الى شايل هم الفيزا يفضفض هنا

عادة متى تصدر الفيز في اول اليوم ام اخره ... يعني بداية الدوام ام نهايته..
وهل صحيح انها تصدر في 3 ايام فقط ... الاحد - الثلاثاء - الاربعاء !!!!!!!

مو شرط
ناس تصدر فيزهم من ثاني او رابع يوم
وناس من اسبوع وتصدر
وناس تقعد شهر او شهرين
لاتشيلين هم
كثري استغفار
ودعي كثير عسى يفرج همك انتى وكل الاخوان والخوات

هم وانا لسى ماقدمت على موعد للمقابله
كل يوم اشيك ع الموقع مليت كل المواعيد متأخره
واخاف اتوهق
باقي شهر على دراستي
والحين احاول ااجلها عشان الفيزا
والأمر من هذا ان بعد شهر 8 ماراح ينصدر قرار ابتعاث
اخاف تغلق المرحله ولسى ماطلعت الفيزا ولا اصدرت قرار

فين العالم شكلهم استلموا افيز وجلست انا وهمي ههههههه.. معقوله ايش هالحظ ... استغفر الله.

حسبي الله ونعم الوكيل .. صار لي 73 يوم ..

مستقيل من عملي ومكبر الوسادة .. كل ما جاني اتصال فزيت قلت هم ..

امرضوني وربي امرضوني .. ما كانوا بعض الاهل و الزملاء مؤيدين للسفر .. و للأسف بدا كل شخص يضرب فيني بكلمة من احباط ..

وانا الآن محبط حتى الثمالة .. ارجع ادور شغل .. اغير الدولة .. ابيع بطيخ .. و لا وش اسوي بعمري ..

يا كريم ..

عذراً يا اخوان ع نبرة الاحباط .. و لكن عطيتوني مجال للفضفضه بهالموضوع ..

نصيحه الى بيقدم يقدم على سفارة الرياض
مواعيدهم قريبه,,واخلاق ومحترمين
بس اهم شى الابتسامه
*_*

لاعادي وناخوك ياما فضفضنا وياما وياما
بس مع الاستغفار وكثرة الدعاء
الامور تتيسر
يالله يارب يسخرلك الامير والنظير وملائكة السماء وجنود الارض يارب
انت وكل مسلم ومسلمة

اللهم امين يا رب .. و لك بالمثل .. املي بالله .. و الاسبوع الجاي ان شاء الله نستلمها ..

أن شاء الله تستلمون هالفيزه اليوم قبل بكره
بس لاتنسون تبشرونا
نبي نفرح معكم
بالتوفيق اخوانى وخواتي

ما شاء الله تبارك الله

الف مبروووووووك وعقبالنا

أخواني بسألكم انا مقابلتي كانت امس والحمدلله كانت مرة سهلة اخذ جوازاتنا وقال روحوا على الفديكس واشتروا ظرفين ووووو
الي بسالكم عنه انو ادانا الاستمارات انا ومرافقي بس مكان الباركود باستمارة مرافقي ختم عليها بختم ازرق فيه كلمتين مدري ايش الهرجة نسيتها من الربكة
ولا اداني ايصال زي ما قريت هنا انهم يدون احد ايصالات انو خلاص تم

كل الي عمله سأل كم سؤال واخذ الجوازات وقال روحو بالاستمارات حقتكم على الفديكس واشتروا ظرفين احد فاهم ايش الوضع ؟!