موعدي في السفارة كان أمس وهذا اللي صار!!!!!!

أنا صارت لي نفس المشكلة رحت السفارة وبعد المقابلة طلبوا مني خطاب من الوزارة بعدها رجعت للوزارة ودخلت على واحد اسمه هشام العمار وقلت له ترى السفارة طلبت مني خطاب منكم قال لي ما يحتاج أنت مبتعث من عندنا قلت له هم قالوا لي كذا قال لي عطني رقم الطلب حقك عطيته الرقم وشيك قال اسمك رسلناه في البيان رقم xxx قلت له وش اسوي قال روح السفارة وقول لهم رحت السفارة مره الثانية وشيكوا على اسمي قالوا ما هو موجود في القائمة هذا الكلام قبل أسبوع أمس كنت في الوزارة وكنت في المكتب ألي جنب مركز القبول عشان أشيك على قبولي وصل أو لا قلت للموظف هناك هل تعطوني خطاب من الوزارة لأن السفارة طلبته قال لي لا ، بعدين قالي اسمك ما هو موجود في لاسفارة صح قلت له ايه صح ، قال سجل اسمك مثل ماهو بالجواز وعطني رقم الطلب وإن شاء الله نرسله الأسبوع هذا .

وبس والله لخطبه هالوزارة تعبنا والله معها .

لمارا

عادي الوضع في ناس كثار اعرفهم نفس الشي اسمائهم سقطت سهواً

بس انتِ تروحي الوزاره واذا قالولك روحي السفاره وخليهم يشيكو لا تروحي اقعدي على راسهم قوليلهم السفاره تقول اسمي مو موجود في البيانات

وبيعطوك خطاب للسفاره او بيقولك بنرسل البيان مره ثانيه

والحمدلله ان الامور عدت من السفاره والله يعينك على مشوار الوزاره

وربي يوفقك

مشكورأخوي عصي الدمع بس أنا مو من الرياض وما أقدر كل شوي أنطلهم واللي كان يساعدني ويروح للوزارة (عمي الله يخلية) صارلة حادث من فترة وتعبان ومايقدر يروح هذي الفترة للوزارة إيش أسوي اراسلهم بإيميل الوزارة ينفع؟؟؟؟؟

-سأله القنصل ايش عملك؟
قاله عسكري
-قاله طيب انت كاتب في نموذج157 لا أستخدم سلاح وانت عسكري هل معقول لم تستخدم سلاح؟
قاله أنا في قسم العمليات وعملي مكتبي لا يتطلب حمل سلاح وأستخدمتة في فترة التدريب فقط.
-سأله عن الأعمال اللي أشتغلها فبل العسكرية ورد علية عنها
وعلى فكرة هو يسأل من نفس الأبليكيشن عشان يتأكد من تطابق المعلومات وسأله إيش حتسوي بعملك لما تسافر؟
قاله أطلب تفرغ من عملي ولما أرجع أرجع لعملي
وطبعاً كان معاه خطاب من عملة بس مو مترجم عادي وحتى أنا جبت خطاب من عملي وما ترجمتة وأخذوه عادي وأخذوا مني السجل الأكاديمي وسأل عنة القنصل وأخذوا صورة من شهادة البكالوريوس مترجمة مع الأساس(اللي بالعربي تدبس معاها) وتسدد الفيزا عن كل جواز كان في واحد قدامنا ومعاه عائلتة وماسدد الا لنفسة لأنه المبتعث قالوله لأ لا زم تسدد عن كل جواز

اخت لماارا انا صارلي زيك بالضبط يعني لالاتتوتري ولاتحرقي اعصابك مشووار القلق يبدا بخطوة مع الوزارة .. والله ان السفارة الي كنت خايفة منها واحاتيهاا مشوو اموري بكل سهووولة وسلاسه لا ومقابلتهم ماخذت اكثر من 10 دقايق اوو اقل مبتمسني ويضحكون لا ويطنزون بعد هههههههههه يقولي ياا ساره انتي رايحة امريكا دراسه لاتحسبين امريكا بس ديزني لاند ولعب يعني بعد يخففون دمهممم لكن بعد ماريحت وارتاح قلبي جانيييييييي الخوف من الوزارة (لاحول ولاقوة الا بالله)
قاللي يااخت ساره احنا مستعدين نرسلك الفيزا اليوم بالفديكس لو كان بسسسسسسس اسمك واصلنا من الوزاة ..! انا فتحت عيني الحين الضمان المالي والقبول وكل هالزحمة ولا ارسلو الاسامي ؟؟؟ قلت له اوكي انا اراجعهمممم قال خلاص مايحتاج فيزتك اعتبريها جاهزة اول ماتوصل الا سامي نرسلك فيزتك.شكرا عفوا ويافرحة ماتمت.. طلعت من السفارة كلمت الوزارة وقالوو لي اجنا مجهزين الايميل لكنننننننننننن الانسان المسؤول عن ارسال الايميل مسافر باستراليااا واحناا من يومين ارسلنا الاسامي عل ايميلة بس ناقص يرسلها لكنه مو فاضضضضضي مشغول.
يعني هل يعقل ان مستقبلنا كلة يروح عشان واحددد اسااساا ياخذة راتبة لخدمتناا وموو فاضي لنا بعد

(حسبي الله وونعم الوكيل) يارب انك قادر على كل قااادر
وقالوولي انشالللة نرسلها الاسامي يوم الاحد بالكثير واليوم اسمع الاعضاء هنا قالولهم يوم الاربعا بالكثيير يعني كل واحدددد يتصرف فينااا بتصاريف محترمة وكل واحد ي الوزارة يعطينا وقت على كيفة وعلى مزاجة استغفرالله فيهممم بسسس

والحيييين اذ دراستنا تبدا بعد شهر على مايرسلون الاسامي على مانروح نطلع قرار الابتعااث مايمدي نسووووي شي اببببببببد وهم قاعدين يحرقون اعصابناااااااااا ولسة بعد ورانا مشوار قرار الابتعاث الي كل واح يوصل لة بالمزاج الي يجية قرارا الابتعاث بيوم والي باسبوع والي باسبوعين

يالله تيسر امورنا وتسهلهاااا ويارب انك قادر على كل قادر

عادي أخوي موادع وأنا تحت أمرك في أي سؤال
وبالنسبة لأوراق زوجي كانت
1- نموذج 156 مع صورتة ومدبس معاها وصل تسديد الفيزا
2-نموذج 157
3- نموذج158
4- ورقة تعريف من العمل أنه مازال على رأس العمل
وصورة من بطاقة العائلة بس وما طلبوا منه أخر شهادة ولا شي عادي
وبالنسبة للسجل الأكاديمي أنا برضة كان نسخة طبق الأصل مصدقة ومعاها صورة مصدقة من شهاة البكالوريوس مترجمة ومعاها صورة مصدقة من الأساس (اللي بالعربي) مدبسة معاها بس
لا تشيل هم ترى المقابلة ولا أحلى منها ياليت الوزارة تعتبر من السفارة وتتعامل زيها كان من زمان سافرنا
يالله اللــــــــــــــــــه يسهلها على الجميع يارب ويكتبلنا اللي فيه الخير