الى شايل هم الفيزا يفضفض هنا

كيف خطآ ؟؟ لو تقدرين تصورين لنا الصفحه لما يطلع لك خطأ عشان نقدر نحدد لك المشكله

عندي استفسار الله يعافيكم
الحين فيزتى طلعت من شهر 05-2010
واجلت دراستى الى بعد اوقست2011
الحين وش الاجرائات
هل اروح للسفاره يكنسلون فيزتى ولا اترك الفيزه بجوازي؟
انا مدري وش اسوي

اتوقع تجيب آيتونتي جديد بنفس رقم السيفس الموجود في الفيزا ..

وترسلهم صورة منهـ .. على الايميل

وراح أتأكد لك من مكتب اتعامل معاه ..

الفيزا لا تنتهي الا بانتهاء مدتها

ولا يحق لك السفر الا قبل بدء الدراسة بــ 30 يوم

ومادامك لن تغير المعهد وباقي فيه او ناوي تبقى فيه

اترك الفيزا مثل ما هي في جوازك

اما اذا تبي تغير المعهد وانت بعدك ما سويت دخول لامريكا

فروح للسفارة وقدم على فيزا جديدة واعطيهم الا توني الجديد وقولهم يلغوا فيزتك اللي صادرة برقم الاي توني السابق

انت لا تشيلها من جوازك ولا تقطعها ولا شيء

اتركها مثل ما هي

واذا تبي نصيحتي

اذا ودك تغير المعهد وانت توك ما سافرت ، فأنصحك انك تسافر وتروح لمعهدك اللي صدرت عليه الفيزا وتقعد فيه كم اسبوع بعدين روح لدار الهجرة واطلب انهم ينقلوك الى المعهد اللي تبيه وجيب الاي توني الجديد من المعهد الجديد برقم سيفيس جديد ، وهما يحولوك وانتا واقف ، وفيزتك لن يصبح لها لا تمزيق ولا تحقيق ولا تخسر 1000 ريال مرة ثانية لاصدار فيزا جديدة

وفقك ربي

عندك آي توني ؟

عبيتي آبلكيشن DS-160 بالمعلومات الصحيحة حسب الجوازات وحسب الاي توني ؟

دفعتي رسوم السيفيس ؟

اذا سويتي كل ما سبق .....

ادخلي على صفحة حجز المواعيد واختاري اللغة الانجليزية ولا تختاري العربية

وبعدها تزبط معاآكي إن شاء الله

اذا ما معاكي آي توني ولا شيء وجالسه تسمعين كلام الاعضاء اللي مسوين انهمم اعلى من النظام

وجالسه تعبي بيانات من راسك وتحطي آصفار مكان الاي توني

فنصيحة آخوية

لا تؤدي بنفسك الى التهلكة والمسآلة القانونية بتهمة الكذب والتحايل

لان زي ما تقرأي ان طلعت معلومة وحدة خاطئة وقد تعمدتي الخطأ

فتتحملي العواقب

من موقع السفارة

فانتهبي واتركيكي من كلام الاعضاء

انا وحدة نكبتني قبل ثلاث اشهر وقال سوي كذا

قسم بالله طلع لي تحذير يقول لي فيه لو طلعت صفحة المواعيد لن تستطيع تغير رقم الجواز ولا الاي توني ولا رقم النموذج

وانا طلع خلاف ذلك ستحاسب قانونيا

ويخليكي تتأكدي ثلاث مرات من صحة المعلومات المدخلة

انا بعدها آكلت تراب ورجعت وانتظرت الاي توني حقي ومشيت في السليم

ولا يعني ان واحد نجى وزبط معاه انه يعني راح يزبط مع الكل

انتبهي

الخطأ خطأ لو ايش ما كان

وفقك ربي

السلام عليكم ورحمة الله وبركاته
يااخوان دبرونا

الحين انا توه يوصلني الاي توني

وشايل هم الفيزا تتأخر لاانه الدراسه تبدأ في بداية جانيوري والوقت ضيق

ومالقيت اقرب موعد الا في قنصلية الظهران

لكن المشكله سمعت واحد يسب ويلعن فيها ويقول بتتأخر وكذا

هل فعلا الظهران تتأخر ؟

معاي ضمان مالي كبير لكن من شهر اوقست .. هل لازم اجدده ولا بتمشي امور ذا ؟

وهل لازم شرط اجباري كشف الحساب ؟ وعادي لو كان من شهر اوقست بعد ؟

طمنوني يااخوان

يعطيكم الف عافيه

الله يجزاك خير
ياانك فرحتنى بهالخبر الحلو
اجل انا متفائل خير الله يسعد ايامك
فكرتى مثل فكرتك انى ادرس بالمعهد وبعدين انقل
كذا بتكون الامور سهله
بس توقعت للي ماطلع يدرس بمده معينه ان فيزته تنلغي
وتوقعت ان الفيزه لها مده معينه وتنتهي
عموما انا دراستى بعد اوقست 2011
بالتوووووووفيق

