الى شايل هم الفيزا يفضفض هنا

الله يعينكم ويعيني صار لى اربعين يوم وراسلتهم ردو على يوم الربوع قالو تحت الاجرات الادارية يعني متى والرحلة باقي عليها 26 يوم

الله يسترررررر ادعولى


" من لزم الاستغفار جعل الله له من كل ضيق مخرجا
ومن كل هم فرجا ورزقه من حيث لا يحتسب "

استغفر الله استغفر الله استغفر الله
الله يوفقنا وياك اخوي

امين,,,,,,,,,,,,

انا من الخبر وسويت مقابلتى فى الرياض
عموما سوي الى ريحيك
لكن سمعة سفارة الظهران مره سيئه
الله يوفقك يارب

انا كان موعدي قبل 3 شهور ونص والى الحين وانا شيل وحط معهم وعجزت فيهم

اول شي ارسلوا لي قالوا i20 انتهى لازم تجيب جديد << وجبته لهم خلال 4 ايام

بعدين انتهي القبول اللي جبته وارسلوا لي رساله يبون i20 جديد وبرنت سفرات من الجوازات << جبتها لهم وخلصلت

المهم مالاطول عليكم ارسلت لهم القبول والبرنت من الجوازات بالعربي قالوا لي جب البرنت انلجش رحت للجوازات قالوا ماعندنا برنت انجلش

عاد انا رحت وترجمتها معتمده وبرسلها لهم

سوالي يقبلون البرنت مترجم ولا لازم من الجوازات << مع ان الجوازات قالوا لي معندنا انجلش رح تفاهم معهم انت

اخوي عبد الاله الله ييسر امورك صدقني احتسبها خيره من ربك هالتاخير
وخل عندك ان هذا الشي خير لك


ان الفيزه راح تجي ان شاء الله على خير وبشرنا فيها على خير



الله يوفقك ويوفق جميع من فيزته بالانتظار

اخوي عبدالاله لاتستعجل على صدور الفيزه
ياما ناس طلعت لهم فيزهم وجتهم ضروف واجلو الدراسه وانا اولهم
ترا ماتدري وشهى الخيره فيه
طبعا الكلام هذا للكل

شباب سفارة الظهران مو ذاك السوء

عادي ترا , انا طالب في البترول وسويتها في الظهران ,

عندي سؤال, لمن يقولو It will be printed shortly, كم ياخذو تقريبا ؟

مرحبا ياحلوين

بسالكم بخصوص السفاره للحين ماحجزت تكفون ابي كيف احجز ووش سالفه السيفيس ورسوم الفيزا يعني اسدد اول كل الثنتين لي وللمحرم بعدين اخذ موعد ؟؟؟؟؟

وبالنسبه للموعد ان انتظر قبول جديد لان قبولي الاول راح موعده وانتظر قبول جديد تتوقعون الاقي موعد للسفاره بعد اسبوعين ؟؟؟

طيب بالنسبه للضمان المالي يعني مااروح للسفاره الا وهو معي .... يعني لااخذت موعد اروح اخذ الضمان من الوزاره

تكفون ضايقه فيني الوسيعه مدري وش اسوي مرره متضايقه

تكفون دلوني والله ضايعه وحايسه

بسالكم بخصوص السفاره للحين ماحجزت تكفون ابي كيف احجز ووش سالفه السيفيس ورسوم الفيزا يعني اسدد اول كل الثنتين لي وللمحرم بعدين اخذ موعد ؟؟؟؟؟

بالنسبه لحجز الموعد طريقته موجوده في المنتدى , والسيفيس رسوم قدرها 200 دولار تسدد عن طريق موقع
ورسوم الفيزا تتسدد في بنك سامبا 532 ريال وتاخذي الايصال وتعطيه السفاره, الرسوم والسيفيس ماتفرق تسدديهم قبل ماتحجزي موعد او بعد الحجز

وبالنسبه للموعد ان انتظر قبول جديد لان قبولي الاول راح موعده وانتظر قبول جديد تتوقعون الاقي موعد للسفاره بعد اسبوعين ؟؟؟

دوري وان شالله تلاقي مواعيد

طيب بالنسبه للضمان المالي يعني مااروح للسفاره الا وهو معي .... يعني لااخذت موعد اروح اخذ الضمان من الوزاره

لازم تاخذي الشهاده البنكيه معاكي للسفاره