور الله يعطيه العافيه بس لازم يكون معك بطاقه فيزا او ماستر على شان تدفعين رسوم ال200 دولار,,,

والامور سهله ان شاء الله ,,

تحياتي,,,

بنت الخبر,,الله يوفقك بكره ويسهلك امرك
وحاب اقلك تطمني على الاخير في اكثر الاحيان مايطلبون الشهاده البنكيه(الضمان البنكي) ولاكشف الحساب
واذا طلبوها منك فمايحتاج لها ترجمه لان البنك بيطلعها لك بالانجليزي وانتي واقفه هي وكشف الحساب في خمس دقايق بالانجلييييييييييزي,, يعني لاتشيلي هم وخليكي واثقه من نفسك ووكلي امرك لربك ولاترتبكي ولاتخافي لان هذي النقطه اهم شي وهي اللي بتساعدك,, موفقه انشاالله

بنت الخبـــر ،.

اسمعي من مجرب ،

أنا مقابلتي قبل أمس السبت في سفارة الرياض

طلبت من بنك الراجحي كشف حساب آخر ثلاثة شهور + شهادة بنكية

الكشف حساب يبين إن الراتب 5900 ريال وقلت ممكن يدققون بالراتب ويشوفونه قليل وانرفض !

والشهادة البنكية كل شي بالعربي الإسم المبلغ كل شي وحتى ماهو مكتوب بصيغة إلى من يهمه الأمر

والشهادة البنكية فيها 55 ألف والمبلغ الموضح بالآي تويني الي يغطي مصاريف الدراسة هو 78 ألف

قلت راح يرفضوني

والشهادة البنكية الله يكرمك أمي طشتها بالزبالة من دون قصد وطلعتها مبللة ، شوفي كيف أموري حاست فـ بعض وقلت خلاص أنا راح انرفض وماشاء الله على الأعضاء ماقصروا زادوني خوف وقلق إني راح انرفض !

رحت للمقابلة الله وكيلك كل شي بسيييييييييييييييط مرة طالع الأمريكي بالكشف حساب قال مافي قلوس أوك مافي مشكلة

شاف الشهادة البنكية أوك تأشيرتك مقبولة ، عادي أنتي لا تشيلين هم أهم شي أوراقك كاملة

خلي أبوك يقول لـ موظف البنك أبي شهادة بنكية وكشف حساب آخر ثلاثة شهور ومو لازم تكون بالإنجليزي

والأسألة الي راح تواجهك هي الأسألة الي عبيتيها بالإبليكيشن 160 بس حابين يتأكدون من الأجوبة منك شخصياً شي بسيط مرة

صدقيني بترجعين من المقابلة وأنتي مبسوطة وماتتخيلين إنها بذي السهولة

أهم شي الأوراق كاملة

الله يوفقك ويسهل المقابلة عليك ويسخر لك القنصل

لتوضيح يالغالي ,,,

اذا انت امورك ربي سهلها لا تقول مو لازم بالأنجليزي وتخلي الي يقرا ردك يتوقع انها بتصير مثلك ,,,

الواحد ياخذ الاشياء المطلوبه الاساسيه واذا تسهلت خير وبركه ,,, بس هل لو تم رفضك لأنك جايب كشف او شهاده بنكيه بالعربي راح تقول انهم ظالمينك انك جبت المطلوب وماقبلوك ,,

اتمنى من الجميع يكتب وش صار له بس ما يقول عادي ,,, يمكن تضيع فرصه على الي يقدم للسفاره بحكم انه شاف ردك وسوى الي سويته صدقني بدال مايقول الله يعطيك العافيه راح يدعي عليك لأنك ضريته ,,,

هذي وجهة نظري ,,

تحياتي,,,

^

نصيحتك من فوق على راسي يالغالي ،

لكن برضه التخويف ماهو زين ، وتصعبون الأمور وتعطونها فوق حجمها برضه ماهو زين ،

هم بالأخير يعرفون عربي يعني سواء كانت الورقة إنجليزي أو عربي بيفهمونها والورقة يشوفون البيانات ويسجلونها على الجهاز ويطشونها يعني مدري ليش التعقيد إنجليزي وترجمة وخرابيط

يعني لو طلبوا شهادة بنكية من البنك بالإنجليزي بينتظر لين يعدل إسمه من الفرع الرئيسي للبنك - وينتظر الترجمة ومرات الصيغة بالإنقلش مش ولابد طيب ليش التعقيد ؟

أنا لي أصدقاء برضه شهادتهم البنكية بالعربي وعادي وإذا حاب تتأكد لف على مواضيع المنتدى وبتحصل ناس كثير راحو بشهادة بنكية بالعربي

وبالأخير كلن عقله براسه

شكراً

يسلم راسك,,,

يالغالي ردي واضح لك ان كلامك صحيح بس لا تعمم ,,,

والشي الثاني على شان اقول باللغه الانجليزيه صار تخويف انا اعطي الاشياء الاساسيه بغض النظر على الي يصير طيب لو انرفضت انت لأنك الكشف بالعربي هذا سؤال موجه لك هل بتقول انهم يعرفون عربي ليش مايقبلونه ؟؟؟

هدفي يالغالي انك تسوي الشي الاساسي المطلوب واذا سهلها ربك خير وبركه,,,

تحياتي,,,

^

أوكِ سؤال : هل القنصل راح يرفض فيزة الطالب بحجة الورقة بالعربي ؟

شي تافه جداً والقنصل ممكن ترفع عليه قضية ( فيها عنصرية نوعاً ما )

وما أعتقد أصلاً راح يتم الرفض بيقول ارسل الورقة بالإنجليزي على الإيميل أما رفض : لا .

شكراً

هذا رياك ووجهة نظر احترمها ,,,

تحياتي,,