السفارة الامريكيه بالظهران معاملتهم سيئه
طبعا هذا الى دائما اقراه بالمنتدى
انا سويت مقابلتى بالرياض
بصراحه معاملتهم ممتازه
وموعدي بالسفارة اخذته من مكتب فى ساحة الكندي بحي السفارات
اذكر جمبه محل استديو
بس ياخذ عليك رسوم ويجيبلك الموعد خلال ايام
وبعدين لاتخاف انا كنت مثلك
وتخيل جلست فيزتى اسبوعين وطلعت
اترك الخوف وغامر
ولى الله كاتبه بتاخذه صدقنى
اتمنى لك ولى وللجميع التوفيق بالدنيا والاخره

اذا انت طالع على حسآبك الخاص

وكنت من سكان جدة

فروح للقنصلية بجدة تراها طيبة نوعا ما

اما اذا كنت من الظهران فما انصحك بالظهران

مو عشان سامع عنها في المنتدى

وانما عشان الرياض قريبة منك

اطلع بالسيارة وروح للسفارة الام افضل لك واسرع لك في اجراءات اتمام القبول

لان مثل ما انت عارف ان جميع القنصليات ترفع الاوراق للسفارة بالرياض ومن هناك تجي الموافقة

لذلك انصحك تطلع للرياض

اذا مرة ما تقدر

توكل على الله وتراها ارزاق وربي

وروح لسفارة الظهران

بخصوص كشف الحسآب

لازم يكون مدته من 3 اشهر الى 6 اشهر

ويكون جديد

يعني ما يكون من شهر اوقست زي ما انت مسوي

هذا مو كلام من السفارة

ولكن هذا المنطق والعقل كذا يقول

والصحيح ايضا

والافضل انك تسحب كشف حسآب من تاريخ اليوم الى ثلاث اشهر قبلها

اذا كان المبلغ فيها

خير وبركة

ما كان فيها

اسحب كشف حساب وجيب معاك كشف الحساب القديم اللي في المبلغ

واطلع وشوف

وترا في الرياض الموظفين طيبين

اعرف واحد ما سألوه وين كشف الحساب ولا أي حاجة

اعطوه الفيزا في خلال اسبوعين بدون حتى ما طالعوا في كشف الحساب

ثاني حاجة ترا هم ما ياخذوا كشف الجساب

انما يشوفوا اللي يسوي معاك المقابلة بس ويرجعوا لك

وبخصوص ان بدايت دراستك في جونواري

فصاحبي زيك بداية دراستوا معايا في 11 جونواري

بس هوا موعد مقابلتوا يوم 30 نوفمبر وانا الحمد لله اصدرت فيزتي من شهر ونص

وصاحبي تاريخ سفرو يوم 26 ديسمبر

يعني من موعد المقابلة يبقى له 26 يوم ينتظرها ....

اما تطلع الفيزا ويطلع يكمل دراستوا واما يآكل هوا ويجلس هنا

فاستهدي بالله ولا تشيل هم شيء

ترا الشغله بسيطة جدا وماهي مستاهلة

وفقط ربي وييسر دربك وسدد خطآك ويسر آمر فيزتك

medo-chan

الله يسعدك ياشيخ قول امين

حبيبي انا من سكان الرياض لكن عندي مشكلتين

الاولى انه الوالد في ديررررره وانا بديره ثانيه حاليا يعني كشف الحساب والضمان المالي الجديد بياخذ له وقت عشان اقدر اجدده .. مثل ماانت عارف انه البنوك ماتطلع كشف حساب او ضمان مالي الا بطلب من نفس الشخص راعي الحساب وهذا الشي الطبيعي

المشكله الثانيه انه لي فتره وانا اسوي ريفريش على صفحة الـ Visa Wait Times

يطلع لي الرياض اقرب شي بعد 15 يوم .. والظهران بعد 4 ايام .. عشان كذا قلتلك انه كل تفكيري في الظهران حاليا لاانها الاقرب ولا لو تسألني وش ودي اقولك الرياض وياقرب بيتي من حي السفارات لكن الشكوى لله

تتوقع بلقى في الرياض قبل هالـ 15 ؟ لااني سمعت انه في ناس تكنسل مواعيد وبيكون في شواغر

الله يسعدك مره ثانيه والف شكر