الى شايل هم الفيزا يفضفض هنا

الله يسعدك اخوي ماقصرت والله

الله يوفقكم يارب
ماتدرون وش كثر استانس لما اشوف الاعضاء يساعدون بعض
صحيح كان هالصباح صباح سيئ
لكن الحين تعدل الحال يوم شفت ردك يااخر العنقود
الله يوفقك ويحفظك

ياجماعه اللي ماعندو رقم الجدول وحاول مع الوزاره يجيبو وماعطوه ايش يسوي
انا اصلا قبولي الجديد ماوصل لسى ويمكن اروح بس بالصوره اللي اخدتها من المعهد
دلوني الله يرضى عليكم مليت كل ما اقول كملت اوراقي يطلع ميه شي ناقص

موعدي السبت انشالله لا معايا اي تونتي ولا رقم جدول وحتى برنت تبع الجوازات ما جبتو
بس قولي ورقة التدقيق تحل محل رقم الجدول ولا كيف؟

معليش عندي كمان سؤال تاني
خطاب تعريف العمل ليا ولزوجي لازم منو
انا كتبت بالابليكشن انو موظفين .
لكن اول ماتطلع الفيزا رح نستقيل انا وزوجي
فشو العمل اجيب الخطاب واترجمو ولا مارح يطلبو علما اني من ضمن البعثات

ابي اعرف وشو رقم الجدول؟
السفاره تطلب طال عمرك ورقة التسديد حق الفيزا من بنك سامبا
يعنى لازم تروحون بنك سامبا وتدفعون على كل جواز مبلغ وقدره530 اتوقع
وبعدين طال عمرك تسددون رسوم السيفس وقيمتها200دولار
وبعدين كشف حساب لااخر ثلاث شهور ويكون المبلغ من فوق90الف اتوقع
وشهاده بنكيه
طبعا كلها بالانقليزي
وهذى ماتاخذ وقت بحدود النص ساعه
في ملاحظه: البنك ياخذ منك150ريال قيمة الشهادة البنكيه وهذا الى حصل معي
بالنسبه للركيمونديشن الى توصيه من العمل او خطاب من العمل
انا طلعتها ولاسئلونى عنها
لكن طلعوها من باب الاحتياط يمكن يسئلونكم عنها وخلوها مترجمه بالغه الانجليزيه وتكون مختمه
وجيبو معاكم جوازاتكم القديمه
واذا ماعندكم جوازات قديمه جيبو برنت واتوقع( بلغه الانجليزيه)
وخلوكم صريحين اذا سئلوكم وين سافرتو
لان اي كذبه بتروحون فيها بعدين هههههه
وبعدين صوره من الاي تونى وصورة من القبول المعهد والجامعه
وجيبو سلمكم الله شهاداتكم الى مترجمه بالانقليزي وجيبو بالعربي احتياط
لان في مقابلتى طلبو بلغه الانجليزيه والنسخه العربيه
طبعا يعتمد على حسب الكاونتر الى يسوي معكم المقابله
طبعا قبل كل شى لازم تحجزون بالسفاره وتطبعون الابلكيشن والصور مقاسها5 في 5
واطبعو الابلكيشن وخلوها معاكم اذا بتروحون للسفاره
طبعا الكل يمدح سفارة الرياض وانا اولهم بما انى من سكان منطقة الدمام
هذا الى اذكره واذا في شى ناقص ياليت احد يذكرنى
اتمنى لكم التوفيق بالدنيا والاخره
واول ماتدخلون السفاره خلكم ريلاكس وانواع الابتسامات

انا طالعه على حساب الوزاره مو على حسابي عشان كذا فيك رقم جدول المفروض اخدو من الوزاره بس لوني مايطلعوه الا بالقبول وانا ماوصلني لسى

الله يسهلها

من 2 جون..ولا حياة لمن تنادي لا حس ولا خبر

د / ملحط وين راح مختفي له فتره ماشفته شكله مشى الله يستر عليه
بعدين أنا من الفتره اللي قضيتها في ملتقى التأشيرات حفظت جميع الأخوان اللي معي
وصرت أي واحد يختفي أفقده ويصير له وحشه
بس ررجاء من الأخوان اللي بيمشون يعطونا خبر على شان نتطمن عليهم
ترى حنا هنا إخوان أبونا (منتدى مبتعث) وأمنا (وزارة التعليم العالي)
ههههههههههههه

فهيد والله لو اقولك شى يمكن تصدق ويمكن لا
امس بغيت اكتب واقول في ثنين فاقدهم ولا لاهم حس ولاخبر
الى اهو انت ودكتر
وثاني شى واحد هنا بالمنتدى اسمه مضلوم وقاعد احتري متى تطلع فيزته لان له سنه اتوقع وهو يستنى
انتو الثلاثه في بالى امس
لكن انت طمرت وسبقتنى
عموما الله يوفقنا كلنا
ودكتر سحب علينا وتلقاه مهيص هناك وفالها فل ههههههههههه

وكيف نسيتني عزيزي الممرض، وانا اطامر في موضوعك من زمااااااااااااااااان

عموماً لا أزال من 19 أبريل انتظر الفيزا، والأيام الأخيرة أواجه مشاكل في رقم السيفس (الرقم الدولي) وهناك أخذ ورد ما بين الجامعة والسفارة، وكل يغني على ليلاه.
والله يكتب لنا ولكم الخير.
سلامي للأحبة والإخوة جميعاً، متمنياً لهم أياماً سعيدة.