الى شايل هم الفيزا يفضفض هنا

سبحان الله 33 مرة
الحمد لله 33 مرة
الله واكبر 33 مرة
كمل المائة بـــ
لا إله إلا الله وحدة لا شريك له
له الملك وله الحمد وهو على كل شي قدير

الله يوفقكم يارب
<<متأثر
1000

مقــأبلتي كـأنت يوم الاربعاء 8 - 2 يعني قبل ما يقـارب اسبوع ويومين

طبـعا المقـابله قصــتها قصـه لكن الحمد لله عدت وبعد ما خلصت المقـأبله
اخذ جوازي واعطـاني الورقه الصـفـرا وطلب من كشف حسـاب للوالد
لأن الضمـان البنكي اللي انا جايبه معاي بأسمي
وقـال لي فيـزتك راح توصلك انشـاء الله خلال اسبوعين الىا 3 اسابيع

طبعا خرجت من عندهم يوم الاربعا ولا امداني امر البنك
يوم السبت راجعتهم واخذت كشف حسـاب للوالد لاخر 3 اشــهر
وكـأن الحسـاب يعني فيه مبلغ من غير الرأتــب حق الوالد اللي ينزل شهريـأ بمبـلغ وقــدره
وارفقت معها كشف حسـاب لأخوي بأرـأمكو
المهم/

يوم جـاء اليوم وـأول ما صـحيـت من النوم الا والاقي رسـاله من الفيديكس

وعلىا طول ادق عليهم وأدخل رقم الشحنه
ويقول لي الشحنه في فرع 91 في النسيم
وربي وأنــط من ع السرير مدري وش لبست
ولا غسيل ولا فكــرت بشي وادق علىا ولد عمي لأن ورقة الفيديكس بسـيـأرته
وياولد وينك قـال بـألدوام
قلت له تسحب علىا الدوام وتجيني الحين الفيزا ابشرك وصـلت
قال لا لاتشيل هم انا بمرها معي وانا طالع
المهم وجالس انتظر المهم خلال الساعه اللي جالس انتظره فيها دقيت عليه 9477548570 مره

وبعدها دق علي قال خلاص تراك ازعجتنا انا رايح اللحين
طبعا انا وربي يوم يقولون وصلت فلت وربي مره دعـأء الوالــده وصـل يالبىا قلبك يا امي وينك مني بس

واجلس اسب فيكم ؛ والله اللي في المنتدىا ناس ماعندهم ذوق خوفوني وفي الاخير الحمد لله
لا اكيد عشـاني مدري وش < اخذ في نفسه مقلب
لا اكيـد شكل اللبـنـأنيه اللي تأخذ البصـمات خقـت معي عشـان كذـا سووت لي توصيـه وخلتهم يخلصـوني < اوخــص يـأتوم كروز

المهم شوي الا ويدق علي رقم ثـأبت الو مستر عبدالله اليامي
قلت له يس فديت خشمك قال اخوك يبغىا يستلم جوازك قلت ما فيه مشكله ولا فكه انت وافتح الصفحه الاخيره تكفىا

المهم قفل في وجهي وشوي الا ولد عمي يدق علي

هاه بشر يا ولد

قال ولا شي
ياولد دور فوق تحت اخر صفحه اول صفحه
قال ابد ما فيه ولا شي لا فيزه ولا غيرها
قال لا ما في فيزا بس فيه ورقه
وش مكتوب فيها وش سبب الرفض
قام يبربر علي < اللي قدرت افهمه انهم قالو ان المتقدم غير مؤهل للهجره ... ليــش مــا أدري ..!؟
انا كل اوراقي سليمه مقـأبلتي كانت كويسه جوازي نظيف ما فيه الا سفريتين لمـأليزيا والامارات
غير كــذا القبولات معي من جـامعة يعني قويه ومعدلي بالثانوي قوي

يعني ما دريت بأي حق قالو لي غير مؤهل ....


الحين حبيبي ممرض وكل الشباب اللي يقدرون يفيدوووني فديتكم

انا بدـأية الدراسه في 7 مـأرس وش الحل اني ارجع اسوي موعد من جديد يعني راح يمديني اخلص قبل الدراسه
او اني ارجع اجيب قبول من جديد .؟ ولا ايش اللي اقدر اسويه

ربي يوفقكم افيدوووني

سوري علىا الاطــأله لكن الموضوع تعال فضفض .

كيف غيررررررررررر مؤهّل للهجرة >>> أنت وِش قلت لهم ... ؟؟ هجررررررررة مرّة وِحدة و مخبّي علينا!!

