الى شايل هم الفيزا يفضفض هنا

يااخي الخطير

سامحني على جهلي في الاسعار لاانك زي ماانت شايف داخل وتوي جديد على الوضع

انا ماشدني على سالفة ابو يمن الا انه يدبر مواعيد في وقت قريب وفي الرياض .. وانت تذكر قبل ردين كيف كنت افضفضلك عن موضوع المواعيد والظهران والرياض ..

عن نفسي كنت مستسهل امور الابلكيشن وسددت الرسوم ومو ناقصني الا الصوره عشان المعلومات تكمل واخلص كل شي واحجز موعد

والتسديد حق السيفيس وحق السفاره انشالله امورها هينه اقرب بطاقه ماستر كارد وانتهينا

بس ياصاحبي بسألك وش سالفة العالم مع السفاره .. نسمع قصص كثير ماادري هو تخويف ولا من جد

قبل فتره سمعت مدري قريت انه في واحد انطرد من السفاره حقت الرياض وماسمحوا له يدخل لاانه لابس شماغ ؟ اول مره ادري انه الشماغ ممنوع في السفارات !!

وياما سمعت انه المعامله هناك تكون بفوقيه على قولتهم يعني شوفة نفس

انشالله هالكلام كله يطلع خرابيط

عالعموم يعطيك الف الف الف عافيه نوررررتني والله بناحية اسعار السيفيس وشاكر لك كثييييير تعبك معاي من اول

السلااام عليكم
يااجماعة الخير
سؤااال
هل اذا حجزت موعد السفاره اقدر اعدل على بياناتي زي رقم الجواز مثلا
او بيانات المرافقين
؟؟؟

جاوبوووووني بلييييز

والله اذا على انهم يبحثوا على تاريخك فما أظن

وانت تقول ان سجلك نظيف والى اليوم ما عطوك اياها

طيب وانا !!!!

يا عندي سجل الله لا يوريك

من قضايا أراضي - ودخول سجن - وقرض في البنك - وفيزا - وفواتير تلفونات

وحمد لله طلعت لي زي الحلاوة

الشغله تيسير من الله اولا

ثانيا على ما اظن حسب موعد الدراسة اللي مقدم فيه على الفيزا

يعني انا لمن قدمت على الفيزا

كان باقي على موعد الدراسة ما يقارب شهر واسبوع

وعطوني اياها في ثلاث اسابيع واجازة عيد الفطر فيها

حمد لله على كل حآل

لكن شوف ايش اللي صاير

وارسل لهم رسالة

لكن قبل كل شيء

قولي متى موعد دراستك اللي قدمت فيه على الفيزا ؟؟؟

اللي مكتوب في الاي توني ؟

وفقك ربي

سلام عليكم ورحمة الله..

المحترم فلان الفلاني وبعد.... حياك الله

أمزح خخخخخخخخخخ

كيف الحال يا حبيب البي ميدو.. اشوفك نشيط وبتساعد ماشاءالله..

باالنسبه لإقتباسي كلامك فوق..

أنا بصراحه كان علي تهمه وانسجنت أسبوع واحد وطلعت براءه من الله سبحانه وتعالى..

ولكن ما تحولت للمحكمة ولا تسجلت علي كسابقه ولله الحمد والمنة لإنه الموضوع تافه ولا تسجل علي كسابقه..

السؤال ياحبيب البي ..

الحين في نموذج الدي اس سكستين لما يسئلوني عن السوابق الإجراميه أجاوبهم عن هذه ولا أطنشها..؟ علما إنها ماتسجلت علي ..

والمشكله بسيطه جدا .. حبيبت وحده وهي كمان حبتنيوصارت قصه مؤثره مبكيه

ولما جيت اتزوجها وهي بغت تتزوجني .. اهلها مالقوا طريقه يبعدوني عنها الا برفع دعوى كيديه للتشهير فيني..

والحمدلله طلعت منها بدون ولا شي..

وزي منت شايف طبعا انا ودي مقابلتي في جده.. بس خايف في النموذج دي اس 16 في موضوع السوابق مني عارف وش اكتب.. واخاف يئثر سلبا..

تحياتي وتشكراتي

انا اللي اعرفه ان رقم الجواز هوا اهم شيء

والدليل انك ماراح تدخلي السفارة الا برقم جوازك

يعني لو مو مطابق رقم الجواز ماراح تدخلي

وفقك ربي

هلا اخوي

حبيبي

ترا قضيتك في حكمها وطريقتها نفس ما حصل معي

مادام لم يصدر عليك حكم

فعبي الابلكيشن واكتب فيه لا توجد لدي سوابق نهائيا

وطآح الحطب ولا عليك منهم

بس ما قلت لي

كم المدة اللي فضيتها في الموحد ؟؟؟؟

والقضية كم مر عليها ؟؟؟

وفقك ربي ولا تشيل هم شيء