الى شايل هم الفيزا يفضفض هنا

ادعولنا ياشباب لسه ثاني يوم D:

يالله صباح خير
محد رد على استفساري

صباحك خوخ
اهلا وسهلا عمو الممرض

الحين لو طلعت امر اركاب ودراستى فى 24-08-2010
هل اروح لمريكا فى بداية شهر 8؟ او لازم قبل الدراسه بسبوع؟
ج/من تطلع فيزتك تقدر تسافر باي وقت ويفضل قبل الدراسة بـ10 ايا الى اسبوعين عشان يومين في واشنطن

ثاني شى ممكن ايميل الملحقيه الى هناك عشان اراسلهم واذا جيت يستقبلونى بالمطار
ج/اذا انت ع الخطوط السعودية يستقبلونك بدون مراسله

طب ثالث شى هل الفندق الى متعاملين معه الملحقيه زين او لا
كم سعره باليله؟ كم يوم واخلص اوراقي؟
ج/ماشفت احد يسب الفندق وبعدين لو صار شين يكفي ان الملحقية تاخذك وتجيبك اذا كنت بنفس الفندق والسعر ان كنت ماني واهم 70$ بالليله, ويكفيك يومين عشان تخلص امورك

هل اذا خلصت اموري من الملحقيه وفتحت ملف
هل يعطونى التذكره من واشنطن الى الولايه الى راح ادرس فيها عشان اخلص اوراق المعهد والجامعه
يعنى كم اجلس هناك هل اسبوع اوخمس ايام او على حسب
وكم بيكلفنى من مبلغ؟
سواءً معك امر اركاب او لا الأفضل تحجز من السعودية ومايعطونك الملحقية تذكرة
بس اتوقع انوو معك امر اركاب واذا كان معك امر اركاب من الطيار تحجز كل شي اللي هي من السعودية حتى واشنطن ومن واشنطن حتى ولايتك وحط خبر عند الطيار انك راح تجلس يومين بواشنطن اما مسألة كم راح تكلفك الجلسة بواشنطن فما ادري يابعدي

كل اجاباتي من خلال ماقرأت بالمنتدى وتكلموا كثير في هذي المواضيع
بالتوفيق

اخوي دكتور انا باخذ امر اركاب انشاءلله من الرياض
هل الملحقيه تعطينى فقط الى واشنطن للملحقيه؟؟
او يعطونى للواشنطن واذا خلصت من امور الملحقيه يعطونى تذكره للولايه الى فيها جامعتى عشان اخلص اموري واخلص اوراقي
لان الوزارة قالت لى خلص امورك من الملحقيه وجب ورقه من الجامعه انك سجلت وبتباشر
وجب الاوراق عندنا بالوزارة وانشاءلله بيحطونى فى قائمة المبتعثين
وش رايك فى هالحتسي؟

اخوي الممررض انا مدري ليه

تقول ابي اجيب امر اركاب وكان الوضع عادي

اللي اعرفه ان اللي رايح على حسابه الله لايهينه يدفع هو بنفسه مايعطونه امر اركاب

الا اذا عندك واسطه وامورك ماشيه ما اقول غير الله يوفقك

واحد اعرفه طلع امر اركاب بدون قرار ابتعاث واول ما وصل للملحقيه قال انا على حساب الحكومه وعطاهم امر الاركاب ومشت اموره

يمكن تمشي عليهم انت حاول من هنا او هنا لين تضبط امورك

بالنسبه للسكن والامور الاخرى

تابع هالموضوع فيه شرح بالتفصيل وكم تدفع خلال اقامتك في واشنطن
http://www.mbt3th.us/vb/forum8/thread182757.html

بالتوفيق

تسجل نموذج امر اركاب بالوزاره وفيه فرع للطيار بالوزارة تروح تحجز كل شي من السعودية لواشنطن ومن واشنطن لولايتك
كل شي من السعودية بس اللي يحجز لك قله ابي يومين بواشنطن وبس

وسع صدرك ولاتفكر وش راح يصير هناك
بتلقى سعوديين بقولون لك عن كل شي
وان كانه خطاب من الجامعة تاخذه من الجامعة بضرف دقيقة يوضحون فيه ان باشرت
وفي الملحقية لك مشرف تكلمه تسأله وانتهت المشكلة
انت معطي المسألة اكبر من حجمها وسع صدرك ابوي
بالتوفيق ياتاج راسي

الله يجزاك خير اخوي منصور
مدري جتنى ركبه على هالصبح يالله صباح خير
لكن جزاك الله خير والحين بدخل على الرابط
والواسطة واسطتنا رب العالمين وانشاءلله يعطوني امر اركاب
الله يوفقنا جميعا يارب

بقولهم يومين بواشنطن ويومين فى ولايتى وبعدين العودة الى ديارنا


والله انى مرتبك ونااكتبلكم
جانى شعور عجيب وغريب
هههههههههههه
والله انى افكر انى اهون
<<<يوم درا ان الروحه والغربه قربت ارتبك
خخخخخ

جتني رسالة فز قلبي طمرت من كرسيي اركض ركض
الرسالة ( عزيزي العميل قاربت على تجاوز حدك الأئتماني ) اوم الأحباط
ممرض قسم بشوتك يارجال اركد وش خوف ووش ربكه تهون اقص راسك

بالتوفيق

باقي لي يومين وآرسل اورآق الفيزآ

هجلوتني سالفة الضمآن البنكي -_-

وشسموه هذا وش سالفة المقابلة ماني فاهمتها

علمآ بأني رآح ابتعث لـ كندآ

يعني اذا جات الفيزآ لآزم اروح السفآرة اسوي مقآبلة ولا شنو

=رآيحة ع حسآبهآ الخآص *_*