أخذ مووووووووووعد ثاني و فالك القبول و الأمر عادي إن شاء الله >>> فيه واحد نشب لهم 4 مرّات مقابلة و

يرفض و الــ 5 عطووووووووووووه الفيزة

شِف هذا الرّاابط يمكن يفيدك:

http://www.mbt3th.us/vb/forum16/thread255624.html

السلام عليكم ...... انا سويت مقابله بالسفاره الامريكية قبل اسبوعين وكنت خايف مرره بس الحمد لله تسهلت الامور بس يوم دخلت السفاره وسويت المقابله بس باقي مقابله نائب القنصل جى دوري ورحت للنائب القنصل وقالي صباخ الخير رديت نعم قالي صباح الخير هههههههه قلتله صباح النور قالي خايف قلتله لا قال اوكي عطني جوازك عطيته جوازي سالني هل تبي تروح لأمريكا لوحدك قلتله نعم وقالي انت تبي تروح على حسابك الخاص او او على بعثة الملك عبدالله الله يحفظه قلتله على حسابي قالي عطني الضمان المالي عطيته الضمان قالي غير كافي طيب كشف حساب موجود قلتله لا عطاني ورقه صفراء اللون وقالي روح سدد الفيدكس و وخلاص وارسلي الضمان المالي ببمبلغ اكثر وكشف حساب ثلاث شهور ....ورجعت الى القصيم وسوت الضمان المالي للاسف يوم رحت سويت الضمان المالي نسيت انه قالي زود المبلغ وطلعت كشف حساب وارسلته بالفيدكس الى الرياض للسفاره ورحت حجزة الطياران كان يوم الثلاثاء قالي موظف الطياران تعال بكرى العصر ادفع المبلغ قلت اوكي وسبحان الله الصبح دق علي نائب القنصل قالي تاشيرتك مرفوضه جااااان تكااااااااااااااااااك والله من ضيقت الصدر قلتله طيب ليش قالي المبلغ غير كافي وتذكرة انه قالي المبلغ غير كافي قلتله خلاص ابسوي جديد وارسله قالي لا خلاص اخر محاوله لك المحاوله الثانية تسوي مقابله جديده وسويت موعد للمقابه بعد اسوعين

وانا الي مضيق صدري مادري كم المبلغ المطلوب ؟؟؟؟؟؟؟؟؟؟
يوم ارسل جوازي مارسل ايصال الدفع بس معي صوره من الايصال حق سامبا هل اذا رحت للمقابله يقبلونه او لا او اسدد ثاني مره ...

يوم ارسل جوازي مارسل ايصال الدفع بس معي صوره من الايصال حق سامبا هل اذا رحت للمقابله يقبلونه او لا او اسدد ثاني مره .....

أمورررررررررررررررررررررك مُبشرة، فقط يريدوووووووون التّأكد من المقدرة المالية !!

سووووووو موعد آخر .. و دبّل المبلغ >>> و حاول تكون مقابلتك عند نفس الشّخص ( هل هو شبّاك8؟؟)


^^^^^^ فيزتك إن شاء الله مقبولة بس حاول تحطّ في الحساب المبلغ المثناسب و المُقنع .. و فالك الفيزا،

و بخصوص ايصال سامبا سدّد مرة ثانية >>> هم يبون شوفة الورقة الصّفراء حقّت الايداع

و نظامهم كِذا .. المبلغ لا يُسترجع و في حال تسجيل موعد آخر يتطلّب دفع آخر (532 ريال)

^_^
الله يعين
انا لسى ماحجزت موعد بالسفارة , في كلام فجعني وفي كلام طمني
مااقول الا الله يسهل لكم ولنآ يارب

قدمي ولا تشيلي هم
وعلى فكرة البنات ما تتأخر فيزتهم لاكن الرجال..........؟!

[QUOTE=عناد النفيعي;2651721]كيف غيررررررررررر مؤهّل للهجرة >>> أنت وِش قلت لهم ... ؟؟ هجررررررررة مرّة وِحدة و مخبّي علينا!!

مشكووور اخوي عنــاد علىا ردك واهتمامك .

لأ سوري مو للهجره ... كـأتبين لغيــر الهجره وهــذا المكتوب بالنص :

{ يؤسفنا ابلاغكم بـأنكم غير مؤهلين للحصول علىا تـأشيره لغير غرض الهجره }

والسبب اللي مـأشرين عليه هو :

{ لم يتبين بأنك طالب مؤهل وقادر على اتمام برنامج دراسي كامل للولايات المتحده الامريكيه }

انا سويت موعد ثـاني شباب طبعا الضمان البنكي القديم كان بـأسمي . وطلبوو مني زي ما قلت لكم كشــف حسـاب لأخر 3 شهور للوالد وارسلته بس اظاهر انهم ارسلو الجواز قبل ما يشوفوه

هل يكفي الكشف حسـاب لأخر 3 شهور عن الضمــان البنكي اذا كان راتب والدي اكثر من 18 الف .
بس ترا ما يجي اخر الشهر لا والرصيــد اصفــار ...؟
ولا لازم ضمــان بنكي .؟